(Video) ସ୍ୱାଧିନତା ଦିବସରେ ଅଘଟଣ: ଚଳନ୍ତା ଟ୍ରେନରୁ ଅଲଗା ହୋଇଗଲା ଦୁଇଟି ବଗି, ଯାତ୍ରୀମାନେ….
ନୂଆଦିଲ୍ଲୀ: ଗତ କିଛିଦିନ ଧରି ଦେଶର ବିଭିନ୍ନ ସ୍ଥାନରେ ଏକାଧିକ ଛୋଟ ଟ୍ରେନ ଦୁର୍ଘଟଣା ଦେଖିବାକୁ ମିଳିଛି । ଗତ ମାସ ୨୦ ତାରିଖରେ ୟୁପିରେ, ୨୧ ତାରିଖରେ ଅଲୱୋର ଠାରେ ମାଲଗାଡ଼ିରୁ ଡବା ଲାଇନଚ୍ୟୁତ ହୋଇଯାଇଥିଲା । ସେହିପରି ଗତ ସପ୍ତାହରେ ମଧ୍ୟପ୍ରଦେଶର ଇଟାରସୀ ରେଲୱେଠାରେ ଏକ ପାସେଞ୍ଜର ଟ୍ରେନ ଲାଇନରୁ ୨ଟି କୋଚ ବିଦ୍ୟୁତ ହୋଇଥିଲା । ତେବେ ଏହା ମଧ୍ୟରେ ସ୍ୱାଧିନତା ଦିବସରେ ଘଟିଯାଇଛି ଏକ ଅଘଟଣ ।
ସୂଚନା ମୁତାବକ, ଗୁଜରାଟର ସୂରତ ନିକଟରେ ଏକ ଟ୍ରେନ ଦୁର୍ଘଟଣାଗ୍ରସ୍ତ ହୋଇଛି । ସବୁଠାରୁ ବଡ଼ କଥା ହେଉଛି ଏହି ଅଘଟଣରେ ଯାତ୍ରୀଙ୍କ ଜୀବନ ଅଳ୍ପକେ ବର୍ତ୍ତି ଯାଇଛି । ଗତକାଲି ସକାଳ ସମୟରେ ଅହମଦାବାଦ-ମୁମ୍ବାଇ ଡବଲ ଡେକର ଏକ୍ସପ୍ରେସର ଦୁଇଟି ଡବା ଚଳନ୍ତା ଟ୍ରେନରୁ ଅଲଗା ହୋଇଯାଇଥିଲା । ଡିବା ଅଲଗା ହୋଇଯିବା ପରେ ଯାତ୍ରୀଙ୍କ ମଧ୍ୟରେ ହାହାକାର ମଚିଯାଇଥିଲା । ଏହି ଘଟଣାରେ କାହାର କୌଣସି କ୍ଷତି ହୋଇନଥିଲା ।
ସକାଳ ପାଖାପାଖି ୮.୫୦ ସମୟରେ ଟ୍ରେନ ନମ୍ବର ୧୨୯୩୨ ସାୟନ ଓ ସୂରତ ରେଲୱେ ଷ୍ଟେସନ ମଧ୍ୟରେ ଗୋଥଙ୍ଗମ ୟାର୍ଡରେ ପହଞ୍ଚିଥିବା ପଶ୍ଚିମୀ ରେଲୱେ ପକ୍ଷରୁ ଏକ ବିଜ୍ଞପ୍ତି ଜାରି କରି କୁହାଯାଇଛି । ଏହି ଘଟଣାରେ କୌଣସି ଯାତ୍ରୀ ଆହତ ହୋଇନଥିବା ବେଳେ ଅଲଗା ହୋଇଥିବା ଡିବାଗୁଡ଼ିକୁ ପରବର୍ତ୍ତୀ ସମୟରେ ଟ୍ରେନରେ ଯୋଡ଼ି ଦିଆଯାଇଥିଲା । ପୂର୍ବାହ୍ନ ୧୧.୨୨ ସମୟରେ ଉପ ମୁଖ୍ୟ ଲାଇନରେ ଟ୍ରେନ ଚଳାଚଳ ଆରମ୍ଭ ହୋଇଥିଲା । ଏହି ଦୁର୍ଘଟଣାରେ ଅନ୍ୟ ମାର୍ଗରେ କୌଣସି ଟ୍ରେନ ଯାତ୍ରା ପ୍ରଭାବିତ ହୋଇଥିଲା ।
@AshwiniVaishnaw Sir, shocking incident on Train No.12932. The coaches separated before Surat Station, causing panic among passengers. Thankfully, no one was injured. Urgent action needed to ensure passenger safety on Indian Railways. This must not happen again! #RailwaySafety pic.twitter.com/VvY1aLpWc1
— Abhishek D. Joshi🇮🇳 (@AbhishekDJoshi1) August 15, 2024