(Video)‘ଭୋଟ୍ ଦିଅ, ନୋଟ୍ ବି ଦିଅ’: ଏପରି କହି ନିର୍ବାଚନ ପ୍ରଚାର କରୁଛନ୍ତି କଂଗ୍ରେସ ପ୍ରାର୍ଥୀ
ନୂଆଦିଲ୍ଲୀ:ନିର୍ବାଚନ ସମୟରେ ନୋଟ୍ ଦେଇ ନେତାମାନେ ଭୋଟ୍ କିଣୁଥିବା ବେଳେ ଏବେ କିନ୍ତୁ ଏକ ଅଜବ ଚିତ୍ର ସାମ୍ନାକୁ ଆସିଛି । ଏବେ କଂଗ୍ରେସର ଜଣେ ପ୍ରାର୍ଥୀଙ୍କ ଭିଡିଓ ସାମ୍ନାକୁ ଆସିଛି ଯିଏକି ଲୋକଙ୍କ ମଧ୍ୟକୁ ଯାଇ ଭୋଟ ଓ ନୋଟ୍ ଉଭୟ ମାଗିଛନ୍ତି । ଭିଡିଓଟି ଏବେ ସୋସିଆଲ ମିଡିଆରେ ଜୋରଦାର ଭାଇରାଲ୍ ହେବାରେ ଲାଗିଛି ।
ମଧ୍ୟପ୍ରଦେଶ ଜବଲପୁର ଲୋକସଭା କ୍ଷେତ୍ରରୁ କଂଗ୍ରେସ ପ୍ରାର୍ଥୀ ଦିନେଶ ଯାଦବଙ୍କ ଏକ ଭିଡିଓ ସୋସିଆଲ ମିଡିଆରେ ଜୋରଦାର ଭାଇରାଲ ହେବାରେ ଲାଗିଛି । ଭିଡିଓରେ ଦେଖିବାକୁ ମିଳୁଛି କି ସେ ଲୋକଙ୍କ ପାଖକୁ ଯାଇ ଭୋଟ ସହ ନୋଟ୍ ବି ମାଗୁଛନ୍ତି । କଂଗ୍ରେସ ପ୍ରାର୍ଥୀ ଦିନେଶ ଯାଦବ କହିଛନ୍ତି କି ତାଙ୍କ ପାଖରେ ନିର୍ବାଚନ ଲଢିବାକୁ ପଇସା ନାହିଁ । ତେଣୁ ସେ ଲୋକଙ୍କୁ ତାଙ୍କୁ ଭୋଟ ଦେବାକୁ କହିବା ସହ ୧୦ଟଙ୍କା ବି ଦେବାକୁ କହୁଛନ୍ତି । ଏହି ସମୟରେ କେହି ତାଙ୍କୁ ୧୦ ତ କେହି ୫୦୦ଟଙ୍କା ଦେଉଥିବାର ନଜର ଆସୁଛି ।
#कांग्रेस के खाते सीज होने का साइड इफेक्ट….जबलपुर में कांग्रेस प्रत्याशी दिनेश यादव मतदाताओं से वोट के साथ मांग रहे है नोट.वे मतदाता से कह रहे है वोट भी दो और नोट भी दो.#LokSabhaElection2024 #LokSabhaElection @abplive @INCIndia @INCMP @jitupatwari pic.twitter.com/2A7MxQiIWa
— AJAY TRIPATHI (ABP News) (@ajay_media) March 29, 2024
ଦିନେଶ ଯାଦବ କହିଛନ୍ତି ସରକାର ଦଳର ବ୍ୟାଙ୍କ ଆକାଉଣ୍ଟ ସିଜ୍ କରି ଦେଇଛନ୍ତି । ନାମାଙ୍କନ ଫର୍ମ ସହ ଜମା ଶପଥ ପତ୍ର ଅନୁସାରେ ଦିନେଶଙ୍କ ପାଖରେ ୧କୋଟି ୧୨ଲକ୍ଷ ଟଙ୍କାର ଚଳ ସଂପତ୍ତି ରହିଛି । ତାଙ୍କ ପତ୍ନୀଙ୍କ ପାଖରେ ୫୩ ଲକ୍ଷର ସଂପତ୍ତି ରହିଛି । ଏହା ବ୍ୟତିତ ତାଙ୍କ ପାଖରେ ୨କୋଟି ୮ ଲକ୍ଷ ଓ ପତ୍ନୀଙ୍କ ପାଖରେ ୧କୋଟି ୬୦ଲକ୍ଷ ଅଚଳ ସଂପତ୍ତି ରହିଛି । ସେ କହିଛନ୍ତି କଂଗ୍ରେସର ସବୁ ବ୍ୟାଙ୍କ ଖାତା ସିଜ୍ କରିଦିଆଯାଇଛି ଓ ବିଜେପି ଖାତାରେ ୭ହଜାର କୋଟି ଟଙ୍କା ରହିଛି । ସେ କହିଛନ୍ତି ଜୁନ୍ ୪ରେ ସାରା ଦେଶରେ ପରିବର୍ତ୍ତନର ଲହର ଦେଖିବାକୁ ମିଳିବ । ଏହିଦିନ ଜବଲପୁର ସଂସଦୀୟ କ୍ଷେତ୍ରରେ ବି କଂଗ୍ରେସର ବିଜୟ ପର୍ବ ପାଳନ ହେବ ।
