ଝାରସୁଗୁଡା ଉପନିର୍ବାଚନ ପୂର୍ବରୁ କଂଗ୍ରେସକୁ ଝଟକା ; ଦଳ ଛାଡିଲେ ଜିଲ୍ଲା ସଭାପତି
ଭୁବନେଶ୍ୱର : ନିର୍ବାଚନ ପୂର୍ବରୁ ଦଳ ଛାଡିବା ଏବଂ ଅନ୍ୟ ଦଳରେ ଯୋଗ ଦେବା କିଛି ନୂଆ କଥା ନୁହେଁ । ନର୍ବାଚନୀ ବେଳେ ଦଳ ଅଦଳବଦଳ ଓ ଦଳ ଡିଆଁ ସାଧାରଣ କଥା । ଦଳ ଛାଡିଥିବା ବ୍ୟକ୍ତି ନୂଆ ଦଳ ଯିବାକୁ ନେଇ ଯେତିକି ଉତ୍ସାହିତ ଥାଏ , ଯେଉଁ ଦଳ ସେ ଛାଡି ସେହି ଦଳକୁ ସେତିକି ବଡ ଝଟକା ଲାଗେ । ଏବେ ସେମିତି ଏକ ଝଟକା ଲାଗିଛି କଂଗ୍ରେସ ଦଳକୁ ।
ଝାରସୁଗୁଡା ଉପନିର୍ବାଚନର କିଛି ଦିନ ପୂର୍ବରୁ କଂଗ୍ରେସ ଜିଲ୍ଲା ସଭାପତି ପଦରୁ ଅଶୋକ କୁମାର ମିଶ୍ର ଇସ୍ତଫା ଦେଇଛନ୍ତି । ସେ ନିଜର ଇସ୍ତଫା ପତ୍ର ପିସିସି ସଭାପତିଙ୍କ ନିକଟକୁ ପଠାଇଛନ୍ତି । ସେ ସଭାପତି ପଦ ଛାଡିଥିଲେ ବି ପ୍ରାଥମିକ ସଦସ୍ୟ ଥିବା ନେଇ ସ୍ପଷ୍ଟ କରିଛନ୍ତି । ଏହାର ଅର୍ଥ ସେ ବର୍ତ୍ତମାନ କୌଣସି ରାଜନୈତିକ ଦଳରେ ଯୋଗ ଦେବେନାହିଁ ବୋଲି ସ୍ପଷ୍ଟ କରିଛନ୍ତି ।
