ଗଛରେ ପୋଷ୍ଟର ଲଗାଇଲେ ଗଣିବେ ୫୦ ହଜାର ଟଙ୍କାର ଫାଇନ୍: ବିଏମସି ଦେଖାଇଲା ଉଦାହରଣ
ଭୁବନେଶ୍ୱର: ରାଜଧାନୀ ଭୁବନେଶ୍ୱରକୁ ସ୍ୱଚ୍ଛ, ନିର୍ମଳ ଏବଂ ସଫା ରଖିବା ପାଇଁ ସରକାର ବିଭିନ୍ନ ପଦକ୍ଷେପ ନେଉଛନ୍ତି । ଏହାପରେ ମଧ୍ୟ କିଛି ଅସାମାଜିକ ଲୋକ ବିଏମସିର ଏହି ନିୟମକୁ ଫୁ’ କରି ଉଡ଼ାଇ ଦେଉଥିବା ଦେଖାଯାଇଛି । ଏହି ନିୟମକୁ ଭୁଲି ରାଜଦାନୀର ବିଭିନ୍ନ ସ୍ଥାନରେ ଗଛରେ ପେଷ୍ଟର ଲାଗିଛି । ଯାହାକୁ ନେଇ ଆକ୍ସନ ମୋଡକୁ ଆସିଛି ବିଏମସି । ଗଛରେ ପୋଷ୍ଟର ଲାଗିବା ଅଭିଯୋଗରେ ଫାଇନ ଆଦାୟ କରିଛି ମହାନଗର ନିଗମ । ପୋଷ୍ଟର ଯୋଗୁଁ ୫୦ ହଜାର ଟଙ୍କାର ଫାଇନ୍ ଆଦାୟ କରାଯାଇଛି ।
Team BMC imposed a penalty of Rs 50,000/- and lodged an FIR on Evolve (A Multidesigner Store) at Jaydev Vihar for pasting multiple posters on the tree.
Don't paste unauthorised posters/banners on tree, pole and wall(TPW) it will result in heavy penalty with FIR.… pic.twitter.com/Q5huBtf2Pu
— BMC (@bmcbbsr) November 22, 2023
ରାଜଧାନୀ ଭୁବନେଶ୍ୱରର ଜୟଦେବ ବିହାରରେ ଦେଖିବାକୁ ମିଳିଛି ଅଭାବନୀୟ ଘଟଣା । ଏଠାରେ ଏକ ଗଛରେ ପୋଷ୍ଟର ଲାଗିଥିବାର ଦେଖି କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିଛି ଭୁବନେଶ୍ୱର ମହାନଗର ନିଗମ । ଇଭୋଲଭ୍ ମଲ୍ଟି ଡିଜାଇନ୍ ଷ୍ଟୋର ନାଁରେ ଏହି ମାମଲା ରୁଜୁ କରାଯାଇଥିଲା । ବିନା ଅନୁମତିରେ ପୋଷ୍ଟର ଲଗା ଯାଇଥିବାରୁ ୫୦ ହଜାର ଟଙ୍କାର ଫାଇନ୍ ଆଦାୟ କରିଛି ବିଏମସି । ତେବେ ଏହି ଘଟଣା ପରେ ବିଏମସି ସମସ୍ତଙ୍କୁ ଏ ନେଇ ସଚେତନ କରାଇଛି । ବିନା ଅନୁମତିରେ କୌଣସି ଗଛରେ ପୋଷ୍ଟର ଲଗାଇବା ପାଇଁ ବିଏମସି ବାରଣ କରିଛି । ନଚେତ୍ ବଡ଼ ଆକାରର ଫାଇନ୍ ଆଦାୟ କରାଯାଇପାରେ ବୋଲି ଚେତାବନୀ ଦେଇଛି ଭୁବନେଶ୍ୱର ମହାନଗର ନିଗମ ।
