ବାଥରୁମରେ କଲେ ବଳାତ୍କାର, ଟିଭି ଅଭିନେତାଙ୍କ ନାଁରେ ସାଂଘାତିକ ଅଭିଯୋଗ, ଦୁଷ୍କର୍ମ ମାମଲାରେ ଗିରଫ

ମୁମ୍ବାଇ: ଦୁଷ୍କର୍ମ ମାମଲାରେ ଅଭିନେତା ଗିରଫ। ବାଥରୁମରେ ବଳପୂର୍ବକ ଶାରୀରିକ ସମ୍ପର୍କ ରଖିଛନ୍ତି ଅଭିନେତା। ଗିରଫ ପରେ ବାନ୍ଧିଲା ପୋଲିସ।

ଟିଭି ଅଭିନେତା ଆଶିଷ କପୁରଙ୍କୁ ଦିଲ୍ଲୀ ପୋଲିସ ପୁଣେରୁ ଗିରଫ କରିଛି। ପୋଲିସର ସୂଚନା ଅନୁଯାୟୀ, ପୀଡିତା ଅଭିଯୋଗ କରିଛନ୍ତି ଯେ ଅଗଷ୍ଟ ଦ୍ୱିତୀୟ ସପ୍ତାହରେ କପୁର ତାଙ୍କ ସହିତ ବାଥରୁମ୍ ଭିତରେ ବଳପୂର୍ବକ ଶାରୀରିକ ସମ୍ପର୍କ ରଖିଥିଲେ।

ଏହି ଘଟଣା ଦିଲ୍ଲୀର ଏକ ଘରୋଇ ପାର୍ଟି ସମୟରେ ଘଟିଥିଲା। ଏହି ଘଟଣା ପରେ, ଅଗଷ୍ଟ ୧୧ ରେ ଏକ ଏଫଆଇଆର ରୁଜୁ ହୋଇଥିଲା ଏବଂ ଅଭିଯୁକ୍ତଙ୍କୁ ଖୋଜି ଥିଲା ପୋଲିସ।

ଏହି ମାମଲା ସିଭିଲ୍ ଲାଇନ୍ସ ଥାନାରେ ରୁଜୁ ହୋଇଥିଲା। ପୋଲିସ ତାଙ୍କ ଲୋକେସନ୍ ଟ୍ରାକ୍ କରି ପୁଣେରୁ ତାଙ୍କୁ ଗିରଫ କରିଥିଲା। ଏଫଆଇଆରରେ ପ୍ରଥମେ ଆଶିଷ କପୁର, ତାଙ୍କ ବନ୍ଧୁ, ବନ୍ଧୁଙ୍କ ସ୍ତ୍ରୀ ଏବଂ ଦୁଇ ଅଜଣା ବ୍ୟକ୍ତିଙ୍କ ନାମ ଥିଲା।

ପରେ, ପୀଡିତା ତାଙ୍କ ବୟାନ ବଦଳାଇ କହିଥିଲେ ଯେ କେବଳ ଆଶିଷ କପୁର ତାଙ୍କୁ ବଳାତ୍କାର କରିଛନ୍ତି।

ପୀଡିତା ଇନଷ୍ଟାଗ୍ରାମରେ ଆଶିଷ କପୁରଙ୍କୁ ଭେଟିଥିଲେ
ପୁଲିସ କହିବା ଅନୁଯାୟୀ, ପୀଡିତା ଇନଷ୍ଟାଗ୍ରାମରେ ଆଶିଷ କପୁରଙ୍କୁ ଭେଟିଥିଲେ। ପୀଡିତା ଏହା ମଧ୍ୟ ଦାବି କରିଛନ୍ତି ଯେ ଘଟଣାର ଭିଡିଓ ମଧ୍ୟ ରେକର୍ଡ କରାଯାଇଥିଲା।

କିନ୍ତୁ ପୋଲିସ ଏପର୍ଯ୍ୟନ୍ତ ଏପରି କୌଣସି ଭିଡିଓ ପାଇନାହିଁ। ପୀଡିତା ଅଭିଯୋଗ କରିଛନ୍ତି ଯେ ଆଶିଷ କପୁରଙ୍କ ବନ୍ଧୁଙ୍କ ସ୍ତ୍ରୀ ଶୌଚାଳୟରୁ ବାହାରକୁ ଆସିବା ପରେ ତାଙ୍କୁ ମାଡ଼ ମାରିଥିଲେ।

ପୋଲିସର କହିବା ଅନୁଯାୟୀ, ଆଶିଷ କପୁରଙ୍କ ବନ୍ଧୁଙ୍କ ସ୍ତ୍ରୀ ହିଁ ପିସିଆର୍ କଲ୍ କରିଥିଲେ।

ଅଗଷ୍ଟ ୧୧ରେ ମାମଲା ରୁଜୁ
ଇଣ୍ଡିଆନ୍ ଏକ୍ସପ୍ରେସରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ଅଗଷ୍ଟ ୧୧ରେ ଆଶିଷ କପୁର, ତାଙ୍କ ବନ୍ଧୁ, ତାଙ୍କ ପତ୍ନୀ ଏବଂ ଦୁଇ ଅଜଣା ବ୍ୟକ୍ତିଙ୍କ ବିରୋଧରେ ଏକ ଏଫଆଇଆର୍ ରୁଜୁ ହୋଇଥିଲା।

ଅଗଷ୍ଟ ୧୮ରେ ମହିଳା ଜଣକ ଆଉ ଏକ ବୟାନ ରେକର୍ଡ କରିଥିଲେ, ଯେଉଁଥିରେ ସେ ଅଭିଯୋଗ କରିଥିଲେ ଯେ କପୁର ଏବଂ ତାଙ୍କ ବନ୍ଧୁ ତାଙ୍କୁ ବଳାତ୍କାର କରିଥିଲେ ଏବଂ ବନ୍ଧୁଙ୍କ ସ୍ତ୍ରୀ ତାଙ୍କୁ ମାଡ଼ ମାରିଥିଲେ।

ତଥାପି, ଅଗଷ୍ଟ ୨୧ରେ କପୁରଙ୍କ ବନ୍ଧୁ ଏବଂ ତାଙ୍କ ପତ୍ନୀଙ୍କୁ ଆଗୁଆ ଜାମିନ ଦିଆଯାଇଥିଲା।

ସିସିଟିଭି ଫୁଟେଜ୍‌ରୁ ସାମ୍ନାକୁ ଆସିଲା ସତ
ତଦନ୍ତକାରୀ ଅଧିକାରୀଙ୍କ ଅନୁସାରେ, ସିସିଟିଭି ଫୁଟେଜ୍ ଏବଂ ସାକ୍ଷୀଙ୍କ ବୟାନରୁ ଜଣାପଡ଼ିଥିଲା ଯେ ଆଶିଷ କପୁର ଏବଂ ମହିଳା ଏକାଠି ବାଥରୁମ୍ ଭିତରକୁ ପ୍ରବେଶ କରିଥିଲେ।

ଯେତେବେଳେ ସେମାନେ ବାହାରକୁ ଆସି ନଥିଲେ, ଅତିଥିମାନେ କବାଟ ବାଡ଼େଇବା ଆରମ୍ଭ କରିଥିଲେ। ଅଭିଯୋଗ ଅନୁଯାୟୀ, ଝଗଡ଼ା ହୋଇଥିଲା। ଅଭିଯୋଗକାରୀ ଦାବି କରିଥିଲେ ଯେ ବନ୍ଧୁଙ୍କ ସ୍ତ୍ରୀ ତାଙ୍କୁ ମାଡ଼ ମାରିଥିଲେ।