ଆଳୁ ଖାଇବା ପଡିପାରେ ମହଙ୍ଗା ! ମାସକ ଭିତରେ ଶରୀରର ଓଜନ ଡବଲ ହୋଇପାରେ

ଓଡିଶା ଭାସ୍କର: ଛଣା ଆଳୁରେ ଫ୍ୟାଟ ଏବଂ କ୍ୟାଲୋରୀ ଅଧିକ ଥାଏ, ଯାହା ଓଜନ ବୃଦ୍ଧି ଏବଂ ହୃଦରୋଗର କାରଣ ହୋଇଥାଏ। ଏହାକୁ ଅତ୍ୟଧିକ ଖାଇବା ଦ୍ୱାରା ମେଦବହୁଳତା ଏବଂ କୋଷ୍ଠକାଠିନ୍ୟ ଭଳି ସମସ୍ୟା ହେବାର ଯଥେଷ୍ଟ ସମ୍ଭାବନା ଥାଏ।

ଆଳୁ ଏକ ଏମିତି ପାରିବା ଯାହା ସମସ୍ତଙ୍କର ପ୍ରିୟ ହୋଇଥାଏ। ଯେକୌଣସି ପନିପରିବା ସହିତ ଏହାକୁ ମିଶାଇ ରୋଷେଇ କରାଯାଏ। ଆଳୁର ଗ୍ଲାଇସେମିକର ମାତ୍ରା ବହୁତ ଅଧିକ, ଯାହା ରକ୍ତରେ ସୁଗାର ବୃଦ୍ଧି କରିଥାଏ ଏବଂ ଯାହାଦ୍ୱାରା ଡାଇବେଟିସ ହେବାର ବହୁତ ସମ୍ଭାବନା ଥାଏ।

ପ୍ରକ୍ରିୟାକରଣ ହୋଇଥିବା ଏବଂ ଛଣା ଆଳୁ (ଆଳୁ ଚିପ୍ସ)ରେ ବ୍ୟାଡ ଫ୍ୟାଟ ଏବଂ କ୍ୟାଲୋରିର ପରିମାଣ ବହୁତ ଅଧିକ ଥାଏ, ଯାହା ଓଜନକୁ ବୃଦ୍ଧି କରିବା ସହିତ ହୃଦରୋଗର କାରଣ ହୋଇଥାଏ। ଏହାକୁ ଅତ୍ୟଧିକ ଖାଇବା ଦ୍ୱାରା ମୋଟାପଣ, କୋଷ୍ଠକାଠିନ୍ୟ ଭଳି ପାଚନ ସମସ୍ୟା ଦେଖାଦେଇଥାଏ। ଯେତେବେଳେ ଆପଣ ବହୁତ ଅଧିକ ମାତ୍ରାରେ ଆଳୁ ଖାଇଥାନ୍ତି ତାହା ଆପଣଙ୍କ ସ୍ୱାସ୍ଥ୍ୟ ପ୍ରତି ବହୁତ କ୍ଷତିକାରକ ହୋଇଥାଏ।

ଆଳୁ ଖାଇବା କ୍ଷତିକାରକ:

ଆଳୁକୁ ତେଲରେ ଛାଣି ଖାଇବା ଦ୍ୱାରା ଏହାର ଗ୍ଲାଇସେମିକ୍ ପରିମାଣ ଅଧିକ ହୋଇଥାଏ। ଏହା ଦ୍ୱାରା ରକ୍ତରେ ଥିବା ସୁଗାର ଦ୍ରୁତ ଗତିରେ ବୃଦ୍ଧି କରିଥାଏ। ଫଳରେ ଡାଇବେଟିସ ହେବାର ଆଶଙ୍କା ବଢ଼ିଯାଇଥାଏ। ଆଳୁରେ କାର୍ବୋହାଇଡ୍ରେଟ ମାତ୍ରା ଅଧିକ ଥିବାରୁ ତାହା ଶରୀରର ଓଜନ ବଢ଼ାଇଦିଏ।

ଆଳୁରେ ଫାଇବର ଥାଏ, କିନ୍ତୁ ଅତ୍ୟଧିକ ଛଣା କିମ୍ବା ପ୍ରକ୍ରିୟାକରଣ ଆଳୁ ଖାଇବା ଯୋଗୁଁ ପାଚନ ପ୍ରକ୍ରିୟା ମନ୍ଥର ହୋଇପାରେ। ଯାହାଦ୍ୱାରା ପେଟ ଫୁଲିବା ସହିତ କୋଷ୍ଠକାଠିନ୍ୟ ଏବଂ ଗ୍ୟାସ୍ ଭଳି ସମସ୍ୟା ଦେଖାଦେଇଥାଏ।

କିଛି ଲୋକଙ୍କର କାର୍ବୋହାଇଡ୍ରେଟର ପରିମାଣ ଅଧିକ ହେତୁ ଏସିଡ୍ ରିଫ୍ଲକ୍ସ ହେବାରେ ଅସୁବିଧା ହୋଇଥାଏ। ବିଶେଷକରି ଆଳୁରେ ଥିବା ଆଲକାଲଏଡ୍ ଦ୍ୱାରା ଗଣ୍ଠି ଯନ୍ତ୍ରଣା, କୋଷ୍ଠକାଠିନ୍ୟ ଏବଂ ମେଦବହୁଳତା ଭଳି ସମସ୍ୟା ଦେଖାଦେଇଥାଏ।
ଫ୍ରେଞ୍ଚ ଫ୍ରାଇଜ୍ ଏବଂ ଆଳୁ ଚିପ୍ସରେ ଟ୍ରାନ୍ସ ଫ୍ୟାଟ୍ ଏବଂ ସାଚୁରେଟେଡ୍ ଫ୍ୟାଟ୍ ଥାଏ ଯାହା କୋଲେଷ୍ଟ୍ରଲ୍ (LDL) ସ୍ତରକୁ ମଧ୍ୟ ବୃଦ୍ଧି କରିଥାଏ। ଏହା ହୃଦରୋଗ, ଉଚ୍ଚ ରକ୍ତଚାପ ଏବଂ ଷ୍ଟ୍ରୋକର ଆଶଙ୍କା ବୃଦ୍ଧି କରେ।