ଇନଷ୍ଟାଗ୍ରାମ ଏବଂ ଟେଲିଗ୍ରାମ ଚ୍ୟାନେଲରୁ ସାବଧାନ ରୁହନ୍ତୁ ଷ୍ଟକ ନିବେଶକ: NSE
ମୁମ୍ୱାଇ: ଷ୍ଟକ ବଜାରରେ ଠକେଇ ରୋକିବା ପାଇଁ ନ୍ୟାସନାଲ ଷ୍ଟକ ଏକ୍ସଚେଞ୍ଜ (NSE) ନିବେଶକଙ୍କ ପାଇଁ ଚେତାବନୀ ଜାରି କରିଛି । କିଛି ଟେଲିଗ୍ରାମ ଚ୍ୟାନେଲ ଏବଂ ଇନଷ୍ଟାଗ୍ରାମ ଚ୍ୟାନେଲ ପ୍ରତି ସତର୍କ ରହିବାକୁ ଏନଏସଇ ଷ୍ଟକ ନିବେଶକମାନଙ୍କୁ ଚେତାବନୀ ଦେଇଛି । ଏନଏସଇ କହିଛି ଯେ ଷ୍ଟକ ନିବେଶକମାନେ ଏହି ଚ୍ୟାନେଲଗୁଡିକର ପରାମର୍ଶ ଆଧାରରେ ନିବେଶ ନିଷ୍ପତ୍ତି ନେବା ଉଚିତ୍ ନୁହେଁ ।
ଏଥିସହିତ ଏନଏସଇ ନିବେଶକମାନଙ୍କୁ ଡବା/ବେଆଇନ ଟ୍ରେଡିଂ ସେବା ପ୍ରଦାନ କରୁଥିବା କମ୍ପାନୀ ବିଷୟରେ ମଧ୍ୟ ଚେତାବନୀ ଦେଇଛି। ଟେଲିଗ୍ରାମ ଏବଂ ଇନଷ୍ଟାଗ୍ରାମ ମାଧ୍ୟମରେ ମିଳିଥିବା ପରାମର୍ଶକୁ ବ୍ୟବହାର ନ କରିବାକୁ ଏନଏସଇ ଚେତାବନୀ ଦେଇଛି । ବିଏସ୍ ଇ ଏନ୍ ଏସ୍ ଇ ର ଅପଡେଟ୍ (bse_nse_latest) ଏବଂ ଟେଲିଗ୍ରାମ୍ ରେ ଭାରତ ଟ୍ରେଡିଂ ଯାତ୍ରାକୁ ନେଇ ଏନ୍ ଏସ୍ ଇ ଇନ୍ ଷ୍ଟାଗ୍ରାମ୍ ରେ ଚେତାବନୀ ଜାରି କରିଛି।
ଏହି ଚ୍ୟାନେଲଗୁଡିକ ସିକ୍ୟୁରିଟି ବଜାର ଉପରେ ଟ୍ରେଡିଂ ପରାମର୍ଶ ପ୍ରଦାନ କରନ୍ତି ଏବଂ ନିବେଶକଙ୍କ ଟ୍ରେଡିଂ ଆକାଉଣ୍ଟ ପରିଚାଳନା କରନ୍ତି। ଷ୍ଟକ ବଜାରରେ ନିଶ୍ଚିତ ରିଟର୍ଣ୍ଣ ପ୍ରତିଶ୍ରୁତି ଦେଇ କୌଣସି ବ୍ୟକ୍ତି କିମ୍ବା ସଂସ୍ଥାଠାରୁ ଦୂରେଇ ରହିବାକୁ ଷ୍ଟକ ଏକ୍ସଚେଞ୍ଜ ନିବେଶକମାନଙ୍କୁ ପରାମର୍ଶ। ଏପରି କରିବା ବେଆଇନ।
ଏନଏସଇର ସୂଚନା ଅନୁସାରେ ନିବେଶକମାନେ ନିଜର ୟୁଜର ଆଇଡି ଓ ପାସୱାର୍ଡକୁ କୌଣସି ଥାର୍ଡ ପାର୍ଟି ସହ ସେୟାର କରିବେ ନାହିଁ। ଏହା ସେମାନଙ୍କୁ କ୍ଷତି ପହଞ୍ଚାଇପାରେ। ଏଥି ସହିତ ନିବେଶକମାନେ www.nseindia.com/invest/find-a-stock-broker ଭିଜିଟ୍ କରି ପଞ୍ଜିକୃତ ସଦସ୍ୟଙ୍କ ବିଷୟରେ ସୂଚନା ପାଇପାରିବେ।
