ଗୁଜରାଟ ବିଧାନସଭା ନିର୍ବାଚନରେ ଶାହଙ୍କୁ ମୁଖ୍ୟମନ୍ତ୍ରୀ ପ୍ରାର୍ଥୀ କରିବ କି ଭାଜପା: କେଜ୍ରିୱାଲ
ନୂଆଦିଲ୍ଲୀ: ଆଗକୁ ଆସୁଛି ଗୁଜରାଟ ବିଧାନସଭା ନିର୍ବାଚନ । ଏହାକୁ ନେଇ ଚଳଚଞ୍ଚଳ ହୋଇ ଉଠିଛନ୍ତି ବିଜେପି ଓ ଆମ୍ ଆଦମୀ ପାର୍ଟି (ଆପ) । ତେବେ ଏହା ମଧ୍ୟରେ ଆପ୍ ହାଇକମାଣ୍ଡ ଅରବିନ୍ଦ କେଜ୍ରିୱାଲ ବିଜେପି ଆଡ଼କୁ ବାଣ ଛଡ଼ିଛନ୍ତି । ସେ କହିଛନ୍ତି, ଅମିତ ଶାହ ଗୁଜରାଟରେ ଦିନରାତି କଠିନ ପରିଶ୍ରମ କରୁଛନ୍ତି । ରାଜ୍ୟରେ ଭାଜପାର ସ୍ଥିତି ଦିନକୁ ଦିନ ତଳକୁ ଖସିବାରେ ଲାଗିଛି । ଆସନ୍ତା ବିଧାନସଭା ନିର୍ବାଚନରେ ଦଳ ଶାହଙ୍କୁ ମୁଖ୍ୟମନ୍ତ୍ରୀ ପ୍ରାର୍ଥୀ ଭାବେ ଉପସ୍ଥାପିତ କରିବ କି? କେଜ୍ରିୱାଲଙ୍କ ଏଭଳି ଟ୍ୱିଟକୁ ନେଇ ଏବେ ରାଜନୀତିକ ମହଲରେ ଚର୍ଚ୍ଚା ଆରମ୍ଭ ହୋଇଯାଇଛି ।
କେଜ୍ରିୱାଲ ଟ୍ୱିଟ୍ କରିଛନ୍ତି, ‘ଆପଣ ଗୁଜରାଟରେ ଦ୍ରୁତବେଗରେ ଆଗକୁ ବଢ଼ିବାରେ ଲାଗିଛନ୍ତି । ରାଜ୍ୟରେ ଭାଜପାର ସ୍ଥିତି ଅତ୍ୟ ନଗଣ୍ୟ । ଭୂପେନ୍ଦ୍ରଭାଇ ପଟେଲଙ୍କ କାର୍ଯ୍ୟକୁ ନେଇ ବିଜେପି ବୋଧହୁଏ ସନ୍ତୁଷ୍ଟ ନାହିଁ । ତେଣୁ ଭାଜପା ଶାହ ଜୀ’ଙ୍କୁ ଆସନ୍ତା ନିର୍ବାଚନରେ ମୁଖ୍ୟମନ୍ତ୍ରୀ ପ୍ରାର୍ଥୀ କରିବ କି?’ ଦିଲ୍ଲୀ ପରେ ଦ୍ୱିତୀୟ ରାଜ୍ୟ ଭାବେ ପଞ୍ଜାବ ଦଖଲ ପରେ ଆପର ଛାତି ଏବେ ଜାତୀୟ ରାଜନୀତି ଆଡ଼କୁ ଲମ୍ବି ଯାଇଛି ।
ପ୍ରଥମ ଥର ପାଇଁ ଆପ ଗୁଜରାଟ ନିର୍ବାଚନରେ ପ୍ରାର୍ଥୀ ଦେବାକୁ ଯାଉଥିବା ବେଳେ ଗତ ୨୭ ବର୍ଷ ଧରି ରାଜ୍ୟରେ ଭାଜପା କ୍ଷମତାରେ ରହିଛି । ତେଣୁ ଏପରି ସ୍ଥିତିରେ ଭାଜପା ଗୁଜରାଟ ମଡେଲକୁ ଦିଲ୍ଲୀ ମଡେଲ ସହିତ ଚ୍ୟାଲେଞ୍ଜ ଦେଇଛନ୍ତି । ତେଣୁ ସେ ନିଜର ପୁରୁଣା ଷ୍ଟାଇଲରେ ମାଗଣା ଯୋଜନା ଘୋଷଣା କରି ପ୍ରଚାର ଅଭିଯାନ ଚଳାଇଛନ୍ତି । ଦିଲ୍ଲୀ ପରି ଗୁଜରାଟରେ ମଧ୍ୟ ୩୦ ୟୁନିଟ ମାଗଣା ବିଜୁଳି ସହିତ ଯୁବକଙ୍କୁ ଚାକିରି ମିଳିବାର ପ୍ରତିଶ୍ରୁତି ଦେଇଛନ୍ତି କେଜ୍ରିୱାଲ ।
“आप” गुजरात में तेज़ी से बढ़ रही है। भाजपा बुरी तरह बौखलाई हुई है।
क्या ये सच है कि आगामी विधान सभा चुनाव में भाजपा गुजरात में अमित शाह जी को CM चेहरा घोषित करने जा रही है? भूपेन्द्रभाई पटेल के काम से क्या भाजपा भी नाराज़ है?
— Arvind Kejriwal (@ArvindKejriwal) August 4, 2022
