ପେନସନ୍, ଚେକବୁକ୍ ଠାରୁ ଆରମ୍ଭ କରି ସିଲିଣ୍ଡର ପର୍ଯ୍ୟନ୍ତ, ଏସବୁ କ୍ଷେତ୍ରରେ ଆଜିଠାରୁ ଲାଗୁ ହେବ ନୂତନ ନିୟମ
ନୂଆଦିଲ୍ଲୀ: ଅକ୍ଟୋବର ୧ ଅର୍ଥାତ୍ ଆଜିଠାରୁ ପେମେଣ୍ଟ, ବ୍ୟାଙ୍କିଙ୍କ୍, ପେନସନ୍, ଏଟିଏମ୍, ସିଲିଣ୍ଡର ଭଳି କିଚଇ ପ୍ରମୁଖ କ୍ଷେତ୍ରରେ ପରିବର୍ତ୍ତନ ହେବ । ତେବେ ଏହିସବୁ ପ୍ରଭାବ ଆପଣଙ୍କ ଉପରେ ପଡ଼ିପାରେ । ତେଣୁ ଏସମ୍ପର୍କରେ ଜାଣିବା ଆପଣ ମାନଙ୍କ ପାଇଁ ନିହାତି ଜରୁରୀ । ଏହାର ପ୍ରଭାବ ଆପଣଙ୍କ ପକେଟ୍ର୍ ଉପରେ ପଡ଼ିପାରେ । ଆଜି ଠାରୁ ଲାଗୁ ହେବାକୁ ଥିବା ନୂଆ ନିୟମ ଆପଣଙ୍କ ଆର୍ଥିକ କାରବାର ଓ ବ୍ୟାଙ୍କିଙ୍କ୍ ସହ ଜଡ଼ିତ ଅନ୍ୟାନ୍ୟ କାମର ତରିକା ବଦଳିଯିବ । ଏହି ପରିବର୍ତ୍ତନ ରେ ଗ୍ୟାସ୍ ସିଲିଣ୍ଡରର ଦାମ୍, ପେନସନ୍ ନିୟମ, ଡେବିଟ୍ କାର୍ଡ ଓ କ୍ରେଡିଟ୍ କାର୍ଡ, ଏଟିଏମ୍, ଦିଲ୍ଲୀର ମଦ ଦୋକାନ, କିଛି ବ୍ୟାଙ୍କର ଚେକ୍ ବୁକ୍, ଫୁଡ୍ ବିଜନେସ୍ ଅପରେଟର୍ସ ପାଇଁ ନିୟମ ଆଦି ସାମିଲ ରହିଛି । ତେବେ ଚାଲନ୍ତୁ ଜାଣିବା କଣ ରହିଛି ନୁଆ ନିୟମ ।
ଆଜିଠାରୁ ତିନିଟି ବ୍ୟାଙ୍କ- ଓରିଏଣ୍ଟାଲ ବ୍ୟାଙ୍କ, ୟୁନାଇଟେଡ୍ ବ୍ୟାଙ୍କ ଅଫ୍ ଇଣ୍ଡିଆ ଏବଂ ଆଲାହାବାଦ୍ ବ୍ୟାଙ୍କର ପୁରୁଣା ଚେକବୁକ୍, ମ୍ୟାଗନେଟିକ୍ ଇଙ୍କ୍ କରେକ୍ଟର୍ ରିକଗ୍ନିସନ୍ ଏବଂ ଇଣ୍ଡିଆନ୍ ଫାଇନାନ୍ସିଆଲ୍ ସିଷ୍ଟମ୍ କୋଡ(ଆଇଏଫଏସସି) ଅମାନ୍ୟ ହୋଇଯିବ । ଆଲାହାବାଦ୍ ବ୍ୟାଙ୍କ, ଇଣ୍ଡିଆନ୍ ବ୍ୟାଙ୍କ ସହିତ ମିଶ୍ରଣ ହୋଇଯାଇଛି । ସେହିପରି ଓରିଏଣ୍ଟାଲ ବ୍ୟାଙ୍କ, ୟୁନାଇଟେଡ୍ ବ୍ୟାଙ୍କ ଅଫ୍ ଇଣ୍ଡିଆ ଦୁହେଁ ପଞ୍ଜାବ ନ୍ୟାସନାଲ୍ ବ୍ୟାଙ୍କ ସହିତ ମିଶ୍ରଣ ହୋଇଯାଇଛନ୍ତି ।
ଅନ୍ୟପଟେ ଡିମେଟ୍ ଓ ଟ୍ରେଡିଂ ଖାତା ଖୋଲିବା ପାଇଁ ନିବେଶକଙ୍କୁ ଏବେ ଠାରୁ ନୋମିନେସନ୍ ସମ୍ପର୍କରେ ସୂଚନା ଦେବାକୁ ହେବ । ଅକ୍ଟୋବର ୧ ରୁ, ଡେବିଟ୍ ଏବଂ କ୍ରେଡିଟ୍ କାର୍ଡ ରୁ ହେଉଥିବା ଅଟୋ ଡେବିଟ୍ ପାଇଁ ନୂଆ ନିୟମ ଲାଗୁ ହେବ । ଆରବିଆଇ ଅନୁଯାୟୀ, ବ୍ୟାଙ୍କ ଏବଂ ଅନ୍ୟାନ୍ୟ
ଆର୍ଥିକ ପ୍ରତିଷ୍ଠାନଗୁଡିକ ଗ୍ରାହକଙ୍କ ଠାରୁ ଡେବିଟ୍ ଏବଂ କ୍ରେଡିଟ୍ କାର୍ଡ କିମ୍ବା ମୋବାଇଲ୍ ୱାଲେଟରେ ୫୦୦୦ ରୁ ଅଧିକ ଅଟୋ ଡେବିଟ୍ ପାଇଁ ଆଡିସନାଲ୍ ଫ୍ୟାକ୍ଟର୍ ଅଥନ୍ଟିକେସନ୍ ର ଦାବି କରିବାକୁ ପଡିବ। ଏହା ଅଧୀନରେ, ଗ୍ରାହକଙ୍କ ବିନା ଅନୁମତିରେ ଡେବିଟ୍ / କ୍ରେଡିଟ୍ କାର୍ଡ କିମ୍ବା ମୋବାଇଲ୍ ୱାଲେଟରୁ ଅଟୋ ଡେବିଟ୍ ହେବ ନାହିଁ । ଅନୁମୋଦନ ପାଇଁ ବ୍ୟାଙ୍କ କିମ୍ବା ଆର୍ଥିକ ପ୍ରତିଷ୍ଠାନଗୁଡ଼ିକୁ ୨୪ ଘଣ୍ଟା ପୂର୍ବରୁ ଗ୍ରାହକଙ୍କୁ ଅଟୋ ଡେବିଟ୍ ନେଇ ମେସେଜ୍ ମାଧ୍ୟମରେ ଜଣାଇବାକୁ ହେବ । ଯଦି ଅଟୋ ଡେବିଟ୍ ସିଧାସଳଖ ବ୍ୟାଙ୍କ ଆକାଉଣ୍ଟରୁ କରାଯାଇଥାଏ, ତେବେ ନୂତନ ନିୟମର କୌଣସି ପ୍ରଭାବ ପଡ଼ିବ ନାହିଁ ।
ତୈଳ କମ୍ପାନୀ ଗୁଡ଼ିକ ପ୍ରତି ମାସରେ ଏଲପିଜି ସିଲିଣ୍ଡରର ଦାମ୍ କୁ ସମୀକ୍ଷା କରିଥାନ୍ତି । ପ୍ରତି ରାଜ୍ୟରେ ଟ୍ୟାକ୍ସ ଅଲଗା ଅଲଗା ହୋଇଥାଏ । ତେଣୁ ଏହି ଆଧାରରେ ଏଲପିଜି ସିଲିଣ୍ଡରର ଦାମ୍ ବି ଭିନ୍ନ ଭିନ୍ନ ହୋଇଥାଏ । ଦିଲ୍ଲୀରେ ଚଳିତ ବର୍ଷ ଜାନୁଆରୀ ମାସରେ ଏଲପିଜି ସିଲିଣ୍ଡରର ଦାମ୍ ୬୯୪ ଟଙ୍କା ଥିଲା କିନ୍ତୁ ଏହା ବୃଦ୍ଧି ପାଇ ୮୮୪.୫୦ ଟଙ୍କା ହୋଇଯାଇଛି । ଅର୍ଥାତ୍ ଚଳିତ ବର୍ଷ ଏଲପିଜି ସିଲିଣ୍ଡରର ଦାମ୍ ୧୯୦ ଟଙ୍କା ପର୍ଯ୍ୟନ୍ତ ବୃଦ୍ଧି ପାଇଛି । ବର୍ତ୍ତମାନ କୋଲକାତାରେ ସିଲିଣ୍ଡରର ଦାମ୍ ୯୧୧, ମୁମ୍ବାଇରେ ୮୮୪ ଟଙ୍କା, ଚେନ୍ନାଇରେ ୯୦୦ ଟଙ୍କା ରହିଛି । ଗ୍ୟାସ ସିଲିଣ୍ଡରର ମୂଲ୍ୟ ପ୍ରତି ମାସରେ ବଦଳିଥାଏ । ଏହାର ମୂଲ୍ୟ ହାରାହାରି ଆନ୍ତର୍ଜାତୀୟ ମାନଦଣ୍ଡ ଏବଂ ବୈଦେଶିକ ମୁଦ୍ରା ମୂଲ୍ୟରେ ପରିବର୍ତ୍ତନ ପରି କାରକ ଦ୍ୱାରା ନିର୍ଣ୍ଣୟ କରାଯାଏ ।
ଅକ୍ଟୋବର ୧ ରୁ, ୮୦ ବର୍ଷରୁ ଅଧିକ ବୟସ ବର୍ଗର ପେନସନଭୋଗୀମାନେ ଡିଜିଟାଲ୍ ଜୀବନ ପ୍ରମାଣପତ୍ର ଦାଖଲ କରିବାର ସୁବିଧା ପାଇବେ । ଏଥିପାଇଁ ନଭେମ୍ବର ୩୦, ୨୦୨୧ ପର୍ୟ୍ୟନ୍ତ ସମୟ ଦିଆଯାଇଛି। ଏହି ପ୍ରମାଣ ପତ୍ର ଦେଶର ସମ୍ପୃକ୍ତ ଡାକଘରର ଜୀବନ ପ୍ରମାଣ କେନ୍ଦ୍ରରେ ଦାଖଲ କରିବାକୁ ପଡିବ। ଜୀବନ ପ୍ରମାଣପତ୍ର ହେଉଛି ପେନସନଭୋଗୀ ଜୀବିତ ଥିବା ପ୍ରମାଣ । ପେନ୍ସନ୍ ଜାରି ରଖିବା ପାଇଁ ଏହାକୁ ପ୍ରତିବର୍ଷ ବ୍ୟାଙ୍କ କିମ୍ବା ଆର୍ଥିକ ପ୍ରତିଷ୍ଠାନରେ ଜମା କରିବାକୁ ପଡିବ ।
ଭାରତୀୟ ଖାଦ୍ୟ ସୁରକ୍ଷା ଏବଂ ମାନକ ପ୍ରାଧିକରଣ (ଏଫଏସଏସଏଆଇ) ଖାଦ୍ୟ ବ୍ୟବସାୟ ଅପରେଟରମାନଙ୍କ ପାଇଁ ଏଫଏସଏସଏଆଇ ଲାଇସେନ୍ସ ନମ୍ବର କିମ୍ବା ପଞ୍ଜୀକରଣ ନମ୍ବର ବିଷୟରେ ନଗଦ ରସିଦ କିମ୍ବା ଆସନ୍ତା ମାସରୁ ଇନଭଏସ୍ କ୍ରୟ କରିବା ବାଧ୍ୟତାମୂଳକ କରିଛି । ଖାଦ୍ୟ ନିରାପତ୍ତା ନିୟାମକ ଏଫଏସଏସଏଆଇର ନିର୍ଦ୍ଦେଶ ଅନୁଯାୟୀ, ଲାଇସେନ୍ସ ଏବଂ ରେଜିଷ୍ଟ୍ରେସନ୍ ଅଫିସରମାନଙ୍କୁ ଏହି ନୀତିରେ ବ୍ୟାପକ ପ୍ରଚାର କରିବାକୁ ଏବଂ ଅକ୍ଟୋବର ୨ରୁ ଏହାର କାର୍ୟ୍ୟକାରିତା ନିଶ୍ଚିତ କରିବାକୁ ନିର୍ଦ୍ଦେଶ ଦିଆଯାଇଛି। ଯଦି ଏଫଏସଏସଏଆଇ ନମ୍ବର ଉଲ୍ଲେଖ କରାଯାଇ ନାହିଁ, ତେବେ ଏହା ଖାଦ୍ୟ ବ୍ୟବସାୟ ଦ୍ୱାରା ଅନୁପାଳନ କିମ୍ବା ଲାଇସେନ୍ସ ନଥିବା ସୂଚାଇବ ।