ଲକ୍-ଡାଉନରେ ମଦ ନମିଳିବାରୁ ପିଇଗଲା ସାନିଟାଇଜର, ଆଉ ତା’ପରେ..

ଦେଶରେ କରୋନା ଭାଇରସ୍ ବିସ୍ତାର ନହେବା ପାଇଁ ସାନିଟାଇଜର ବ୍ୟବହାର କରିବାକୁ ସରକାର ବିଶେଷଜ୍ଞମାନେ ନିବେଦନ କରିଛନ୍ତି । ନିକଟରରେ କୋଏମ୍ବାଟୁରରେ ଏହି ସାନିଟାଇଜର କାରଣରୁ ଜଣେ ବ୍ୟକ୍ତି ନିଜ  ଜୀବନ ହରାଇଛନ୍ତି ।

ତେବେ କୋଏମ୍ବାଟୁରରେ ଜଣେ ୩୫ ବର୍ଷୀୟ ବ୍ୟକ୍ତି ସାନିଟାଇଜର ପିଇଦେଇଥିଲେ, ଫଳରେ ତାଙ୍କର ମୃତ୍ୟୁ ଘଟିଛି । ମୃତ୍ୟୁବରଣ କରିଥିବା ବ୍ୟକ୍ତି ଏକ ଏଜେନ୍ସିରେ ଗ୍ୟାସ ବିତରଣ ବାଳକ ଭାବରେ କାମ କରୁଥିଲେ ।

ରିପୋର୍ଟ ଅନୁଯାୟୀ, ସାନିଟାଇଜର ପିଇ ମୃତ୍ୟୁବରଣ କରିଥିବା ବର୍ନାର୍ଡ ନାମକ ଏହି ବ୍ୟକ୍ତିଙ୍କର ମଦ୍ୟପାନ କରିବାର ଖରାପ ଅଭ୍ୟାସ ଥିଲା। ଲକ୍-ଡାଉନ କାରଣରୁ ମଦ ନ ମିଳିବାରୁ ସେ ବହୁତ ରାଗି ଯାଇଥିଲେ। ଏହି ସମୟରେ ହାତକୁ ସଫା ରଖିବା ପାଇଁ ଏଜେନ୍ସି ଦ୍ଵାରା ଦିଆଯାଇଥିବା ସାନିଟାଇଜରକୁ ବ୍ୟକ୍ତି ଜଣକ ପିଇଦେଇଥିଲେ ।

ଏହା ପରେ ବର୍ନାର୍ଡଙ୍କ ପତ୍ନୀ ତାଙ୍କୁ ଡାକ୍ତରଖାନା ନେଇଥିଲେ କିନ୍ତୁ ସେତେବେଳକୁ ବିଳମ୍ବ ହୋଇଯାଇଥିଲା। ଡାକ୍ତରମାନେ ତାଙ୍କୁ ମୃତ ଘୋଷଣା କରିଥିଲେ। ପୋଷ୍ଟମର୍ଟମ ପାଇଁ ବର୍ନାର୍ଡଙ୍କ ମୃତଦେହ ପଠାଯାଇଛି ଏବଂ ପୋଲିସ ଅଧିକାରୀମାନେ ଏହି ଘଟଣାର ତଦନ୍ତ କରୁଛନ୍ତି।