ଓଡ଼ିଶାର ସବୁଠୁ ବଡ଼ ଉତ୍ସବ ‘Zee Sarthak Sansar Award’: ଅକ୍ଟୋବର ୨୭ ତାରିଖରେ ହେବ ଓଲିଉଡ ଧମାକା
ଓଡ଼ିଶା ଭାସ୍କର: ଓଡିଶାର ଘରେ ଘରେ ପରିଚିତ ‘Zee Sarthak’ ସବୁବେଳେ ଲୋକଙ୍କ ପସନ୍ଦକୁ ଗୁରୁତ୍ବ ଦେଇ ଆସୁଛି । ଓଡିଆ ଘରର ପରମ୍ପରା ଓ ରୀତିନୀତିକୁ ନେଇ ଅନେକ ମନୋଲୋଭା ଧାରାବାହିକ ବା ନିଜର ଦର୍ଶକଙ୍କୁ ମନୋରଞ୍ଜନର କାର୍ଯ୍ୟକ୍ରମ ଭେଟି ଦେଉଛି ଜୀ ସାର୍ଥକ। ସବୁବର୍ଷ ପରି ଚଳିତ ବର୍ଷ ମଧ୍ୟ ଆୟୋଜନ ହେବାକୁ ଯାଉଛି ଓଡ଼ିଶାର ସବୁଠୁ ବଡ଼ ଉତ୍ସବ ‘Zee Sarthak Sansar Award’-2024 । ଅକ୍ଟୋବର ୨୭ ତାରିଖରେ ଗୋଟିଏ ମଞ୍ଚତଳେ ଆପଣଙ୍କର ସମସ୍ତ ମନ ପସନ୍ଦର କଳାକାର ବା ଅଭିନେତା ଓ ଅଭିନେତ୍ରୀଙ୍କୁ ଆପଣ ଦେଖିବାକୁ ପାଇବେ ।
ଏହି ଉତ୍ସବରେ ଆପଣଙ୍କର ମନ ପସନ୍ଦ କଳାକାରଙ୍କୁ ତାଙ୍କର କଠିନ ପରିଶ୍ରମର ଫଳ ମିଳିବ । ବିଭିନ୍ନ କାଟାଗୋରିର ସମସ୍ତଙ୍କ ଶେଷ୍ଠ ପ୍ରଦର୍ଶନ ପାଇଁ ପୁରସ୍କୃତ କରାଯିବ । ବିଭିନ୍ନ ଧରଣର ପୁରସ୍କାର ରହିଛି। ଏହି ପୁରସ୍କାରକୁ ପ୍ରାପ୍ୟ ଅଭିନେତା ଓ ଅଭିନେତ୍ରୀଙ୍କୁ ଦେଇ ସମ୍ମାନିତ କରାଯିବ। କେବଳ ଏତିକି ନୁହଁ, ଆପଣଙ୍କ ମନୋରଞ୍ଜନ ପାଇଁ ବିଭିନ୍ନ ଧରଣର ମନୋରଂଜନ ଭିତ୍ତିକ କାର୍ଯ୍ୟକ୍ରମ ମଧ୍ୟ ସାମିଲ ରହିଛି । ଚଳିତ ବର୍ଷର ମୁଖ୍ୟ ଆକର୍ଷଣ ୫୦ରୁ ଅଧିକ ମନୋରଂଜନ ଭିତ୍ତିକ କାର୍ଯ୍ୟକ୍ରମ ଆପଣ ଦେଖିପାରିବେ। ଏହା ସହିତ ସିନେ ଜଗତର କଳାକାର ବାବୁଶାନ୍, ଏଲିନା, ଅର୍ଚ୍ଚିତା, ଆକାଶ, ବୁଦ୍ଧାଦିତ୍ୟ, ଲିପି , ସ୍ବରାଜ, ଶୈଳେନ୍ଦ୍ର, ଦିବ୍ୟା, ଶୀତଲ, ଭୂମିକା, ଜ୍ୟୋତି, ରାକେଶ, ମଣ୍ଟୁ, ସୂର୍ଯ୍ୟମୟୀ, ହରିହର ଏକା ସହିତ ଅତିଥି ଭାବରେ ନଜର ଆସିବେ।
ଧାରାବାହିକ ଜଗତର ମନପସନ୍ଦ ଯୋଡି ଏଜେ – ମାନିନୀ, ପ୍ରିୟା – ବିଷ୍ଣୁ, ସନ୍ଧ୍ୟା – ପ୍ରତ୍ୟୁଷ, ରାଗିଣୀ – ସଂଗୀତ, ଅକ୍ଷୟ – ଲକ୍ଷ୍ମୀ ଏବଂ ଭାଗ୍ୟ ଓ ରେଖାଙ୍କ ବିଶେଷ ପ୍ରଦର୍ଶନ ରହିଛି। ସମୟକୁ ଜମାରୁ ବି ହାତଛଡ଼ା କରନ୍ତୁ ନାହିଁ କାରଣ ୨୭ ତାରିଖ ସନ୍ଧ୍ୟାରେ ହେବାକୁ ଯାଉଛି ଧାମାକା। ନିଜ ଟିଭି ପରଦାରେ ଏହି ମହୋଲକୁ ଦେଖି ଆହୁରି ଖାସ କରନ୍ତୁ ବୋଲି ଅନୁରୋଧ କରିଛନ୍ତି ଜୀ ସାର୍ଥକର ଚିଫ୍ ଚାନେଲ ଅଫିସର୍ ପ୍ରତୀକ ସିଲ୍।
