‘ବୁଢ଼ୀ’ ଅବତାରରେ ଡ୍ରାମା କ୍ୱିନ୍ ରାଖୀ
ବଲିଉଡର ଡ୍ରାମା କ୍ୱିନ କୁହାଯାଉଥିବା ରାଖୀ ସାୱନ୍ତ ସୋସିଆଲ ମିଡିଆରେ ବେଶ୍ ସକ୍ରିୟ ରହିଥାନ୍ତି । ନିଜର ଫ୍ୟାନ୍ସ ମାନଙ୍କ ମଧ୍ୟରେ ଚର୍ଚ୍ଚାରେ ରହିବା ପାଇଁ ସର୍ବଦା କିଛି ନା କିଛି କୌତୁହଳପୂର୍ଣ୍ଣ ପୋଷ୍ଟ କରିଥାନ୍ତି । ତେବେ ନିକଟରେ ରାଖୀ ନିଜର ଏହିଭଳି ଏକ ପୋଷ୍ଟକୁ ନେଇ ଚର୍ଚ୍ଚାକୁ ଆସିଛନ୍ତି ।
ରାଖୀ ଇନଷ୍ଟାଗ୍ରାମରେ ନିଜର ଏକ ଫଟୋ ସେୟାର କରିଛନ୍ତି, ଯେଉଁଥିରେ ସେ ‘ବୁଢ଼ୀ’ ରୂପରେ ଥିବାର ଦେଖାଯାଇଛି । ଆଉ ତାଙ୍କର ଏହି ଫଟୋକୁ ଦେଖି ସୋସିଆଲ ମିଡିଆ ୟୁଜର୍ସ ଆଶ୍ଚର୍ଯ୍ୟ ହୋଇଯାଇଛନ୍ତି ଏବଂ ରାଖୀଙ୍କୁ ଅନେକ ପ୍ରଶ୍ନ ମଧ୍ୟ ପଚାରିଛନ୍ତି ।
ଫଟୋରେ ରାଖୀ ବୁଢ଼ୀ ଅବତାର ନେବା ସହ ବେକରେ ବ୍ୟାଣ୍ଡେଜ ମଧ୍ୟ ପିନ୍ଧିଛନ୍ତି । ତାଙ୍କର ଏହି ରୂପକୁ ଦେଖି ଫ୍ୟାନମାନେ ଆଶ୍ଚର୍ଯ୍ୟ ହୋଇଯାଇଛନ୍ତି । ରାଖୀ ସାୱନ୍ତ ଫଟୋକୁ ଇନଷ୍ଟାଗ୍ରାମରେ ସେୟାର କରିବା ସହ ଲେଖିଛନ୍ତି ଏହାଙ୍କୁ ଚିହ୍ନି ପାରୁଛନ୍ତି କି? କିନ୍ତୁ ତାଙ୍କ ଫ୍ୟାନ ରାଖୀଙ୍କୁ ଚିହ୍ନିଯାଇଥିଲେ । ଜଣେ ୟୁଜର କମେଣ୍ଟରେ ଲେଖିଥିଲେ ୮୦ ବର୍ଷର ରାଖୀ ସାୱନ୍ତ । ତେବେ ଏହା ତାଙ୍କର ଆଗାମୀ ପ୍ରୋଜେକ୍ଟ ବେଗମ ବାଦଶାହାର ବୋଲି ସେ କହିଛନ୍ତି ।
View this post on Instagram
