ଶସ୍ତାରେ ମିଳିଯିବ ଏସବୁ ଜିନିଷ, ଜିଏସଟି କାଉନସିଲ ବୈଠକରେ କମିବ 175 ଟି ଜିନିଷର ଦାମ୍, ଲିଷ୍ଟରେ ରହିଛି….
ବୈଠକରେ ପ୍ରାୟ ୧୭୫ଟି ସାମଗ୍ରୀ ଉପରୁ GST ହାର ହ୍ରାସ କରିବା ପାଇଁ ନିଷ୍ପତ୍ତି ନିଆଯାଇପାରେ।
ଓଡ଼ିଶା ଭାସ୍କର: ଆଜିଠୁ ନୂଆଦିଲ୍ଲୀରେ ଦୁଇ ଦିନିଆ ଜିଏସଟି କାଉନସିଲ ବୈଠକ ଅନୁଷ୍ଠିତ ହେବାକୁ ଯାଉଛି । ନୂଆଦିଲ୍ଲୀରେ ଜିଏସଟି କାଉନସିଲର ୫୬ ତମ ବୈଠକ ଅନୁଷ୍ଠିତ ହେବ। ବୈଠକରେ ପ୍ରାୟ ୧୭୫ଟି ସାମଗ୍ରୀ ଉପରୁ GST ହାର ହ୍ରାସ କରିବା ପାଇଁ ନିଷ୍ପତ୍ତି ନିଆଯାଇପାରେ।
୫ ପ୍ରତିଶତ ଏବଂ ୧୮ ପ୍ରତିଶତ ଦୁଇଟି ମୁଖ୍ୟ ଟିକସ ହାର ସ୍ଥିର କରିବାର ପ୍ରସ୍ତାବ ରହିଛି। ଯଦି ଏହା କାର୍ଯ୍ୟକାରୀ ହୁଏ ତେବେ ଟିଭି, ଫ୍ରିଜ, କାର, ବାଇକ, ପ୍ରସାଧନ ସାମଗ୍ରୀ, ଟାୟାର ଓ ଅନ୍ୟ ଉତ୍ପାଦଗୁଡ଼ିକ ଶସ୍ତା ହୋଇପାରେ ବୋଲି ଆଶା କରାଯାଇଛି।
ପଢ଼ନ୍ତୁ ଅଧିକ ଖବର…ଭାରତ ନୁହେଁ ଆଫଗାନିସ୍ତାନ ଜିତୁଛି ଏସିଆ କପ! ଏହି 3 ଫ୍ୟାକ୍ଟରରେ ପ୍ରତିପକ୍ଷକୁ ଧରାଶାୟୀ କରିବ ତାଲିବାନ ଟିମ୍…
ତମାଖୁ ପାନ ମସଲା ଏବଂ ସିଗାରେଟ ଭଳି ସାମଗ୍ରୀ ଉପରେ ମଧ୍ୟ ୪୦ ପ୍ରତିଶତର ସ୍ବତନ୍ତ୍ର ଟିକସ ହାର ଲାଗୁ ହେବାର ଯଥେଷ୍ଟ ସମ୍ଭାବନା ରହିଛି। ଏହାସହ ସରକାର ସ୍ବାସ୍ଥ୍ୟ ଏବଂ ଜୀବନ ବୀମା ପ୍ରିମିୟରକୁ ଜିଏସଟି ମୁକ୍ତ କରିପାରନ୍ତି। ବର୍ତ୍ତମାନ ୪ଟି ସ୍ଲାବ ୫, ୧୨, ୧୮ ଓ ୨୮ ପ୍ରତିଶତରେ ଜିଏସଟି ରହିଛି।
ଏହାକୁ ପରିବର୍ତ୍ତନ କରାଯାଇ ୨ଟି ପର୍ଯ୍ୟାୟରେ ଲାଗୁ କରାଯିବାକୁ ପ୍ରସ୍ତାବ ରହିଛି। ପ୍ରଚଳିତ ୪ଟି ଜିଏସଟି ସ୍ଲାବ ବଦଳରେ ଷ୍ଟାଣ୍ଡାର୍ଡ ଓ ମେରିଟ ଭାବେ ଦୁଇଟି ସ୍ଲାବର ରହିବ।
ବର୍ତ୍ତମାନ ବସ୍ତୁ ଓ ଦ୍ରବ୍ୟଗୁଡ଼ିକ ଉପରେ ୫, ୧୨, ୧୮ ଓ ୨୮ ପ୍ରତିଶତ ଜିଏସଟି ଲାଗୁ ହେଉଛି। ଏଥିରେ ପରିବର୍ତ୍ତନ କରାଯାଇ ୨ଟି ସ୍ତରରେ ୫ ପ୍ରତିଶତ ଓ ୧୮ ପ୍ରତିଶତ ଜିଏସଟି ଲାଗୁ କରିବାକୁ ପ୍ରସ୍ତାବ ରହିଛି। କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଅଧ୍ୟକ୍ଷତାରେ ବୈଠକରେ ୩୧ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳର ପ୍ରତିନିଧି ଯୋଗଦେବେ। ମୁଖ୍ୟମନ୍ତ୍ରୀ ମୋହନ ମାଝୀ ବୈଠକରେ ଉପସ୍ଥିତ ରହିବେ।
ଜିଏସଟି ପରିଷଦ ବୈଠକରେ କେନ୍ଦ୍ର ଏବଂ ରାଜ୍ୟ ଅର୍ଥମନ୍ତ୍ରୀମାନଙ୍କୁ ଜିଏସଟି ସଂସ୍କାରର ଏକକ ଏଜେଣ୍ଡା ପାଇଁ ଏକତ୍ରିତ କରାଯାଇଛି, ଯେଉଁଥିରେ ହାର ଯୁକ୍ତିଯୁକ୍ତୀକରଣ, ସରଳ ଅନୁପାଳନ ଏବଂ ସମ୍ଭାବ୍ୟ ନୂତନ କ୍ଷତିପୂରଣ ବ୍ୟବସ୍ଥା ଅନ୍ତର୍ଭୁକ୍ତ। ପରିଷଦ ବୈଠକ ପୂର୍ବରୁ ଭିତ୍ତିଭୂମି ସ୍ଥାପନ କରିବା ପାଇଁ ମଙ୍ଗଳବାର ଦିନ ଏକ ଅଧିକାରୀଙ୍କ ବୈଠକ ଅନୁଷ୍ଠିତ ହୋଇଥିଲା।