ବ୍ରହ୍ମପୁରରେ ଜନ୍ମ ନେଲା ବିଚିତ୍ର ଓ ବିରଳ ଶିଶୁକନ୍ୟା
ବ୍ରହ୍ମପୁର,୨୨ ।୪(ଓଡିଶା ଭାସ୍କର): ବ୍ରହ୍ମପୁର ବଡ ମେଡିକାଲରେ ଏକ ବିଚିତ୍ର ଓ ବିରଳ ଶିଶୁ କନ୍ୟା ଜନ୍ମ ହୋଇଛି । ଗତକାଲି ବିଳମ୍ବିତ ରାତି ୨ଟା ୪୦ ମିନିଟରେ ଶିଶୁ କନ୍ୟାଟି ଜନ୍ମ ନେଇଥିବା ବେଳେ ଶିଶୁଟିର ମୁହଁ ଅଦ୍ଭୁତ ଦିଶୁଥିବା ଦେଖିବାକୁ ମିଳିଛି । ମେଡିକାଲ ଶବ୍ଦରେ ଶିଶୁଟି ହାର୍ଲିକୁଇନ୍ ଇକଥେଷିସର ଶିକାର ହୋଇଥିବା କୁହାଯାଉଛି । ପ୍ରାୟ ୫ରୁ ୧୦ ଲକ୍ଷ ଶିଶୁଙ୍କ ମଧ୍ୟରୁ ଜଣେ ଏଭଳି ଶିଶୁ ଜନ୍ମ ହୋଇଥାଏ ।
ତେବେ ଏଭଳି ଶିଶୁର ଜନ୍ମ ପରେ ବଞ୍ଚିବା କ୍ଷୀଣ ବୋଲି ଡାକ୍ତର କୁହନ୍ତି । ବ୍ରହ୍ମପୁର ବଡ ମେଡିକାଲରେ ଜନ୍ମ ନେଇଥବା ଏହି ଶିଶୁର ଏବେ ଚିକିତ୍ସା ଚାଲିଛି ।
ଏହା ପୂର୍ବରୁ କେନ୍ଦ୍ରାପଡ଼ା ଜିଲ୍ଲା ରାଜନଗର ଥାନା କଣୀ ଗାଁର ଉମାକାନ୍ତ ପରିଡ଼ାଙ୍କ ପତ୍ନୀ ଅମ୍ବିକା ଏକ ଅଦ୍ଭୁତ ଶିଶୁ କନ୍ୟାକୁ ଜନ୍ମ ଦେଇଥିଲେ l ଶିଶୁଟିର ପିଠି ପଟକୁ ଗୋଟେ ହାତ ରହିଥିବା ଦେଖିବାକୁ ମିଳିଥିଲା। ଶିଶୁଟିର ୨ଟି ମୁଣ୍ଡ, ୩ଟି ହାତ, ୨ଟି ଗୋଡ଼, ୪ଟି ଆଖି ରହିଥିବା ବେଳେ ଚିକିତ୍ସା ପାଇଁ ଶିଶୁଟିକୁ କଟକ ଶିଶୁ ଭବନରେ ଭର୍ତ୍ତି କରାଯାଇଥିଲା।