‘ସ୍କାନ ରିପୋର୍ଟରେ ଫ୍ରାକ୍ଚର…’, ଦେଢ଼ ମାସ ପାଇଁ ଟିମ୍ ଇଣ୍ଡିଆରୁ ବାଦ ପଡ଼ିଲେ ରିଷଭ ପନ୍ତ!

ନୂଆଦିଲ୍ଲୀ: ବର୍ତ୍ତମାନ ରିଷଭ ପନ୍ତଙ୍କ ଆଘାତ ଉପରେ ସମସ୍ତଙ୍କ ନଜର ରହିଛି । ସମସ୍ତଙ୍କ ମନରେ ଗୋଟିଏ ପ୍ରଶ୍ନ ପନ୍ତ ଅନ୍ୟ ମ୍ୟାଚ ଖେଳିବେ କି ନାହିଁ । ଏହାରି ଭିତରେ ଏକ ରିପୋର୍ଟ ସାମ୍ନାକୁ ଆସିଛି । ପନ୍ତଙ୍କ ସ୍କାନ ରିପୋର୍ଟରେ ଏକ ଫ୍ରାକ୍ଚର ରହିଥିବା କୁହାଯାଉଛି ।

ସେ ପ୍ରାୟ ଛଅ ସପ୍ତାହ ପାଇଁ ପଡ଼ିଆ ବାହାରେ ରହିବେ । ଡାକ୍ତର ପନ୍ତଙ୍କୁ ପ୍ରାୟ ଦେଢ଼ ମାସ ବିଶ୍ରାମ ନେବାକୁ ପରାମର୍ଶ ଦେଇଛନ୍ତି । ପନ୍ତଙ୍କ ଆଘାତ ଯୋଗୁଁ ଭାରତକୁ ଏକ ବଡ଼ ଝଟକା ଲାଗିଛି ।

ପନ୍ତ ଏହି ସିରିଜରେ ଚମତ୍କାର ବ୍ୟାଟିଂ କରୁଥିଲେ । ଚତୁର୍ଥ ଟେଷ୍ଟ ମ୍ୟାଚର ପ୍ରଥମ ଦିନରେ କ୍ରିସ୍ ୱକ୍ସଙ୍କ ବଲରେ ସେ ଆହତ ହୋଇଥିଲେ। ପନ୍ତ ବହୁତ ଯନ୍ତ୍ରଣାରେ ଥିବା ଦେଖାଯାଉଥିଲେ। ସେ ନିଜେ ଚାଲିପାରୁ ନଥିଲେ। ଏହା ପରେ ତାଙ୍କୁ ଆମ୍ବୁଲାନ୍ସ ଯୋଗେ ହସ୍ପିଟାଲ ନିଆଯାଇଥିଲା ଯେଉଁଠାରେ ତାଙ୍କର ସ୍କାନ କରାଯାଇଥିଲା।

ଡାକ୍ତରୀ ଦଳର ନିରୀକ୍ଷଣରେ ଅଛନ୍ତି । ବିସିସିଆଇ ଡାକ୍ତରୀ ଦଳ ତାଙ୍କୁ ପେନକିଲର ଦେଇ ବ୍ୟାଟିଂ କରିବାକୁ ଅନୁମତି ଦିଆଯାଇପାରିବ କି ନାହିଁ ତାହା ଯାଞ୍ଚ କରୁଛି । କିନ୍ତୁ ପନ୍ତଙ୍କୁ ପଡିଆରେ ଯେପରି କାନ୍ଦୁଥିବା ଦେଖାଯାଇଥିଲା, ତାହା ମନେ ହେଉନାହିଁ ଯେ ସେ ପୁଣି ବର୍ତ୍ତମାନ ବ୍ୟାଟିଂ କରିପାରିବେ ।

ଇଶାନ କିଷାନ ଦଳକୁ ଫେରିବେ- ରିଷଭ ପନ୍ତଙ୍କ ଆଘାତ ପରେ, ରିପୋର୍ଟ ଆସିଛି ଯେ ଚୟନ କମିଟି ପଞ୍ଚମ ଟେଷ୍ଟ ପୂର୍ବରୁ ଇଶାନ କିଷାନଙ୍କୁ ଦଳରେ ସାମିଲ କରିବା ବିଷୟରେ ବିଚାର କରୁଛି । କିଷାନ ମଧ୍ୟ ପନ୍ତଙ୍କ ପରି ଜଣେ ବାମହାତୀ ବ୍ୟାଟସମ୍ୟାନ । ସେ ଦେଶ ପାଇଁ ଦୁଇଟି ଟେଷ୍ଟ ମ୍ୟାଚ୍ ଖେଳିଛନ୍ତି ।  ଟେଷ୍ଟ କ୍ରିକେଟରେ ତାଙ୍କ ନାମରେ ଗୋଟିଏ ଅର୍ଦ୍ଧଶତକ ରହିଛି।