୧୪ ଏପ୍ରିଲକୁ ଆମ୍ବେଦକରଙ୍କ ଜୟନ୍ତୀ ପାଇଁ ଛୁଟି ଘୋଷଣା କଲେ କେନ୍ଦ୍ର ସରକାର

ନୂଆଦିଲ୍ଲୀ: ସମାଜ ଏବଂ ସମ୍ବିଧାନ ପ୍ରତି ତାଙ୍କ ଅବଦାନ ଅତୁଳନୀୟ। ସେଥିପାଇଁ କେନ୍ଦ୍ର ସରକାର ଶୁକ୍ରବାର ଦିନ ୧୪ ଏପ୍ରିଲକୁ ଡକ୍ଟର ଭୀମରାଓ ରାମଜୀ ଆମ୍ବେଦକରଙ୍କ ଜନ୍ମବାର୍ଷିକୀକୁ ସାଧାରଣ ଛୁଟି ଘୋଷଣା କରିଛନ୍ତି।

ସୋସିଆଲ ମିଡିଆ ପ୍ଲାଟଫର୍ମ X ରେ ଏହି ଘୋଷଣା କରି କେନ୍ଦ୍ର ସଂସ୍କୃତି ମନ୍ତ୍ରୀ ଗଜେନ୍ଦ୍ର ସିଂହ ଶେଖାୱତ କହିଛନ୍ତି, “ସମ୍ବିଧାନର ସ୍ଥପତି, ସମାଜରେ ସମାନତାର ଏକ ନୂତନ ଯୁଗ ପ୍ରତିଷ୍ଠା କରିଥିବା ବ୍ୟକ୍ତି, ଆମର ପୂଜ୍ୟ ବାବା ସାହେବ, ଡକ୍ଟର ଭୀମରାଓ ଆମ୍ବେଦକର ଜୀ, ଏବେ ତାଙ୍କ ଜନ୍ମ ବାର୍ଷିକୀରେ ସାଧାରଣ ଛୁଟି ରହିବ।”

“ଏହି ନିଷ୍ପତ୍ତି ନେଇ, ବାବା ସାହେବଙ୍କ ଜଣେ ଉତ୍ସର୍ଗୀକୃତ ଅନୁଗାମୀ, ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଜୀ, ଦେଶର ଭାବନାକୁ ସମ୍ମାନ ଦେଇଛନ୍ତି,” ଶେଖାୱତ ଆହୁରି ମଧ୍ୟ ଡକ୍ଟର ଆମ୍ୱେଦକରଙ୍କ ସମ୍ପୂର୍ଣ୍ଣ ପରିଚୟ ସମ୍ୱନ୍ଧରେ ଆଲୋଚନା କରିଛନ୍ତି।

ଡକ୍ଟର ଆମ୍ବେଦକର କିଏ: ବାବାସାହେବ ଆମ୍ବେଦକର ନାମରେ ଜଣାଶୁଣା ଡକ୍ଟର ଭୀମରାଓ ରାମଜୀ ଆମ୍ବେଦକରଙ୍କ ଜନ୍ମ ୧୪ ଏପ୍ରିଲ ୧୮୯୧ ମସିହାରେ ମଧ୍ୟପ୍ରଦେଶର ମହୁଠାରେ ହୋଇଥିଲା। ତାଙ୍କୁ ଭାରତର ଦଳିତ ଆନ୍ଦୋଳନର ନେତା ଭାବରେ ବହୁଳ ଭାବରେ ବିବେଚନା କରାଯାଏ।

ଆମ୍ବେଦକର ଜଣେ ଅର୍ଥନୀତିଜ୍ଞ, ଶିକ୍ଷାବିତ୍ ଏବଂ ଭାରତୀୟ ସମ୍ବିଧାନର ମୁଖ୍ୟ ସ୍ଥପତି ଥିଲେ। ସେ ପଛୁଆ ଜାତିର ପ୍ରଥମ ବ୍ୟକ୍ତି ଥିଲେ ଯିଏ ଓକିଲ ହୋଇଥିଲେ। ତାଙ୍କର ମୂଳ ଉପନାମ, ଅମ୍ବାୱେଡକର, ତାଙ୍କ ଶିକ୍ଷକଙ୍କ ଦ୍ୱାରା ଆମ୍ବେଦକରକୁ ପରିବର୍ତ୍ତନ କରାଯାଇଥିଲା।

ଡକ୍ଟର ଆମ୍ବେଦକର ଡକ୍ଟରେଟ୍ ଉପାଧି ହାସଲ କରିଥିବା ପ୍ରଥମ ଭାରତୀୟ ମଧ୍ୟ ଥିଲେ। କୁହାଯାଏ ଯେ ସେ ନଅଟି ଭାଷାରେ ପାରଙ୍ଗମ ଥିଲେ। ୬ ଡିସେମ୍ବର ୧୯୫୬ରେ ୬୫ ବର୍ଷ ବୟସରେ ତାଙ୍କ ମୃତ୍ୟୁ ପରେ, ତାଙ୍କୁ ମରଣୋତ୍ତର ଭାବରେ ଭାରତର ସର୍ବୋଚ୍ଚ ନାଗରିକ ସମ୍ମାନ ଭାରତ ରତ୍ନ ପ୍ରଦାନ କରାଯାଇଥିଲା।

संविधान के शिल्पकार, समाज में समानता के नए युग की स्थापना करने वाले हमारे बाबा साहेब पूज्य डॉ. भीमराव अंबेडकर जी की जयंती पर अब राजकीय अवकाश होगा।

बाबा साहेब के अनन्य अनुयायी आदरणीय प्रधानमंत्री श्री @narendramodi जी ने यह निर्णय लेकर राष्ट्र की भावना को सम्मान दिया है। pic.twitter.com/f8eWuKsxmd

— Gajendra Singh Shekhawat (@gssjodhpur) March 28, 2025