ଦେଶର ପ୍ରଥମ ‘Analog Space Mission’ ଆରମ୍ଭ ହେଲା: ଅନ୍ୟ ଗ୍ରହରେ ଭାରତୀୟ ମହାକାଶଚାରୀ କିପରି ରହିବେ, ତାହା ମିଶନର ମୁଖ୍ୟ ଉଦ୍ଦେଶ୍ୟ
ନୂଆଦିଲ୍ଲୀ: ଦେଶର ପ୍ରଥମ ‘ଆନାଲଗ୍ ସ୍ପେସ୍ ମିଶନ’ ଆରମ୍ଭ ହୋଇଛି । ଗଗନଯାନ ମିଶନରେ ନିୟୋଜିତ ହୋଇଥିବା ସାଇଣ୍ଟିଷ୍ଟଙ୍କ ଠାରୁ ଆରମ୍ଭ କରି ୟୁନିଭରସିଟିର ଏକାଡେମିକ, ଆଇଆଇଟିର ଇଞ୍ଜିନିୟର ସାମିଲ ହୋଇଛନ୍ତି । ଏହି ମିଶନ ପୃଥିବୀ ବାହାର ଭାରତୀୟ ଆଷ୍ଟ୍ରୋନଟସ ସର୍ଭାଇଭଲକୁ ନେଇ ଆରମ୍ଭ ହୋଇଛି । ଅନେକ ସଂସ୍ଥାଙ୍କୁ ନେଇ ମିଳିତ ଭାବେ ଏହି ମିଶନ ଆରମ୍ଭ କରାଯାଇଛି । ଭାରତୀୟ ମହାକାଶ ଗବେଷଣା ସଂସ୍ଥା (ଇସ୍ରା) ବ୍ୟତୀତ ଅନେକ ସଂସ୍ଥା ଏଥିରେ ସାମିଲ ରହିଛନ୍ତି ।
ଗଗନଯାନ ପ୍ରୋଜେକ୍ଟ ଚଳାଇଥିବା ହ୍ୟୁମାନ ସ୍ପେସ ଫ୍ଲାଇଟ ସେଣ୍ଟର, ଏଏକେଏ ସ୍ପେସ ଷ୍ଟୁଡିଓ, ଲଦ୍ଦାଖ ୟୁନିଭରସିଟି, ଆଇଆଇଟି ବମ୍ବେ ଓ ଲଦ୍ଦାଖ ଅଟୋନମସ ହିଲ ଡେଭଲପମେଣ୍ଟ କାଉନସିଲ ମଧ୍ୟ ଏହି ପ୍ରୋଜେକ୍ଟରେ ସାମିଲ ରହିଛନ୍ତି । ଅନ୍ୟ ଗ୍ରହରେ ଭାରତୀୟ ମହାକାଶକାରୀ କିପରି ରହିବେ ତାହା ହେଉଛି ଏହି ମିଶନର ମୁଖ୍ୟ ଉଦ୍ଦେଶ୍ୟ । କେଉଁପରି ଭାବେ ସେଠାରେ କଲୋନୀ ନିର୍ମାଣ କରାଯିବ, ସଭାଇଭ କିପରି କରିବେ, ସେଠାରେ କ’ଣ ସବୁ ଚ୍ୟାଲେଞ୍ଜ ରହିବ, ଧରିତ୍ରୀ ଠାରୁ ଦୂରରେ ଥିବା ଗ୍ରହରରେ ମାନବର ବେସ୍ କିପରି ରହିବ ତା’ ଉପରେ ଏହି ଏହି ମିଶନ କାର୍ଯ୍ୟ କରିବ ।
ଏହି ମିଶନରେ ଇସ୍ରୋ ବ୍ୟତୀତ ଅନେକ ସରକାରୀ ସଂସ୍ଥା, ୟୁନିଭରସିଟି ଓ ରିସର୍ଚ୍ଚ ଲ୍ୟାବଙ୍କ ସମେତ ଅନେକ ବୈଜ୍ଞାନିକ ସାମିଲ ହେବେ । ବିପରୀତ ମୌସୁମୀ ସ୍ଥିତିରେ ମହାକାଶଚାରୀମାନେ କିପରି ସର୍ଭାଇଭ କରିପାରିବେ ତା’ ଉପରେ ରିସର୍ଚ୍ଚ କରିବ ଏହି ମିଶନ । ନୂଆ ଟେକନିକ, ରୋବୋଟିକ ଯନ୍ତ୍ର, ରୋବୋଟିକ ଯାନ, ହେବିୱେଟ, କମ୍ୟୁନିକେସନ, ପାୱର ଜେନେରେସନ, ମୋବିଲିଟି, ଇନଫ୍ରାଷ୍ଟକଚର ଓ ଷ୍ଟୋରେଜର ଟେଷ୍ଟିଂ ହେବ । ବିପରୀତ ପରିସ୍ଥିତିରେ, ବିପଜ୍ଜନକ ମୌସୁମୀରେ, ଅନ୍ୟ ଗ୍ରହରେ ମଣିଷର ବ୍ୟବହାର କେମିତି ପରିବର୍ତ୍ତନ ହେବ ତାହା ଏହି ମିଶନ ଅନୁଧ୍ୟାନ କରିବ ।
🚀 India’s first analog space mission kicks off in Leh! 🇮🇳✨ A collaborative effort by Human Spaceflight Centre, ISRO, AAKA Space Studio, University of Ladakh, IIT Bombay, and supported by Ladakh Autonomous Hill Development Council, this mission will simulate life in an… pic.twitter.com/LoDTHzWNq8
— ISRO (@isro) November 1, 2024
