ସ୍ତ୍ରୀକୁ ଟାଙ୍ଗିଆରେ ହାଣି ନିର୍ମମ ହତ୍ୟା କଲା ସ୍ବାମୀ, ପାରିବାରିକ କଳହରୁ ଛାରଖାର ହେଲା ପରିବାର

ଭୁବନେଶ୍ବର:  ବଲାଙ୍ଗୀରରେ ଅଭାବନୀୟ ଘଟଣା । ସାମାନ୍ୟ ବଚସାରୁ ଉଜୁଡିଗଲା ସୁନାର ସଂସାର । ସ୍ତ୍ରୀକୁ ଟାଙ୍ଗିଆରେ ହାଣି ହତ୍ୟାକଲା ସ୍ବାମୀ ।

ବଲାଙ୍ଗୀର ଦେଓଗାଁ ଥାନା ଅନ୍ତର୍ଲା ଗାଁରୁ ସାମ୍ନାକୁ ଆସଛି ଏହି ବିଭତ୍ସ ହତ୍ୟା ଘଟଣା । ସାମାନ୍ୟ ବିବାଦରୁ ସ୍ତ୍ରୀକୁ ଟାଙ୍ଗିଆରେ ହାଣି ଜୀବନ ନେଇଗଲେ ସ୍ୱାମୀ । ଖବର ପାଇ ଦେଓଗାଁ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ତଦନ୍ତ ଆରମ୍ଭ କରିଛି ।

ଖବର ଅନୁଯାୟୀ, ଗତକାଲି ରାତି ଦୁହେଁ ଖାଇବା ପରେ ଶୋଇଥିଲା । ହେଲେ ହଠାତ୍ ସ୍ବାମୀ ଉଠି ଏକ ଟାଙ୍ଗିଆ ଆଣି ସ୍ତ୍ରୀକୁ ହାଣି ଦେଇଥିଲା । ଫଳରେ ଘଟଣାସ୍ଥଳରେ ହିଁ ସ୍ତ୍ରୀ ଜୀବନ ଯାଇଥିଲା । ହେଲେ ଏହାର କାରଣ କେବଳ ବଚସା ନା ଅନ୍ୟ କିଛି ତାହା ବର୍ତ୍ତମାନ ସୁଦ୍ଧା ଜଣାପଡି ନାହିଂ ।

ପୋଲିସ ହତ୍ୟାକାରୀ ସ୍ୱାମୀକୁ ଥାନାରେ ଅଟକ ରଖିଛି ପୋଲିସ । ପଚରାଉଚରା କରିବା ସହିତ ପାରିପାଶ୍ବିକ ସ୍ଥିତିକୁ ମଧ୍ୟ ଅନୁଧ୍ୟାନ କରୁଛି ।