ରାହୁଲ ଗାନ୍ଧୀଙ୍କ ଘରୁି ବାହାରିଲା ଦିଲ୍ଲୀ ପୋଲିସ: ଦେଲା ଆଉ ଏକ ନୋଟିସ୍, ସମୟ ମାଗିଲେ ରାହୁଲ
ନୂଆଦିଲ୍ଲୀ: କଂଗ୍ରେସ ନେତା ରାହୁଲ ଗାନ୍ଧୀଙ୍କ ବାସଭବନରେ ରବିବାର ଦିଲ୍ଲୀ ପୋଲିସ ପହଞ୍ଚିଥିଲା । ଯୌନ ନିର୍ଯ୍ୟାତନା ପିଡ଼ିତଙ୍କ ଉପରେ ଦେଇଥିବା ବୟାନ ସମ୍ପର୍କରେ ରାହୁଲଙ୍କ ସହିତ ଆଲୋଚନା କରିବ ପାଇଁ ପୋଲିସ ତାଙ୍କ ଘରକୁ ଆସିଥିବା ଜଣାପଡ଼ିଛି । ତେବେ ରାହୁଲ ଗାନ୍ଧୀ ଏହି ବିବୃତ୍ତି ରେକର୍ଡ କରିନାହାଁନ୍ତି । ପୋଲିସ ତାଙ୍କୁ ଆଉ ଏକ ନୋଟିସ ଦେଇ ଘରୁ ଫେରି ଆସିଥିଲା । ଏହାପୂର୍ବରୁ ମାର୍ଚ୍ଚ ୧୬ ରେ ପୋଲିସ ରାହୁଲଙ୍କୁ ନୋଟିସ ପଠାଇଥିଲା ।
ମାମଲା ବିଷୟରେ ସୂଚନା ଦେଇ ସ୍ପେଶାଲ ସିପି ସାଗର ପ୍ରୀତ ହୁଡା କହିଛନ୍ତି, ରାହୁଲ ଗାନ୍ଧୀ କହିଛନ୍ତି ଯେ ଅନେକ ମହିଳା ବିବୃତ୍ତି ଦେଇଛନ୍ତି କିନ୍ତୁ ସେଗୁଡିକ ଏକାଠି କରିବାକୁ ସମୟ ଲାଗିବ । ଏହି କାରଣରୁ ଆଜି ମଧ୍ୟ ରାହୁଲ ଗାନ୍ଧୀ ତାଙ୍କ ବିବୃତ୍ତି ରେକର୍ଡ କରିନାହାଁନ୍ତି । ତାଙ୍କ ବିବୃତ୍ତିକୁ ଯଥାଶୀଘ୍ର ରେକର୍ଡ କରିବାକୁ ପୋଲିସ ଚେଷ୍ଟା କରିବ ।
Delhi | Special CP (L&O) Sagar Preet Hooda arrives at the residence of Congress MP Rahul Gandhi in connection with the notice that was served to him by police to seek information on the 'sexual harassment' victims that he mentioned in his speech during the Bharat Jodo Yatra. pic.twitter.com/WCAKxLdtZJ
— ANI (@ANI) March 19, 2023
ସୂଚନା ମୁତାବକ ଭାରତ ଯୋଡ଼ ଯାତ୍ରା ସମୟରେ ଶ୍ରୀନଗରରେ ଶେଷ ଦିନରେ ରାହୁଲ ଗାନ୍ଧୀ କହିଥିଲେ ଯେ ମହିଳାଙ୍କ ଯୌନ ଶୋଷଣ ଆଜି ମଧ୍ୟ ଘଟୁଛି । ଏ ସମ୍ପର୍କରେ ଦିଲ୍ଲୀ ପୋଲିସ ମାର୍ଚ୍ଚ ୧୬ ରେ ରାହୁଲ ଗାନ୍ଧୀଙ୍କ ନିକଟକୁ ଏକ ନୋଟିସ ପଠାଇଥିଲା ଯେ କେଉଁ ମହିଳା ଏହା କହିଛନ୍ତି । ପୋଲିସ ସେହି ମହିଳାମାନଙ୍କ ବିବରଣୀ ଦେବାକୁ ରାହୁଲଙ୍କୁ ମଧ୍ୟ କହିଥିଲା ।
