ଘରେ ସାଇତି ରଖନ୍ତୁନି ଏହିସବୁ ଅବ୍ୟବହୃତ ପୁରୁଣା ଜିନିଷ, ବାସ୍ତୁ ଦୋଷ ଲାଗି ହୋଇଯିବେ କାଙ୍ଗାଳ

ଆମ ମଧ୍ୟରେ ଏପରି ସ୍ୱଭାବର ବହୁ ବ୍ୟକ୍ତି ରହିଛନ୍ତି ଯେଉଁମାନେ ଘରେ ବହୁ ବର୍ଷ ତଳର ପୁରୁଣା ଅଦରକାରୀ ଜିନିଷକୁ ସାଇତି କରି ରଖିଥାନ୍ତି । ଏହିସବୁ ଜିନିଷ ସେମାନଙ୍କର କିଛି କାମରେ ନ ଆସୁଥଇଲେ ବି ସେମାନେ ତାହା ନିଜ ପାଖରୁ ଦୂରେଇ ଦେବାକୁ ଚାହାନ୍ତି ନାହିଁ । ଏହିସବୁ ପୁରୁଣା ଜିନିଷକୁ ସେମାନେ ଷ୍ଟୋର ଘରେ ସାଇତି କରି ରଖିଥାନ୍ତି । କିନ୍ତୁ ବାସ୍ତୁ ଶାସ୍ତ୍ର ଅନୁସାରେ ବହୁ ଦିନ ଧରି ଘରେ ଅବ୍ୟବହୃତ ପୁରୁଣା ଜିନିଷ ସାଇତି ରଖିବା ଦ୍ୱାରା ସେଥିରେ ରାହୁ, କେତୁ ଓ ଶନି ବାସ କରିବାରେ ଲାଗନ୍ତି । ଏହି କ୍ରମରେ ଆସନ୍ତୁ ଜାଣିବା ସେହିସବୁ ଜିନିଷ ବିଷୟରେ ଯାହା ବ୍ୟବହାର ନ ହେଉଥିଲେ ଘରୁ କାଢିଦେବା ଉଚିତ ।
ପିତଳ ବାସନ:
ଲୋକମାନେ ପ୍ରାୟ ସମୟରେ ପିତ୍ତଳ ବାସନ କିଚେନରେ କିମ୍ବା ଷ୍ଟୋର ରୁମ୍ ରେ ସାଇତି ରଖିଥାନ୍ତି । ଏହିସବୁ ବାସନକୁ ଅନ୍ଧାର ଘରେ ସାଇତି ରଖିବା ଦ୍ୱାରା ଏଥିରେ ଶନି ବାସ କରିଥାନ୍ତି । ଫଳରେ ଜୀବନରେ ନାନାଦି ସମସ୍ୟା ଆସିଥାଏ ।
ପୁରୁଣା ବସ୍ତ୍ର:
ଆମ ମଧ୍ୟରୁ ଅଧିକାଂଶ ଲୋକ ଷ୍ଟୋର ଘରେ ପୁରୁଣା ବସ୍ତ୍ର, ବିଛଣାପତ୍ର ଇତ୍ୟାଦି ଦୀର୍ଘଦିନ ଧରି ପକାଇ ରଖିଥାଉ ଯେଉଁଥିରେ ଧୂଳି ବସିଯାଏ । ଏପରି କରିବା ଦ୍ୱାରା ଘରେ ରାହୁ ଓ କେତୁଙ୍କ ପ୍ରଭାବରୁ ନକରାତ୍ମକ ଶକ୍ତି ବୃଦ୍ଧି ପାଇଥାଏ ।
ଜଙ୍କ ଲାଗିଥିବା ଜିନିଷ:
ଆମେ ଯଦି ଦୀର୍ଘ ଦିନ ଧରି କୌଣସି ଲୁହା ଜିନିଷକୁ ବ୍ୟବହାର ନକରି ଘରେ ପକାଇ ରଖିବା ତେବେ ସେଥିରେ ଜଙ୍କ ଲାଗି ଯାଇଥାଏ । ଏହିସବୁ ଜଙ୍କ ଲଗା ଜିନିଷ ଅଧିକ ଦିନ ପର୍ଯ୍ୟନ୍ତ ସାଇତି ରଖିବା ଦ୍ୱାରା ଘରେ ନକରାତ୍ମକ ଶକ୍ତି ବୃଦ୍ଧି ପାଇଥାଏ ।
ଚାଲୁ ନ ଥିବା ଘଣ୍ଟା:
ଘର କାନ୍ଥରେ ଟଙ୍ଗାଯାଇଥିବା ଘଣ୍ଟା ଖରାପ ହୋଇଯିବା ପରେ ବନ୍ଦ ହୋଇଯାଏ । ବାସ୍ତୁ ଅନୁସାରେ କୌଣସି ବି ଦିଗରେ ଟଙ୍ଗା ଯାଇଥିବା ଏହି ବନ୍ଦ ଘଡି ବ୍ୟକ୍ତି ଲାଗି ଖରାପ ସମୟ ଆଣିପାରେ । ଏଣୁ ଏପରି ଘଣ୍ଟାକୁ ଆପଣ ଘରୁ ତୁରନ୍ତ କାଢି ଦିଅନ୍ତୁ ।