(video)ଏକ ବଡ ହାତୀକୁ ଧରି ରାସ୍ତାରେ ଦ୍ରୁତ ଗତିରେ ଯାଉଛି ଏକ ଛୋଟ ଗାଡି, ଭିଡିଓ ଦେଖି ସମସ୍ତେ ତଟସ୍ତ
ମଣିଷଙ୍କ ଠାରୁ ଆରମ୍ଭ କରି ବିଭିନ୍ନ ସାମଗ୍ରୀ ପର୍ଯ୍ୟନ୍ତ ସବୁ ଜିନିଷ ଲାଗି ଅଲଗା ଅଲଗା ଗାଡି ତିଆରି କରାଯାଇଛି । ମଣିଷଙ୍କ ଲାଗି ବସ୍, କାର୍, ବାଇକ୍ ପରି ଗାଡି ନିର୍ମାଣ କରାଯାଇଥିବା ବେଳେ ସାମଗ୍ରୀ ଲୋଡ୍ କରିବା ପାଇଁ ଓ ଏସବୁ କେଉଁଠି ପହଞ୍ଚାଇବା ପାଇଁ ଟ୍ରକ, ଟେମ୍ପୋ ପରି ଗାଡି ତିଆରି କରାଯାଇଛି । ଓଜନ ଅନୁଯାୟୀ ଗାଡିର ଚୟନ କରାଯାଇଥାଏ ଓ ସେଥିରେ ଜିନିଷ ଲଦାଯାଇ କେଉଁଠାକୁ ପଠାଯାଇଥାଏ । କିନ୍ତୁ ଆପଣ କେବେ ଛୋଟ ହାତୀ ବୋଲାଉଥିବା ଏକ ଗାଡି ଉପରେ ଏକ ବଡ ହାତୀ ସବାର ହୋଇଥିବାର ଦେଖିଛନ୍ତି କି? ଏହି ଗାଡି ଏକ ହାତୀର ଓଜନକୁ କ’ଣ ବୋହି ପାରିବ । କିନ୍ତୁ ଏପରି ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି ଯାହା ଦେଖିବା ପରେ ସମସ୍ତଙ୍କ ମନରେ ପ୍ରଶ୍ନ ଉଠିଛି ।
Is this for real??? pic.twitter.com/eQV6ytc4Xu
— Dr. Ajayita (@DoctorAjayita) January 17, 2024
ଭିଡିଓରେ ଦେଖିବାକୁ ମିଳୁଛି କି ଏକ ଛୋଟ ଗାଡି ଏକ ବଡ ହାତୀକୁ ଚଢାଇ ବେଶ୍ ଦ୍ରୁତ ଗତିରେ ଯାଉଛି । କିନ୍ତୁ ସମସ୍ତେ ଗାଡିର ଗତି ଦେଖି ନୁହଁନ୍ତି ବରଂ ଏହା ଉପରେ ସବାର ହୋଇଥିବା ହାତୀର ଓଜନକୁ ଦେଖି ନିଜ ଆଖିକୁ ବି ବିଶ୍ୱାସ କରିପାରି ନାହାନ୍ତି । ଏହି ଗାଡି ଉପରେ ଏକ ବଡ ହାତୀ ଛିଡା ହୋଇଥିବାର ନଜର ଆସୁଛି ।
ଏହି ଭିଡିଓକୁ ଟୁଇଟର ହ୍ୟାଣ୍ଡେଲ @DoctorAjayita ନାମକ ଆକାଉଣ୍ଟରେ ସେୟାର କରାଯାଇଛି । ଭିଡିଓକୁ ଏ ପର୍ଯ୍ୟନ୍ତ ୯୭ ହଜାର ଲୋକ ଦେଖିସାରିଲେଣି । ତେବେ ଏହି ରହସ୍ୟର ଉତ୍ତର ବି ବହୁ ୟୁଜର ରଖିଛନ୍ତି । ଜଣେ ୟୁଜର ଲେଖିଛନ୍ତି ‘ଅଟୋ ଅସଲି କିନ୍ତୁ ହାତୀ ନକଲି’ । ଅନ୍ୟ ଜଣେ ୟୁଜର ଲେଖିଛନ୍ତି ମୁଁ ଏହାକୁ ଚେନ୍ନାଇରେ ଦେଖିଥିଲି । ଏହା ନକଲି ହାତୀ ହେଲେ ବି ପୁରା ଅସଲ ପରି ଲାଗୁଛି ।