ମଧ୍ୟପ୍ରଦେଶରେ ସିଙ୍ଘମଙ୍କ ‘ଶିବଭକ୍ତ’ ଅବତାର, ସୋସିଆଲ ମିଡିଆରେ ଧମାକେଦାର ଡ୍ୟାନ୍ସ ଭିଡିଓ ଭାଇରାଲ

ନୂଆଦିଲ୍ଲୀ,୨୧ ।୨: ପୋଲିସକୁ ସବୁବେଳେ ଶକ୍ତ ଅବସ୍ଥାରେ ତ ସମସ୍ତେ ଦେଖିଥାନ୍ତି । କିନ୍ତୁ ତାଙ୍କୁ କେବେ ଧମାକେଦାର ଡ୍ୟାନ୍ସ କରିବାର ଦେଖିଛନ୍ତି କି ? ମଧ୍ୟପ୍ରଦେଶର ଭୋପାଳରେ ଆୟୋଜିତ ହୋଇଥିବା ଆଇପିଏସ ସାକ୍ଷାତ ଅବସରରେ ଧମାକେଦାର ଡ୍ୟାନ୍ସ କରିଛନ୍ତି ଏସପି । ଭଗବାନ ଶିବଙ୍କ ଗୀତ ଉପରେ ଡ୍ୟାନ୍ସ କରିଥିବା ଏସପିଙ୍କ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି । ପୋଲିସ ଅଫସରଙ୍କ ଏହି ଅବତାରକୁ ସମସ୍ତେ ପ୍ରଂଶସା କରୁଛନ୍ତି ।

 

ଏହି କାର୍ଯ୍ୟକ୍ରମରେ ପୋଲିସ ଅଧୀକ୍ଷକ ସଚିନ ଅତୁଲକର ଶିବଙ୍କ ଗୀତରେ ଡ୍ୟାନ୍ସ କରିଛନ୍ତି । ଡ୍ୟାନ୍ସରେ ଅତୁଳ ଧୋତି ପିନ୍ଧିଥିବା ବେଳେ ହାତରେ ଧୂନୀ ନେଇ ମଞ୍ଚକୁ ଆସିଥିଲେ । ଏହା ପୂର୍ବରୁ ସଚିନ ବହୁଥର ନିଜ ଶରୀର, ଫିଟନେସକୁ ନେଇ ଚର୍ଚ୍ଚାକୁ ଆସିସାରିଛନ୍ତି । ମହାଶିବରାତ୍ରି ପୂର୍ବ ସନ୍ଧ୍ୟାରେ ହୋଇଥିବା ଏହି କାର୍ଯ୍ୟକ୍ରମ ଏବେ ଚର୍ଚ୍ଚାର ବିଷୟ ପାଲଟିଛି ।