ପୁଟିନ ଆଉ କେବଳ ଗୋଟିଏ ବର୍ଷର ଅତିଥି ! ଋଷର ପୂର୍ବତନ ରାଜନେତାଙ୍କ ଭବିଷ୍ୟବାଣୀ – ଆଗାମୀ ଜନ୍ମଦିନ ଦେଖି ପାରିବେ ନାହିଁ
ମସ୍କୋ : ଋଷର ଜଣେ ପୂର୍ବତନ ରାଜନେତା ଭବିଷ୍ୟବାଣୀ କରିଛନ୍ତି ଯେ ଋଷ ରାଷ୍ଟ୍ରପତିଙ୍କ ଅନ୍ତିମ ଦିନ ପାଖେଇ ଆସୁଛି । ଇଣ୍ଡିଆ ଟୁଡେରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ଦେଶର ପୂର୍ବତନ ଡେପୁଟି ଇଲିୟା ପୋନୋମେରେଭ କହିଛନ୍ତି ଯେ ଋଷର ରାଷ୍ଟ୍ରପତି ଭ୍ଲାଦିମିର ପୁଟିନ ଏକ ବର୍ଷରୁ ଅଧିକ ସମୟ ବଞ୍ଚିବେ ନାହିଁ । ୭ ଅକ୍ଟୋବରରେ ଆସୁଥିବା ତାଙ୍କର ପରବର୍ତ୍ତୀ ଜନ୍ମଦିନ ବେଳକୁ ସେ ନଥିବେ ।
ବ୍ରିଟେନର ନ୍ୟୁଜ୍ ଏଜେନ୍ସି ଏକ୍ସପ୍ରେସ ସହ ବର୍ତ୍ତାଳାପରେ ପୋନୋମେରେଭ କହିଛନ୍ତି ଯେ, ସେହି ଦିନ ପୁଟିନଙ୍କ ପତନ ଘଟିବ ଯେଉଁ ଦିନ ୟୁକ୍ରେନ କ୍ରିମିନ ଉପରେ ପୁଣି ଅଧିକାରୀ ଜାହିର କରିବ । ଯାହାକୁ୨୦୧୪ ରେ ଋଷ ନିଜ ନିୟନ୍ତ୍ରଣକୁ ନେଇଥିଲା ।
ସେ ଆହୁରି ମଧ୍ୟ କହିଛନ୍ତି ଯେ, ୟୁକ୍ରେନ ସୈନ୍ୟମାନେ ଦିନେ ନା ଦିନେ କ୍ରିମିନରେ ପ୍ରବେଶ କରିବେ ଏବଂ ପୁଟିନ ଶାସନର ଅନ୍ତ ହେବ ସେହିଦିନ । ସେ କହିଛନ୍ତି ଯେଉଁ ଭଳି ଭାବରେ ପୁଟିନ ନିଜକୁ ସ୍ଥିର ରଖିଛନ୍ତି, ସେହିଭଳି ସାମରିକ ପରାଜୟକୁ ବଜାୟ ରଖିପାରିବେ ନାହିଁ । ୟୁକ୍ରେନ ସହିତ ହୋଇଥିବା ଯୁଦ୍ଧରେ ସେ ଜାଣିଛନ୍ତି ଯୁଦ୍ଧରେ ହାରିଛନ୍ତି, କିନ୍ତୁ ତଥାପି ସେ ବିଶ୍ୱାସ କରନ୍ତି ଯେ ତାଙ୍କ ସୈନ୍ୟ ଜିତିବେ।
ଅନ୍ୟ ଏକ ଘଟଣାରେ ଋଷ ସଂସଦ ପୁଟିନଙ୍କ ଭାଷଣ ସମୟରେ ତାଙ୍କ କାନରେ ନୁଡୁଲ୍ସ ଟାଙ୍ଗି ପରିହାସ କରିଥିଲେ। ପୁଟିନଙ୍କ ଭାଷଣ ସମୟରେ ସାଂସଦ ମିଖାଇଲ ଅବଦାଲକିନ ତାଙ୍କ କାନରେ ନୁଡୁଲ୍ସ ଲଗାଇ ତାଙ୍କ ଭାଷଣ ଶୁଣିଥିଲେ। ମିଖାଇଲଙ୍କ ଏହି ଭିଡିଓ ଦିନକୁ ଦିନ ଭାଇରାଲ ହେବାରେ ଲାଗିଛି। ‘କାନରେ ନୁଡୁଲ୍ସ ଟାଙ୍ଗ’ ଏକ ମୂର୍ଖତା ଯାହାର ଅର୍ଥ ଜଣେ ବ୍ୟକ୍ତିଙ୍କୁ ବିଭ୍ରାନ୍ତ କରିବା କିମ୍ବା ବୋକା ବନାଇବା । ଏହି ଭିଡିଓ ମାଧ୍ୟମରେ ସେ ଦର୍ଶାଉଛନ୍ତି ଯେ ଏହି ଘଟଣାରେ ପୁଟିନ ମିଛ କହି ଅନ୍ୟମାନଙ୍କୁ ବିଭ୍ରାନ୍ତ କରୁଛନ୍ତି।