ଭାରତରେ କରୋନାରେ ଯାଇଛି ୪୭ ଲକ୍ଷ ଲୋକଙ୍କ ଜୀବନ: ବିଶ୍ୱ ସ୍ୱାସ୍ଥ୍ୟ ସଂଗଠନ

ନୂଆଦିଲ୍ଲୀ: ଭାରତରେ କରୋନା ମହାମାରୀରେ ପ୍ରାୟ ୪୭ ଲକ୍ଷ ଲୋକେ ପ୍ରାଣ ହରାଇଥିବା ଦାବି କରିଛି ବିଶ୍ୱ ସ୍ୱାସ୍ଥ୍ୟ ସଂଗଠନ(ହୁ) । ଯାହା ଭାରତ ସରକାରଙ୍କ ତଥ୍ୟଠାରୁ ପ୍ରାୟ ଦଶ ଗୁଣା ଅଧିକ । ହୁ ଜାରି କରିଥିବା ସୂଚନା ମୁତାବକ ୧ ଜାନୁଆରୀ ୨୦୨୦ରୁ ୩୧ ଡିସେମ୍ବର ୨୦୨୧ ମଧ୍ୟରେ ୪୭ ଲକ୍ଷ ଲୋକେ କରୋନାରେ ମୃତ୍ୟୁ ବରଣ କରିଛନ୍ତି ।

ବିଶ୍ୱ ସ୍ୱାସ୍ଥ୍ୟ ସଂଗଠନ କହିଛି ଯେ କରୋନା ମହାମାରୀ ହେତୁ ବିଶ୍ୱରେ୧୫ ନିୟୁତରୁ ଅଧିକ ଲୋକ ମୃତ୍ୟୁ ବରଣ କରିଛନ୍ତି ଏବଂ ସମଗ୍ର ବିଶ୍ୱରେ ଭାରତର ସଂଖ୍ୟା ଏକ ତୃତୀୟାଂଶ ଅଟେ। ହୁ କହିଛି ଯେ ବିଶ୍ୱବ୍ୟାପୀ ମୃତ୍ୟୁସଂଖ୍ୟା ସଠିକ୍ ଭାବରେ ଗଣନା କରାଯାଇ ନାହିଁ। ଭାରତରେ ଯାହା ଗଣନା କରାଯାଇଛି ତା’ଠାରୁ ପ୍ରାୟ ୧୦ ଗୁଣ ଅଧିକ ଲୋକ ମୃତ୍ୟୁ ବରଣ କରିଛନ୍ତି।

ହୁ ଏହି ମୂଲ୍ୟାଙ୍କନ ଦେଇଥିବା ପଦ୍ଧତିକୁ ପ୍ରବେଶ ମୃତ୍ୟୁ କୁହାଯାଏ । ମହାମାରୀ ସହ ସଂଗ୍ରାମ କରୁଥିବା ଅଞ୍ଚଳର ମୃତ୍ୟୁ ହାରକୁ ଆଧାର କରି ଏହି ପଦ୍ଧତିରେ କେତେ ଲୋକଙ୍କର ମୃତ୍ୟୁ ହୋଇଥାନ୍ତା ବୋଲି ଆକଳନ କରାଯାଇଛି। ତେବେ ଭାରତ ସରକାର ହୁ ର ଏହି ଆକଳନକୁ ଗ୍ରହଣ କରିବାକୁ ମନା କରିଦେଇଛନ୍ତି । ଭାରତରେ ୧୩୦ କୋଟିରୁ ଉର୍ଦ୍ଧ ଜନସଂଖ୍ୟା ଦେଶରେ ଏଭଳି ଭାବରେ ଅକଳନ କରାଯାଇ ପାରିବ ନାହିଁ ।