ଭୀଷଣ ଗରମ ଏବଂ ଉତ୍ତାପର ହାହାକାର ମଧ୍ୟରେ ସ୍ୱାସ୍ଥ୍ୟ ମନ୍ତ୍ରୀ ଡକାଇଲେ ଜରୁରୀ ବୈଠକ, ପ୍ରଭାବିତ ରାଜ୍ୟକୁ ପଠାଯିବ ସ୍ୱତନ୍ତ୍ର ଟିମ
ନୁଆଦିଲ୍ଲୀ : ଦେଶର ଅନେକ ସ୍ଥାନରେ ଭୀଷଣ ଗରମ ହେତୁ ଲୋକେ ଚିନ୍ତିତ ହୋଇଗଲେଣି । ଅତ୍ୟଧିକ ଉତ୍ତାପରେ ଅଧିକାଂଶ ଲୋକଙ୍କ ମୃତ୍ୟୁର ଖବର ସାମ୍ନାକୁ ଆସିବା ସହ କେତେକଙ୍କୁ ହସ୍ପିଟାଲରେ ମଧ୍ୟ ଭର୍ତ୍ତୀ କରାଯାଇଛି । ଏହା ମଧ୍ୟରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ଡା଼. ମନସୁଖ ମଣ୍ଡାଭିୟା ଏକ ବୈଠକ ଡକାଇଥିଲେ । ଏହି ଉଚ୍ଚ ସ୍ତରିୟ ବୈଠକରେ ସାର୍ବଜନିକ ସ୍ୱାସ୍ଥ୍ୟ ସମୀକ୍ଷା କରାଯାଇଛି । ଏହି ବୈଠକରେ ଅନେକ ଉଚ୍ଚାଧିକାରୀ ଉପସ୍ଥିତ ଥିଲେ ।
ସୂଚନା ଅନୁସାରେ ଏହି ବୈଠକରେ ନୀତି ଆୟୋଗର ସଦସ୍ୟ ଡା. ଭିକେ ପାଲ, ଭାରତୀୟ ଚିକିତ୍ସକ ଅନୁସନ୍ଧାନକାରୀ ପରିଷଦର ମହାନିର୍ଦ୍ଦେଶକ ଡ. ରାଜିବ ବହଲ ଏବଂ ଭାରତର ପାଣିପାଗ ବିଜ୍ଞାନ ବିଭାଗର ଅଧିକାରୀଙ୍କ ସହିତ ଅନ୍ୟ ଏକ୍ସପର୍ଟ ମଧ୍ୟ ଉପସ୍ଥିତ ଥିଲେ । ଏହି ବୈଠକରେ ସ୍ୱାସ୍ଥ୍ୟ ମନ୍ତ୍ରୀ କହିଥିଲେ ଯେଉଁ ରାଜ୍ୟରେ ହିଟ ୱେବ ଚାଲୁଛି, ସେହି ରାଜ୍ୟକୁ ସାହାଯ୍ୟ ପାଇଁ ଭାରତ ସରକାରଙ୍କ ତରଫରୁ ଆଇଏମଡି, ଆପଦା ପ୍ରବନ୍ଧ, ସ୍ୱାସ୍ଥ୍ୟ ମନ୍ତ୍ରାଳୟରେ ଉଚ୍ଚାଧିକାରୀଙ୍କ ଏକ ଟିମ ଯିବ ।
ଗତ କିଛି ଦିନ ହେଲା ଉତ୍ତରପ୍ରଦେଶ, ବିହାର ଓ ଓଡିଶା ସମେତ ଅନେକ ଦେଶର ଅଧିକାଂଶ ସ୍ଥାନରେ ଉତ୍ତାପ କାରଣରୁ ଲୋକଙ୍କ ମୃତ୍ୟୁର ଖବର ଆସୁଛି । ତାଲିକା ଅନୁସାରେ ଉତ୍ତାପରେ ଏବେ ପର୍ଯ୍ୟନ୍ତ ପ୍ରାୟ ୧୦୦ ଲୋକଙ୍କ ମୃତ୍ୟୁ ହୋଇଗଲାଣି । କିନ୍ତୁ ସ୍ୱାସ୍ଥ୍ୟ ବିଭାଗ ତରଫରୁ କୁହାଯାଇଛି ଯେ ସବୁ ଲୋକଙ୍କ ମୃତ୍ୟୁ କେବଳ ଉତ୍ତାପ କାରଣରୁ ହୋଇନାହିଁ । ରିପୋର୍ଟ ଅନୁସାରେ କୁହାଯାଇଛି ଯେ ବିହାରରେ ୩୦ ଜଣରୁ ଅଧିକ ଲୋକଙ୍କ ମୃତ୍ୟୁ ଗରମରୁ ହୋଇଛି । ଉତ୍ତାପରୁ ମୃତ୍ୟୁ ହୋଇଥିବା ଖବର ସାମ୍ନାକୁ ଆସିବା ପରେ ପାଣିପାଗ ତରଫରୁ ହାଇ ଆଲର୍ଟ ଜାରି କରାଯାଇଛି ।
