ଏତେ ସାହସ ଆସିଲା କେଉଁଠୁ! ଇମ୍ରାନ ଖାନଙ୍କୁ ବଡ଼ଭାଇ ସମ୍ବୋଧନ କଲେ ସିଦ୍ଧୁ, ଘଟଣା ପଛରେ ରାହୁଲଙ୍କ ହାତ ଥିବା ଅଭିଯୋଗ ଆଣିଲା ବିଜେପି
ନୂଆଦିଲ୍ଲୀ: ପାକିସ୍ତାନର କରତାରପୁରରେ ପହଞ୍ଚିବା ପରେ କ୍ରିକେଟରରୁ ରାଜନେତା ପାଲଟିଥିବା ନବଜୋତ ସିଂହ ସିଦ୍ଧୁ ଏକ ବଡ଼ ବିବାଦରେ ଫସିଯାଇଛନ୍ତି । ପଡ଼ୋଶୀ ଦେଶ ପାକିସ୍ତାନ ସହ ଭାରତର ସମ୍ପର୍କ ଖରାପ ଥିଲେ ହେଁ ଏହାକୁ ତିଳେ ହେଲେ ଖାତିର କରିନାହାନ୍ତି ସିଦ୍ଧୁ । ସେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନଙ୍କୁ ବଡ଼ଭାଇ ବୋଲି ସମ୍ବୋଧନ କରିବା ସହ ତାଙ୍କଠାରୁ ବହୁତ ଭଲପାଇବା ପାଇଥିବା ପ୍ରକାଶ କରିଛନ୍ତି ।
ତେବେ ପଞ୍ଜାବ କଂଗ୍ରେସ ଅଧ୍ୟକ୍ଷ ସିଦ୍ଧୁ ଗତକାଲି ପାକିସ୍ତାନର କରତାରପୁରରେ ପହଞ୍ଚିଥିଲେ । ସେଠାରେ ପହଞ୍ଚିବା ପରେ ସିଦ୍ଧୁଙ୍କ ଉପରେ ପୁଷ୍ପବୃଷ୍ଟି କରାଯିବା ସହ ସ୍ୱାଗତ କରାଯାଇଥିଲା । ଏହି ସ୍ୱାଗତ ସମ୍ବର୍ଦ୍ଧନାରେ ସିଦ୍ଧୁ ବିମୋହିତ ହୋଇ ଇମ୍ରାନଙ୍କୁ ବଡ଼ଭାଇ ବୋଲି ସମ୍ବୋଧନ କରିଛନ୍ତି । ତେବେ ଏହି ଘଟଣାକୁ ନେଇ ବର୍ତ୍ତମାନ ବିବାଦ ଉଠିଛି । ବିଜେପି ପକ୍ଷରୁ ଏହାକୁ କଡ଼ା ସମାଲୋଚନା କରାଯାଇଛି । ଏହି ଘଟଣା ପଛରେ ରାହୁଲ ଗାନ୍ଧୀଙ୍କ ପରୋକ୍ଷ ହାତ ରହିଥିବା ଅଭିଯୋଗ ଆଣିଛନ୍ତି ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ରା । ଜଣେ କ୍ରିକେଟର ଭାବେ କ୍ୟାରିୟର ଆରମ୍ଭ କରିଥିବା ଇମ୍ରାନଙ୍କ ସହ ସିଦ୍ଧୁଙ୍କର ଅନ୍ତର୍ଜାତୀୟ ମ୍ୟାଚ ସମୟରେ ଦୋସ୍ତି ଆରମ୍ଭ ହୋଇଥିଲା । ତେବେ ଇମ୍ରାନ ପ୍ରଧାନମନ୍ତ୍ରୀ ହେବା ପରେ ସମସ୍ତ ବିରୋଧ ପରେ ବି ସିଦ୍ଧୁ କପଟୀ ପାକିସ୍ତାନର ଇମ୍ରାନଙ୍କ ଶପଥଗ୍ରହଣ ଉତ୍ସବରେ ଯୋଗ ଦେଇଥିଲେ । ବାରମ୍ବାର ସିଦ୍ଧୁଙ୍କ ପାକିସ୍ତାନ ପ୍ରେମ ଜନମାନସରେ ପରିସ୍ଫୁଟିତ ହେଉଛି ।
Rahul Gandhi’s favourite Navjot Singh Sidhu calls Pakistan Prime Minister Imran Khan his “bada bhai”. Last time he had hugged Gen Bajwa, Pakistan Army’s Chief, heaped praises.
Is it any surprise that the Gandhi siblings chose a Pakistan loving Sidhu over veteran Amarinder Singh? pic.twitter.com/zTLHEZT3bC
— Amit Malviya (@amitmalviya) November 20, 2021
