OSSC ତରଫରୁ ଡିସେମ୍ବର ମାସ ପାଇଁ ପରୀକ୍ଷା କ୍ୟାଲେଣ୍ଡର ଜାରି ହେଲା

ଭୁବନେଶ୍ୱର(ଓଡ଼ିଶା ଭାସ୍କର): ରାଜ୍ୟର ସମସ୍ତ ସରକାରୀ ଚାକିରି ଆଶାୟୀଙ୍କ ପାଇଁ ଆସିଛି ଏକ ବଡ଼ ଖବର । ଓଡ଼ିଶା କର୍ମଚାରୀ ଚୟନ ଆୟୋଗ (ଓଏସଏସସି) ତରଫରୁ ଆସନ୍ତା ଡିସେମ୍ବର ମାସ ପାଇଁ ପରୀକ୍ଷା କ୍ୟାଲେଣ୍ଡର ଜାରି କରାଯାଉଛି । ପ୍ରାର୍ଥୀମାନେ ଓଏସଏସସିର ଅଫିସିଆଲ୍ ୱେବସାଇଟକୁ ଯାଇ ଏ ବାବଦରେ ସବିଶେଷ ତଥ୍ୟ ପାଇ ପାରିବେ । ଏଥିସହିତ ପରୀକ୍ଷା ସମ୍ପର୍କିତ ସବିଶେଷ ଅପଡେଟ୍୍ ପାଇବାକୁ ନିୟମିତ ଭାବେ ଅଫିସିଆଲ ୱେବସାଇଟ୍ ପରିଦର୍ଶନ କରିବାକୁ ପରାମର୍ଶ ଦିଆଯାଇଛି ।

ଆସନ୍ତା ମାସ ୭ରୁ ୧୧ ତାରିଖ ମଧ୍ୟରେ ଜୁନିୟର ଏନଫୋର୍ସମେଣ୍ଟ ଅଫିସର ଓ ଜୁନିୟର ଆକାଉଣ୍ଟାଣ୍ଟ ପଦ ପାଇଁ ପ୍ରିଲିମିନାରୀ ପରୀକ୍ଷା ଅନୁଷ୍ଠିତ ହେବ । ୧୬ ତାରିଖ ପରେ ଇଏସଆଇ ସ୍କିମ ନିର୍ଦ୍ଦେଶାଳୟ ଅଧିନରେ ଟେକ୍ନିକାଲ ପଦ ପାଇଁ ମୁଖ୍ୟ ଲିଖିତ ପରୀକ୍ଷା ଅନୁଷ୍ଠିତ ହେବ । ସେହିପରି ୨୨ ତାରିଖ ପରେ ମିଳିତ ସ୍ନାତକ ସ୍ତରୀୟ (ସିଜିଏଲ) ସ୍ପେଶାଲିଷ୍ଟ ରୁଲ୍ସ ୨୦୨୩ ଅଧିନରେ କଭର ହେଉନଥିବା ବିଭିନ୍ନ ପଦ/ ସେବା ପାଇଁ ମୁଖ୍ୟ ଲିଖିତ ପରୀକ୍ଷା ଅନୁଷ୍ଠିତ ହେବ । ପରୀକ୍ଷାକୁ ନେଇ ଆଗୁଆ ତାରିଖ ଜାରି ହେବା ଫଳରେ ପ୍ରାର୍ଥୀମାନେ ଭଲ ଭାବେ ପ୍ରସ୍ତୁତି କରିପାରିବେ ।