ଏହି ରଙ୍ଗର ଗାଜର ଖାଇଲେ କମିବ ଓଜନ, ମିଳିବ ସ୍ଳିମ ଫିଗର

ଭୁବନେଶ୍ୱର : ଗାଜର ଆମ ସ୍ୱାସ୍ଥ୍ୟ ପାଇଁ ଅତି ଉତ୍ତମ ଅଟେ । ଏହାକୁ ଖାଇବା ଦ୍ୱାରା ଶରୀରକୁ ଅନେକ ଫାଇଦା ମିଳିଥାଏ । ଏହା କେବଳ ଶୀତଋତୁରେ ଉତ୍ପାଦନ କରାଯାଏ, କିନ୍ତୁ ବଜାରରେ ଏହା ସବୁବେଳେ ମିଳିଥାଏ । ଆପଣ ଲାଲ ଏବଂ ନାରଙ୍ଗୀର ଗାଜର ଦେଖିଥିବେ । କିନ୍ତୁ ଆପଣଙ୍କୁ ଏପରି ଏକ ଗାଜର ଖାଇବାକୁ ପଡିବ ଯାହା ଆପଣଙ୍କୁ ନିଜର ଓଜନ କମାଇବାରେ ସାହାଯ୍ୟ କରିବ । ଓଜନ କମାଇବା ସହଜ କାମ ନୁହେଁ । କିନ୍ତୁ ଏହି ଗାଜର ସାହାଯ୍ୟରେ କଠିନ କାର୍ଯ୍ୟ ମଧ୍ୟ ସହଜରେ ହୋଇପାରିବ ।

ଏହି ରଙ୍ଗର ଗାଜର ଖାଇ କମ କରନ୍ତୁ ଓଜନ :
କଳା ଗାଜର, ଏହା ବଜାରରେ ବହୁତ କମ ମିଳିଥାଏ । କିନ୍ତୁ ଏହା ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭକାରୀ ଅଟେ, କାରଣ ଏଥିରେ ପୋଷକ ତତ୍ୱ ଅଧିକ ଥାଏ । ଏହାକୁ ପ୍ରତ୍ୟେକ ଦିନ ଖାଇବା ଦ୍ୱାରା ଶରୀରରେ ଥିବା ମେଦବହୁଳତା କମ ହୋଇଥାଏ । ଏହି ଗାଜରରେ ଫାଇବର, ଭିଟାମିନ ଏ, ଭିଟାମିନ ବି, ଭିଟାମିନ ସି, ପୋଟାସିୟମ, ମ୍ୟାଗାନିଜ, ଆଇରନ ଏବଂ ଆଣ୍ଟିଅକ୍ସିଡେଣ୍ଟ ରହିଥାଏ । ଏହା ସହିତ ଏଥିରେ ଅଧିକ କ୍ୟାଲୋରୀ ଏବଂ ଶର୍କରାର ମାତ୍ରା ବହୁତ କମ ଥାଏ ଯାହା ଦ୍ୱାରା ଓଜନ କମିବାରେ ସାହାଯ୍ୟ ହୋଇଥାଏ । କଳା ଗାଜରରେ ଅଧିକ ଫାଇବର ଥାଏ, ଏହାକୁ ଖାଇବା ପରେ ସହଜରେ ହଜମ ହୁଏ ନାହିଁ ଏବଂ ବ୍ୟକ୍ତି ଏହାକୁ ଖାଇବା ପରେ ଅନ୍ୟ କୌଣସି ଚର୍ବି ଯୁକ୍ତ ଖାଦ୍ୟ ଖାଇ ପାରିବ ନାହିଁ । ଯାହାଫଳରେ ଆପଣଙ୍କ ଶରୀରରେ ମୋଟା ଅଂଶ ବଢିବ ନାହିଁ ।

କିପରି ସେବନ କରିବେ କଳା ଗାଜର :
– ଗାଜରକୁ ଭଲ ଭାବରେ ଧୋଇ ସିଧା ଖାଇଦିଅନ୍ତୁ, ଯଦି ଧୋଇବା ପରେ ମଧ୍ୟ ସେଥିରେ ଲାଗିଥିବା ମାଟି ଛାଡୁ ନାହିଁ ତେବେ ତାହାର ଉପରେ ଥିବା ଏକ ଚମଡାକୁ ବାହାର କରି ଖାଆନ୍ତୁ ।
– ଗାଜରକୁ ପ୍ରାୟତଃ ସମସ୍ତେ ସାଲାଡ ତିଆରି କରି ଖାଆନ୍ତି । ଆପଣ ଏହାକୁ ପିଆଜ, ଟମାଟୋ, ମୂଳା, ଲେମ୍ବୁ ଏବଂ ସେଥିରେ ଲୁଣ ମିଶାଇ କଳା ଗାଜରକୁ ଖାଇ ପାରିବେ । ଯାହା ବହୁତ ସ୍ୱାଦିଷ୍ଟ ଅଟେ ।
– ଯଦି ଆପଣଙ୍କୁ ଗାଜରକୁ ଚୋବାଇ ଖାଇବା ପସନ୍ଦ ନାହିଁ ତେବେ ଆପଣ ଏହାକୁ ମିକ୍ସ ସାହାଯ୍ୟରେ ଜୁସ ତିଆରି କରି ଖାଆନ୍ତୁ । ଏହି ଜୁସକୁ ପିଇବା ଦ୍ୱାରା ଶୀଘ୍ର ଓଜନ କମିଥାଏ ।