(Video) ‘ଛଅ ଥରର ସାଂସଦ ମୁଁ, ଆପଣ ମୋତେ ଶିଖାଇବେ…..’: ନାରାବାଜୀକୁ ରୋକିବାରୁ ବିଜେପି ନେତାଙ୍କୁ ଏପରି ଟାର୍ଗେଟ୍ କଲେ ପପୁ ଯାଦବ
ନୂଆଦିଲ୍ଲୀ: ଅଷ୍ଟାଦଶ ଲୋକସଭାରେ ନବନିର୍ବାଚିତ ସାଂସଦମାନଙ୍କର ଶପଥ ଗ୍ରହଣ ପ୍ରକ୍ରିୟା ଜାରି ରହିଛି । ବିଭିନ୍ନ ଦଳର ନିର୍ବାଚିତ ସାଂସଦମାନଙ୍କର ଶପଥ ଗ୍ରହଣ ବେଳର ଅନେକ ଭିଡିଓ ସାମ୍ନାକୁ ଆସିବା ସହ ତାହା ବିବାଦ ସୃଷ୍ଟି କରିଛି । ପରବର୍ତ୍ତୀ ସମୟରେ ଉକ୍ତ ନାରା ଓ ବୟାନକୁ ଲୋକସଭା ରେକର୍ଡରୁ ହଟାଇ ଦିଆଯାଇଛି । ତେବେ ଏହା ମଧ୍ୟରେ ବିହାରର ନବନିର୍ବାଚିତ ସାଂସଦ ପପ୍ପୁ ଯାଦବଙ୍କୁ ନେଇ ଏକ ବିବାଦ ସୃଷ୍ଟି ହୋଇଛି ।
ପପ୍ପୁ ସାଂସଦ ଭାବେ ଶପଥ ଗ୍ରହଣ ନେବା ସମୟରେ ଭାଷର ଆରମ୍ଭରୁ ‘ପ୍ରଣାମ ପୂର୍ଣ୍ଣିୟା, ପ୍ରଣାମ ବିହାର, ସଲାମ ବିହାର, ଜୋହାର ବିହାର’ ନାରା ଦେଇଥିଲେ । ତେଣୁ ପପୁଙ୍କର ଏହି ନାରାବାଜୀକୁ ବନ୍ଦ କରିବା ପାଇଁ ସଂସଦୀୟ ବ୍ୟାପାର ମନ୍ତ୍ରୀ କିରେନ ରିଜିଜୁ ଓ ପ୍ରୋଟେମ ସ୍ପିକର ଭର୍ତ୍ତୃହରି ମହତାବ ପପୁଙ୍କୁ କହିଥିଲେ । ତେବେ ଏହାପରେ ପପ୍ପା ଶାସକ ଦଳର ସାଂସଦଙ୍କ ଆଡ଼କୁ ଟାର୍ଗେଟ୍ କରି କହିଥିଲେ, ‘ମୁଁ ୬ ଛଅ ଥରର ସାଂସଦ, ଆପଣ ମୋତେ ଶିଖାଇବେ? ଆପଣ ଦୟା ଆଧାରରେ ଜିତିଥିବେ, ମୁଁ ଚତୁର୍ଥ ଥର ସ୍ୱାଧୀନ ଭାବେ ଜିତି କରି ଏଠାକୁ ଆସିଛି ।’
ପପ୍ପୁ ଭୋଜପୁରୀ ଭାଷାରେ ଶପଥ ନେଇଥିଲେ । ସେ ନିଜର ଶପଥ ଗ୍ରହଣ ଶେଷ ଆଡ଼କୁ ଧନ୍ୟବାଦ ଦେବା ସହିତ ନୀଟ ପରୀକ୍ଷା ପୁନର୍ବାର କରାଇବାକୁ ଦାବି କରିଥିଲେ । ଏଥିସହିତ ସେଠାରେ ଛିଡ଼ା ହୋଇ ବିହାରକୁ ଏକ ସ୍ୱତନ୍ତ୍ର ରାଜ୍ୟର ମାନ୍ୟତା ଦେବାକୁ ଦାବି କରିଥିଲେ । ସେ ‘ସୀମାଞ୍ଚଳ ଜିନ୍ଦାବାଦ, ମାନବତାବାଦ ଜିନ୍ଦାବାଦ’ ଆଦି ନାରା ଦେଇଥିଲେ । ଏହାପରେ ପପ୍ପୁଙ୍କର ନାରାବାଜୀକୁ ସଂସଦୀୟ ବ୍ୟାପାର ମନ୍ତ୍ରୀ କିରେନ ରିଜିଜୁ ଓ ପ୍ରୋଟେମ ସ୍ପିକର ଭର୍ତ୍ତୃହରି ମହତାବ ରୋକିଥିଲେ ।
प्रणाम पूर्णिया सलाम पूर्णिया जोहार पूर्णिया
शपथ ग्रहण के साथ संसदीय जीवन की एक
और पारी शुरू हो गईउद्देश्य है पूर्णिया मॉडल पूरे बिहार में सेवा,न्याय
और विकास की राजनीति का आदर्श बने!शपथ ग्रहण के दौरान #ReNEET का डिमांड किया और बिहार को विशेष राज्य का दर्जा देने का मांग किया! pic.twitter.com/gPUiKbv4fh
— Pappu Yadav (@pappuyadavjapl) June 25, 2024
