ବୁର୍ଜ ଖଲିଫାର ଶୀର୍ଷରେ ଏମିରେଟ୍ସ ଏୟାରଲାଇନ୍ସର ବିଜ୍ଞାପନ ଶୁଟିଂ, ଦେଖନ୍ତୁ ଭିଡିଓ
ନୂଆଦିଲ୍ଲୀ: ଏମିରେଟ୍ସ ହେଉଛି ଦୁନିଆର ସବୁଠାରୁ ବଡ଼ ଏୟାରଲାଇନ୍ସ । ଏବେ ଏହାର ସ୍ୱର ଦୁନିଆର ସବୁଠାରୁ ଉଚ୍ଚ ତଥା ନଭଶ୍ଚୁମ୍ଭୀ ଅଟ୍ଟାଳିକା ଦୁବାଇର ବୁର୍ଜ ଖଲିଫାର ଶୀର୍ଷରେ ପହଞ୍ଚିଛି । ଏପରି କହିବାର କାରଣ ହେଲା ନିକଟରେ ଏମିରେଟ୍ସ ପକ୍ଷରୁ ଏକ ବିଜ୍ଞାପନ ଶୁଟିଂ କରାଯାଇଛି । ଯାହା ଏବେ ଖୁବ୍ ଭାଇରାଲ୍ ହେବାରେ ଲାଗିଛି । ଏଥିରେ ଏୟାରଲାଇନ୍ସର ଜଣେ କ୍ରୁ ମେମ୍ବର ବୁର୍ଜ ଖଲିଫାର ଶୀର୍ଷରେ ଠିଆ ହୋଇଛନ୍ତି ଏବଂ ବିଜ୍ଞାପନ ଶୁଟିଂ କରାଯାଉଛି । ସୋସିଆଲ ମିଡିଆରେ ଅନେକ ୟୁଜର୍ ଏହାକୁ ପ୍ରଶଂସା କରୁଥିବା ବେଳେ ଖୁବ୍ ରେସପନ୍ସ ଦେଉଛନ୍ତି । ସର୍ବୋଚ୍ଚ ଶୀର୍ଷରେ ଠିଆ ହୋଇ ଯେଉଁଭଳି ଭାବରେ କ୍ରୁ ମେମ୍ବର ଜଣକ ଶୁଟିଂ କରୁଛନ୍ତି ତାହା ପ୍ରଶଂସାଯୋଗ୍ୟ ।
View this post on Instagram
ନିକୋଲ ସ୍ମିଥ-ଲୁଡଭିକ, ଯିଏ ଜଣେ ପେସାଦାର ସ୍କାଏଡାଇଭିଂ ନିର୍ଦ୍ଦେଶକ, ବିଜ୍ଞାପନରେ ଏମିରେଟ୍ସ କ୍ୟାବିନ କ୍ରୁ ସଦସ୍ୟ ଭାବରେ ବୈଶିଷ୍ଟ୍ୟ ପ୍ରଦାନ କରିଛନ୍ତି । ୩୦ ସେକେଣ୍ଡର ଏହି ବିଜ୍ଞାପନ ଶୁଟିଂ ସମୟର ଏହି ଭିଡିଓ ଯେତିକି ମନୋରଞ୍ଜନ କରୁଛି ସେତିକି ଭୟଭୀତ ମଧ୍ୟ କରୁଛି । ବ୍ରିଟେନର ରେଡ ଲିଷ୍ଟରୁ ଆମ୍ବର ଲିଷ୍ଟକୁ ଯିବାର ଆନନ୍ଦରେ ଏମିରେଟ୍ସ ଏୟାରଲାଇନ୍ସ ଏହାର ଜଣେ କ୍ରୁ ସଦସ୍ୟଙ୍କୁ ବୁର୍ଜ ଖଲିଫା ଉପରେ ଛିଡା କରି ଖୁସି ବ୍ୟକ୍ତ କରିଛି ।
ବିଜ୍ଞାପନରେ ଏମିରେଟ୍ସ ୟୁନିଫର୍ମରେ ଥିବା ନିକୋଲ, ମେସେଜ୍ ବୋର୍ଡ ଧରିଥିବାର ଦେଖାଯାଉଛି ଏବଂ ସେଥିରେ ଲେଖାଯାଇଛି, “ୟୁଏଇକୁ ବ୍ରିଟେନ ଆମ୍ବର ତାଲିକାରେ ସ୍ଥାନାନ୍ତର କରିବା ଆମକୁ ବିଶ୍ୱର ଶୀର୍ଷରେ ଅନୁଭବ କରିଛି । ଆଉ ଟ୍ୟାଗ ଲାଇନ ରହିଥିଲା ଫାଏ ଏମିରେଟ୍ସ, ଫ୍ଲାଏ ବେଟର” ।