କନସର୍ଟ ପୂର୍ବରୁ ଦୁର୍ଘଟଣାର ଶିକାର ହେଲେ Vishal Dadlani, ଶୋ’ ସ୍ଥଗିତ କରି ହସ୍ପିଟାଲ ଗଲେ

ନୂଆଦିଲ୍ଲୀ: ଅଳ୍ପକେ ବର୍ତ୍ତିଗରେ ସିଙ୍ଗର ବିଶାଲ ଦଦଲାନି । ଦୁର୍ଘଟଣାର ଶିକାର ହେବା ପରେ ସେ ହସ୍ପିଟାଲରେ ଭର୍ତ୍ତି ହୋଇଛନ୍ତି । ଏହାପରେ ପୁନେରେ ଏକ କନସର୍ଟ ସ୍ଥଗିତ ରଖିବା ନେଇ ସେ ସୋସିଆଲ ମିଡିଆରେ ପୋଷ୍ଟ କରି ସୂଚନା ଦେଇଛନ୍ତି ।

ଦୁର୍ଘଟଣାର ଶିକାର ହେଲେ ବିଶାଲ- ବର୍ତ୍ତମାନ, ବିଶାଲ ଦଦଲାନିଙ୍କ ସହ ଘଟିଥିବା ଦୁର୍ଘଟଣା ବିଷୟରେ ଅଧିକ ସୂଚନା ପ୍ରକାଶ କରାଯାଇ ନାହିଁ । କିନ୍ତୁ ତାଙ୍କୁ ସାମାନ୍ୟ ଆଘାତ ଲାଗିଥିବା କଥା କୁହାଯାଉଛି । ବର୍ତ୍ତମାନ ସେ ହସ୍ପିଟାଲରେ ଚିକିତ୍ସାଧୀନ ଅଛନ୍ତି ।

ଶୋ’ ବିଷୟରେ କହିବାକୁ ଗଲେ ବର୍ତ୍ତମାନ ଏହାକୁ ସ୍ଥଗିତ ରଖାଯାଇଛି । କିନ୍ତୁ ପୁଣି କେବେ ହେବ ତାହା ଘୋଷଣା କରାଯାଇ ନାହିଁ ।

ଶୀଘ୍ର ଆସିବି କହିଲେ ବିଶାଲ- ବିଶାଲ ଦଦଲାନି ତାଙ୍କ ଇନଷ୍ଟାଗ୍ରାମରେ ଏକ ଷ୍ଟୋରୀରେ ଏନେଇ ସୂଚନା ଦେଇଛନ୍ତି । ଷ୍ଟୋରୀରେ ସେ ପୁନେ କନସର୍ଟର ତାରିଖ ପରିବର୍ତ୍ତନ ବିଷୟରେ ଉଲ୍ଲେଖ କରିଥିଲେ । ବିଶାଲ ତାଙ୍କ ଷ୍ଟୋରୀରେ କନସର୍ଟର ପୋଷ୍ଟର ସେୟାର କରି ଲେଖିଛନ୍ତି, ମୋର ଏକ ଛୋଟ ଦୁର୍ଘଟଣା ଘଟିଥିଲା।

ମୁଁ ଶୀଘ୍ର ଫେରିବି, ତୁମ ସମସ୍ତଙ୍କୁ ଅପଡେଟ୍ ରଖିବି। ବିଶାଲଙ୍କ ସହିତ, ଆୟୋଜକମାନେ ମଧ୍ୟ ସେମାନଙ୍କ ସୋସିଆଲ ମିଡିଆରେ ଏ ବିଷୟରେ ସୂଚନା ଦେଇଛନ୍ତି ।

ଏହି କନସର୍ଟ ମାର୍ଚ୍ଚ 2 ରେ ହେବାର ଥିଲା ଏବଂ ବର୍ତ୍ତମାନ ଦ୍ୱିତୀୟ ତାରିଖ ବିଷୟରେ କୌଣସି ଅପଡେଟ୍ ନାହିଁ । ତେବେ ସେ କେଉଁ ପ୍ରକାର ଦୁର୍ଘଟଣାର ଶିକାର ହୋଇଛନ୍ତି ତାହା ମଧ୍ୟ ଜଣାପଡି ନାହିଁ ।