ଆଇପିଏଲ୍ ୨୦୨୧: ଆଜି ଚେନ୍ନାଇ ସହ ଲଢିବ ମୁମ୍ବାଇ, ଏମିତି ହୋଇପାରେ ଉଭୟ ଦଳର ପ୍ଲେଇଙ୍ଗ ଇଲେଭେନ

ନୂଆ ଦିଲ୍ଲୀ, ୧/୦୫: ଶନିବାର ଆଇପିଏଲର ୨୭ ତମ ମ୍ୟାଚରେ ଚେନ୍ନାଇ ସୁପରକିଙ୍ଗସ ର ବିଜୟ ଯାତ୍ରାକୁ ରୋକିବା ପାଇଁ ଚେଷ୍ଟା କରିବ ମୁମ୍ବାଇ ଇଣ୍ଡିଆନ୍ସ । ଦୁବାଇରେ ପୂର୍ବ ବର୍ଷ ଖେଳାଯାଇଥିବା ଆଇପିଏଲରେ ପ୍ଳେଅଫରେ ସ୍ଥିତି ଜାହିର କରିପାରିନଥିଲା ସିଏସକେ ଏଥର ଜିତିବା ଲକ୍ଷ୍ୟ ନେଇ ପଡିଆକୁ ଓହ୍ଲାଇଛି ସିଏସକେ ଏବଂ ପ୍ରଥମ ମ୍ୟାଚରେ ପରାଜୟ ହେବା ପରେ ମଧ୍ୟ ଦଳ ଲଗାତାର ୫ଟି ମ୍ୟାଚ ଜିତି ଆସୁଛି । ମହେନ୍ଦ୍ର ସିଂହ ଧୋନୀଙ୍କ ନେତୃତ୍ୱରେ ଦଳ ୧୦ ପଏଣ୍ଟ ସହ ପଏଣ୍ଟ ଟେବୁଲରେ ଉପରେ ରହିଛି ।୍ର
ମୁମ୍ବାଇ ଇଣ୍ଡିଆନ୍ସ ପାଇଁ ଚଳିତ ଆଇପିଏଲ ସଂଘର୍ଷ ଭରା ରହିଛି । ଦଳ ଏ ପର୍ଯ୍ୟନ୍ତ ଛଅଟି ମ୍ୟାଚରୁ କେବଳ ତିନିଟି ମ୍ୟାଚରେ ବିଜୟୀ ହୋଇଛି । ଏହା ଛଡା ଫିରୋଜଶାହା କୋଟଲାରେ ଖେଳାଯାଇଥିବା ମ୍ୟାଚରେ ରାଜସ୍ଥାନ ରୟାଲ୍ସ ବିପକ୍ଷରେ ସାତ ୱିକେଟ୍ ସହ ଜିତିବା ପରେ ଦଳରେ ମନୋବଳ ବଢିଛି । କିନ୍ତୁ ଏବେ ମୁମ୍ବାଇକୁ ସିଏସକେ ସହ ସାମ୍ନା ହେବାକୁ ଯାଉଛି । କିନ୍ତୁ ବର୍ତ୍ତମାନ ସେ ପ୍ରତ୍ୟେକ ବିଭାଗରେ ଭଲ ପ୍ରଦର୍ଶନ କରୁଥିବା ଦଳ ସିଏସକର ସାମ୍ନା କରିବାକୁ ଯାଉଛି । ଧୋନିଙ୍କ ଦଳ ମୁମ୍ବାଇ ଭଳି ଦିଲ୍ଲୀ ପର୍ୟ୍ୟାୟରେ ଭଲ ଆରମ୍ଭ କରି ସନରାଇଜର୍ସ ହାଇଦ୍ରାବାଦ ବିପକ୍ଷରେ ସାତ ୱିକେଟରେ ଜିତିଥିଲା। ଏହି ମ୍ୟାଚର ଫଳାଫଳ ମୁଖ୍ୟତ ଉଭୟ ଦଳର ଟପ୍-ଅର୍ଡର ପ୍ରଦର୍ଶନ ଉପରେ ନିର୍ଭର କରିବ । ମୁମ୍ବାଇର ଅଧିନାୟକ ରୋହିତ ଶର୍ମା ଏକ ଭଲ ଆରମ୍ଭରେ ପହଞ୍ଚିଥିଲେ, କିନ୍ତୁ ବଡ଼ ସ୍କୋର କରିବାରେ ଅଭିଜ୍ଞ ଥିବା ‘ହିଟମ୍ୟାନ୍’ ବର୍ତ୍ତମାନର ଆଇପିଏଲରେ ନିଜର ଦକ୍ଷତା ପ୍ରଦର୍ଶନ କରିନାହାଁନ୍ତି।
ଯଦି ମୁମ୍ବାଇ ଚେନ୍ନାଇର ବିଜୟ ଅଭିଯାନକୁ ବନ୍ଦ କରିବାକୁ ଚାହୁଁଛି, ତେବେ ଦୀପକ ଚହର, ସାମ କରଣ ଏବଂ ରବିନ୍ଦ୍ର ଜାଡେଜାଙ୍କ ଭଳି ବୋଲରଙ୍କ ଶୃଙ୍ଖଳିତ ବୋଲିଂ ବିରୋଧରେ ସେମାନଙ୍କୁ ନିଜର ଦକ୍ଷତା ପ୍ରଦର୍ଶନ କରିବାକୁ ପଡ଼ିବ।
ଚେନ୍ନାଇର ମଧ୍ୟମ ଅର୍ଡର ଏପର୍ୟ୍ୟନ୍ତ ପରୀକ୍ଷଣ କରାଯାଇ ନାହିଁ, କାରଣ ଫାଫ୍ ଡୁ ପ୍ଲେସିସ୍ ଏବଂ ରୁତୁରାଜ ଗାଏକୱାଡ ପୂର୍ବ କିଛି ମ୍ୟାଚରେ ବିଜୟରେ ପ୍ରମୁଖ ଭୂମିକା ଗ୍ରହଣ କରିଛନ୍ତି । ଟ୍ରେଣ୍ଟ ବୋଲ୍ଟ ଏବଂ ଜସପ୍ରୀତ ବୁମ୍ରାଙ୍କ ସାମ୍ନାରେ ସେମାନଙ୍କର ସର୍ବୋତ୍ତମ ଫର୍ମ ବଜାୟ ରଖିବା ଉଭୟଙ୍କ ପାଇଁ ଏକ ଚ୍ୟାଲେଞ୍ଜ ହେବ
କାରଣ ଡେଥ ଓଭରରେ ବୋଲ୍ଟ ଏବଂ ବୁମ୍ରା ପ୍ରଭାବଶାଳୀ ପ୍ରମାଣିତ ହୋଇଛନ୍ତି।

ଚେନ୍ନାଇ ସୁପର କିଙ୍ଗ୍ସର ଚୂଡାନ୍ତ ଏକାଦଶ-
ଫାଫ୍ ଡୁ ପ୍ଲେସିସ୍, ରୁତୁରାଜ ଗାଇକୱାଡ, ମୋଇନ୍ ଅଲି, ସୁରେଶ ରାଇନା, ଅମ୍ବାତି ରାୟୁଡୁ, ରବିନ୍ଦ୍ର ଜାଡେଜା, ଏମଏସ ଧୋନି (କ୍ୟାପଟେନ), ସାମ୍ କରଣ, ଶାର୍ଦ୍ଦୁଲ ଠାକୁର, ଦୀପକ ଚହର, ଏବଂ ଲୁଙ୍ଗି ଏନଗିଡି / ଇମ୍ରାନ ତାହିର
ମୁମ୍ବାଇ ଇଣ୍ଡିଆନ୍ସର ଚୂଡାନ୍ତ ଏକାଦଶ-
କ୍ୱିଣ୍ଟନ୍ ଡି କକ୍, ରୋହିତ ଶର୍ମା (ଅଧିନାୟକ), ସୂର୍ୟ୍ୟକୁମାର ଯାଦବ, କିରନ୍ ପୋଲାର୍ଡ, ହାର୍ଦ୍ଦିକ ପାଣ୍ଡ୍ୟା, କ୍ରୁନାଲ ପାଣ୍ଡ୍ୟା, ଜୟନ୍ତ ଯାଦବ, ନାଥାନ୍ କୁଲଟର ନୀଳ, ରାହୁଲ ଚହର, ଜସପ୍ରୀତ ବୁମ୍ରା ଏବଂ ଟ୍ରେଣ୍ଟ ବୋଲ୍ଟ ।

Get real time updates directly on you device, subscribe now.