ତପନ ଡେକା ହେଲେ ଆଇବି ନିର୍ଦେଶକ, ର’ ମୁଖ୍ୟଙ୍କ କାର୍ଯ୍ୟକାଳ ବଢ଼ିଲା
ନୂଆଦିଲ୍ଲୀ : କେନ୍ଦ୍ର ସରକାର ତପନ କୁମାର ଡେକାଙ୍କୁ ଗୁପ୍ତଚର ବିଭାଗର ନିର୍ଦ୍ଦେଶକ ଭାବରେ ନିଯୁକ୍ତ କରିଛନ୍ତି। ତାଙ୍କର କାର୍ଯ୍ୟକାଳ ଦୁଇ ବର୍ଷ ହେବ। ଡେକା ଅରବିନ୍ଦ କୁମାରଙ୍କ ଉତରାଧିକାରୀ ହେବେ ଯାହାଙ୍କର କାର୍ଯ୍ୟକାଳ ଜୁନ୍ ୩୦ରେ ଶେଷ ହେବ। ଅନ୍ୟପକ୍ଷରେ କେନ୍ଦ୍ର ସରକାର ଶୁକ୍ରବାର ଦିନ ଇଂଟେଲିଜେନ୍ସ ଏଜେନ୍ସି ରିସର୍ଚ୍ଚ ଆଣ୍ଡ ଆନାଲିସିସ୍ ୱିଙ୍ଗର ସଚିବ ସାମନ୍ତ କୁମାର ଗୋଏଲଙ୍କ କାର୍ଯ୍ୟକାଳକୁ ଆଉ ଏକ ବର୍ଷ ବୃଦ୍ଧି କରିଛନ୍ତି। କେନ୍ଦ୍ର କ୍ୟାବିନେଟର ନିଯୁକ୍ତି ବ୍ୟାପାର କମିଟି ଶୁକ୍ରବାର ଦିନ ଉଭୟ ନିଷ୍ପତି ଅନୁମୋଦନ କରିଛି।
ହିମାଚଳ ପ୍ରଦେଶର ଶ୍ରୀ ଡେକା ଯିଏ ଫେବୃଆରୀ ୨୦୨୩ ରେ ଅବସର ନେବେ, ବର୍ତ୍ତମାନର ଅରବିନ୍ଦ କୁମାର ଜୁନ୍ ୩୦ ରେ ଅବସର ନେବା ପରେ ଜୁଲାଇ ୧ ରେ ଡେକା କାର୍ଯ୍ୟଭାର ଗ୍ରହଣ କରିବେ। ଡେକା ଦୁଇ ବର୍ଷ କାର୍ୟ୍ୟକାଳ ପାଇଁ ଦାୟିତ୍ବ ଗ୍ରହଣ କରିବେ କିମ୍ବା ପୋଷ୍ଟର ଦାୟିତ୍ବ ଗ୍ରହଣ କରିବା ଦିନଠାରୁ କିମ୍ବା ପରବର୍ତ୍ତୀ ନିର୍ଦ୍ଦେଶନାମା ପର୍ଯ୍ୟନ୍ତ, ତେବେ ସରକାର ଚାହିଁଲେ ତାଙ୍କର କାର୍ଯ୍ୟକାଳ ବଢ଼ାଇ ପାରିବେ।
ବର୍ତ୍ତମାନ ଆସାମର ସ୍ୱତନ୍ତ୍ର ନିର୍ଦ୍ଦେଶକ ଆଇବି ଭାବରେ ପୋଷ୍ଟ ହୋଇଥିବା ଶ୍ରୀ ଡେକା ଅପରେସନ୍ ଡେସ୍କ ପରିଚାଳନା କରୁଛନ୍ତି। ଅକ୍ଟୋବର ୨୦୨୧ ରେ ସାଧାରଣ ନାଗରିକ ହତ୍ୟାକାଣ୍ଡ ଆରମ୍ଭ ହେବା ପରେ କାଶ୍ମୀର ଉପତ୍ୟକାରେ ଚାଲିଥିବା କାର୍ୟ୍ୟର ତଦାରଖ କରିବା ପାଇଁ ତାଙ୍କୁ ଗୃହମନ୍ତ୍ରୀ ଅମିତ ଶାହାଙ୍କ ଦ୍ୱାରା ନିଯୁକ୍ତ କରାଯାଇଥିଲା। ଆଭ୍ୟନ୍ତରୀଣ ଗୁପ୍ତଚର ଏଜେନ୍ସିରେ ଶ୍ରୀ ଡେକା ୧୯୮୭ ବ୍ୟାଚ୍ ର ଜଣେ ବରିଷ୍ଠ ଆଇପିଏସ୍ ଅଧିକାରୀ।
