ଟିମ୍ ଇଣ୍ଡିଆ ଯାହାକୁ ଦଳରୁ ବିଦା କରିଦେଲା, ଏବେ ସେହି ବ୍ୟାଟ୍ସମ୍ୟାନ୍ ଶତକ ମାରି ଦଳକୁ ଜିତାଇ ଦେଲା

ନୂଆଦିଲ୍ଲୀ: ଭାରତୀୟ ଦଳରୁ ଯାହାକୁ ଅଣଦେଖା କରି କାଢ଼ି ଦିଆଗଲା। ଏବେ ସେହି ଖେଳାଳି ଶତକ ହାସଲ କଲେ। ଯାହା ସମସ୍ତଙ୍କୁ ଚକିତ କରିଦେଲା।  ଏପରିକି ତାଙ୍କ ପ୍ରଦର୍ଶନ ଦେଖି ଏବେ ଭାରତୀୟ ଦଳ ପଶ୍ଚାତାପ କରିବା ଆରମ୍ଭ କରିଛି।

ହାଁ ଆଜ୍ଞା ଦୁଲୀପ ଟ୍ରଫିର ଦ୍ୱିତୀୟ ସେମିଫାଇନାଲରେ ଓ୍ୱେଷ୍ଟ ଜୋନ୍ ବ୍ୟାଟ୍ସମ୍ୟାନ ଋତୁରାଜ ଗାୟକୱାଡ୍ ଚମତ୍କାର ପ୍ରଦର୍ଶନ କରିଥିଲେ। ଏହି ଡାହାଣହାତୀ ବ୍ୟାଟସମ୍ୟାନ୍ ପ୍ରଥମ ଇନିଂସରେ ଏକ ଚମତ୍କାର ଶତକ ହାସଲ କରିଥିଲେ।

ଗାୟକୱାଡ୍ ପଡ଼ିଆରେ ୧୩ଟି ଚୌକା ସାହାଯ୍ୟରେ ଏକ ଶତକ ହାସଲ କରିଥିଲେ। ଗାୟକୱାଡ୍ ଙ୍କ ଶତକ ମଧ୍ୟ ସ୍ୱତନ୍ତ୍ର, କାରଣ ଓ୍ୱେଷ୍ଟ ଜୋନ୍ ସେଣ୍ଟ୍ରାଲ ଜୋନ୍ ବିପକ୍ଷରେ ପ୍ରଥମରୁ ଏହାର ଦୁଇ ଶକ୍ତିଶାଳୀ ବ୍ୟାଟସମ୍ୟାନଙ୍କ ୱିକେଟ ହରାଇଥିଲା।

ଆମେ ଯଶସ୍ୱୀ ଜୟସୱାଲ୍ ଏବଂ ଶ୍ରେୟସ ଆୟରଙ୍କ ବିଷୟରେ କହୁଛୁ, ଉଭୟ ପ୍ରଥମ ଇନିଂସରେ ବିଫଳ ହୋଇଥିଲେ। ଜୟସୱାଲ୍ କେବଳ ୪ ରନ୍ କରିପାରିଥିଲେ ଏବଂ ଶ୍ରେୟସ ଆୟର ସେଟ୍ ହେବା ପରେ ୨୫ ରନ୍ କରି ଆଉଟ୍ ହୋଇଥିଲେ।

ଋତୁରାଜଙ୍କ ଚମତ୍କାର ପ୍ରଦର୍ଶନ: ଦୁଲୀପ ଟ୍ରଫିର ସେମିଫାଇନାଲରେ ଋତୁରାଜ ଗାୟକୱାଡ ନିଜର ଯାଦୁ ଦେଖାଇଥିଲେ। ଏବଂ ଛକା ଚୌକା ବର୍ଷା କରିଥିଲେ।

କେବଳ ସେତିକି ନୁହେଁ ଗାୟକୱାଡ ୭୦ରୁ ଅଧିକ ଷ୍ଟ୍ରାଇକ ରେଟରେ ଶତକ ହାସଲ କରିଥିଲେ। ସେ ତାଙ୍କ ଫାଷ୍ଟ କ୍ଲାସ କ୍ୟାରିୟରରେ ୮ମ ଥର ପାଇଁ ଶତକ ହାସଲ କରିବାରେ ସଫଳ ହୋଇଥିଲେ।

ଶ୍ରେୟସ ଆୟର ମଧ୍ୟ ଗାୟକୱାଡଙ୍କ ସହିତ ଭଲ ବ୍ୟାଟିଂ କରୁଥିଲେ। ସେ ଚାରିଟି ଚୌକା ମାରିଥିଲେ କିନ୍ତୁ ଦ୍ରୁତ ବ୍ୟାଟିଂର ପିଛା କରି ସେ ୨୮ ବଲ୍ ରେ ୨୫ ରନ କରି ଆଉଟ ହୋଇଥିଲେ। ତଥାପି ଗାୟକୱାଡ କ୍ରିଜରେ ରହିଥିଲେ ଏବଂ ଲଞ୍ଚ ପରେ ତାଙ୍କର ଶତକ ହାସଲ କରିଥିଲେ।

ଯଶସ୍ୱୀ ଜୟସୱାଲ ମଧ୍ୟ ବିଫଳ ହୋଇଥିଲେ: ଇଂଲଣ୍ଡ ଗସ୍ତ ପରେ ବାମହାତୀ ବ୍ୟାଟ୍ସମ୍ୟାନ୍ ଯଶସ୍ୱୀ ଜୟସ୍ୱାଲ ମଧ୍ୟ ପ୍ରଥମ ଥର ପାଇଁ ପଡ଼ିଆକୁ ଆସିଥିଲେ ଏବଂ ଏହି ଖେଳାଳି ମାତ୍ର ୩ଟି ବଲ୍ ଖେଳି ପ୍ୟାଭିଲିୟନ ଫେରିଯାଇଥିଲେ।

ଜୟସ୍ୱାଲ ବାମହାତୀ ଦ୍ରୁତ ବୋଲର ଖଲିଲ ଅହମ୍ମଦଙ୍କ ଦ୍ୱାରା ଏଲବିଡବ୍ଲ୍ୟୁ ଆଉଟ ହୋଇଥିଲେ। ହାର୍ଭିକ୍ ଦେଶାଇ ମଧ୍ୟ ଦୀପକ ଚହରଙ୍କ ଶିକାର ହୋଇଥିଲେ। ସେ ଏକ ରନ୍ କରି ଆଉଟ ହୋଇଥିଲେ।

ଏହାପରେ ଆର୍ଯ୍ୟ ଦେଶାଇ ଋତୁରାଜଙ୍କ ସହିତ ମିଶି ୮୨ ରନର ଭାଗୀଦାରି କରିଥିଲେ। ଯାହା ଓ୍ୱେଷ୍ଟ ଜୋନ୍ ଦଳକୁ ପ୍ରଥମ ବିପଦରୁ ମୁକୁଳିବାରେ ସାହାଯ୍ୟ କରିଥିଲା।

ଆଶ୍ଚର୍ଯ୍ୟଜନକ କଥା ହେଉଛି ଯେ ଗୋଟିଏ ସମୟରେ ଗାୟକୱାଡଙ୍କ ଭାରତର ଟେଷ୍ଟ ଦଳରେ ଆସିବା ନେଇ ଆଲୋଚନା ହେଉଥିଲା, କିନ୍ତୁ ବର୍ତ୍ତମାନ ସେ ତିନୋଟି ଯାକ ଫର୍ମାଟର କୌଣସି ଦଳରେ ନାହାନ୍ତି।

ତଥାପି ଯଦି ଗାୟକୱାଡ ଏପରି ବ୍ୟାଟିଂ ଜାରି ରଖନ୍ତି, ତେବେ ସେ ନିଶ୍ଚିତ ଭାବରେ ୱେଷ୍ଟଇଣ୍ଡିଜ୍ ବିପକ୍ଷ ଟେଷ୍ଟ ସିରିଜ୍ ପାଇଁ ଦାବିଦାର ହୋଇପାରିବେ।