(video)ପୂଜା ସମୟରେ ଶିବଲିଙ୍ଗ ନିକଟରେ ହାତ ଧୋଇ ବିବାଦରେ ମନ୍ତ୍ରୀ, ପୂଜାରୀ କହିଲେ ଅନ୍ୟତ୍ର ଧୋଇଲେ ପୁଣ୍ୟ କ୍ଷୟ ହୋଇଥାଏ
ଲକ୍ଷ୍ନୌ: ଉତ୍ତରପ୍ରଦେଶ ବାରବାଙ୍କୀ ଜିଲ୍ଲାରେ ଥିବା ଲୋଧେଶ୍ୱର ମହାଦେବ ମନ୍ଦିରରେ ମନ୍ତ୍ରୀ ସତୀଶ ଶର୍ମା ଶିବଲିଙ୍ଗ ପାଖରେ ହାତ ଧୋଇବାକୁ ନେଇ ଏବେ ସର୍ବତ୍ର ଚର୍ଚ୍ଚା ଖେଳିଯାଇଛି । ସମାଜବାଦୀ ପାର୍ଟି ଓ କଂଗ୍ରେସ ଏହି ଘଟଣାରେ ସତୀଶ ଶର୍ମାଙ୍କୁ ଟାର୍ଗେଟ କରିବା ସହ ବିଜେପିକୁ ମଧ୍ୟ ସମାଲୋଚନା କରିଛନ୍ତି । ତେବେ ଏହା ଉପରେ ସଫେଇ ଦେଇ ମନ୍ଦିରର ପୂଜାରୀ କହିଛନ୍ତି ଯେଉଁ ଯାଗାରେ ପୂଜା କରାଯାଏ ସେହି ଯାଗାରେ ହସ୍ତ ପ୍ରକ୍ଷାଳନ କରାଯାଏ । ଅନ୍ୟପକ୍ଷରେ ମନ୍ତ୍ରୀ କହିଛନ୍ତି ତାଙ୍କ ହାତରେ ପୂଜା ସାମଗ୍ରୀ ଲାଗି ରହିଥିଲା । ଏବେ ସୋସିଆଲ ମିଡିଆରେ ମନ୍ତ୍ରୀଙ୍କ ହାତ ଧୋଉଥିବା ସମୟର ଭିଡିଓ ଭାଇରାଲ୍ ହେବାରେ ଲାଗିଛି ।
ଭିଡିଓରେ ମନ୍ତ୍ରୀ ସତୀଶ ଶର୍ମାଙ୍କ ସହିତ ଉତ୍ତରପ୍ରଦେଶ ସରକାରର ଅନ୍ୟ ଜଣେ ମନ୍ତ୍ରୀ ଜିତିନ ପ୍ରସାଦ ବି ଉପସ୍ଥିତ ରହିଥିବାର ନଜର ଆସୁଛନ୍ତି । ସମାଜବାଦୀ ପାର୍ଟି ନେତା ସୁନୀଲ ସିଂହ ଯାଦବ ଏହାକୁ ନେଇ ମନ୍ତ୍ରୀ ସତୀଶ ଶର୍ମାଙ୍କୁ ଟାର୍ଗେଟ କରି କହିଛନ୍ତି, ଯଦି ଏହା କୌଣସି ଅନ୍ୟ ଜାତିର ନେତା କରିଥାନ୍ତେ ତେବେ ବିଜେପିର ଲୋକମାନେ ତାକୁ ଏ ପର୍ଯ୍ୟନ୍ତ ଦଳରୁ ତଡି ନ ଦେଇ ରହି ନ ଥାନ୍ତେ । କଂଗ୍ରେସ ମଧ୍ୟ ଏହା ଉପରେ ନିଜର ପ୍ରତିକ୍ରିୟା ରଖି କହିଛି, ବିଜେପି ଆସ୍ଥା ଓ ବିଶ୍ୱାସର ଉପଯ୍ଧେଜ୍ଞ କେବଳ ରାଜନୀତି ପାଇଁ କରିଥାଏ । କଂଗ୍ରେସ କହିଛି ମନ୍ତ୍ରୀ ଶିବଲିଙ୍ଗ ନିକଟରେ ଅର୍ଘ୍ୟ ନିକଟରେ ହାତ ଧୋଉଛନ୍ତି । ଧର୍ମ ନାମରେ ଓ ଦେବୀ ଦେବତାଙ୍କ ନାମରେ ରାଜନୀତି କରୁଥିବା ଓ କ୍ଷମତା ଦଖଲ କରିଥିବା ଲୋକମାନଙ୍କ ପାଖରେ ଏତିକି ସାମାନ୍ୟ ବୁଦ୍ଧି ନାହିଁ କି ଶିବଲିଙ୍ଗ ପାଖରେ ହାତ ଧୁଆଯାଏ ନାହିଁ ବୋଲି ।
लोधेश्वर शिवलिंग पर हाथ धोने वाला अधर्मी सतीश शर्मा @myogiadityanath सरकार में राज्यमंत्री है और साथ में ब्राह्मणों के स्वघोषित इंपोर्टेड चेहरे भी खड़े हैं।
यही काम यदि किसी अन्य जाति के नेता ने किया होता तो अब तक पाखंडी भाजपाई उसका निष्कासन करा चुके होते।
वैसे बाबा चुप क्यों… pic.twitter.com/3dNbmH26tb— Sunil Singh Yadav (@sunilyadv_unnao) September 3, 2023
କଂଗ୍ରେସ ପକ୍ଷରୁ ଏକ୍ସରେ ପୋଷ୍ଟ କରାଯାଇଥିବା ଭିଡିଓରେ ଦେଖିବାକୁ ମିଳୁଛି ମନ୍ତ୍ରୀ ଶିବଲିଙ୍ଗ ପାଖରେ ଛିଡା ହୋଇ ପୂଜା କରୁଛନ୍ତି । ଏହି ସମୟରେ ସେ ପୂଜାରୀଙ୍କ ପକ୍ଷରୁ ଦିଆଯାଇଥିବା ଜଳରେ ଶିଲିଙ୍ଗ ନିକଟରେ ହାତ ଧୋଉଛନ୍ତି । ଏହି ମାମଲାରେ ପୂଜାରୀ ସଫେଇ ଦେଇ କହିଛନ୍ତି ଯେଉଁ ଯାଗାରେ ପୂଜା କରାଯାଏ ସେହି ଯାଗାରେ ହସ୍ତ ପ୍ରକ୍ଷାଳନ କରାଯାଏ । ଅନ୍ୟ ସ୍ଥାନରେ ହସ୍ତ ପ୍ରକ୍ଷାଳନ କରିବା ଦ୍ୱାରା ପୁଣ୍ୟ କ୍ଷୟ ହୋଇଥାଏ । ଯେଉଁମାନେ ଏହାର ବିରୋଧ କରୁଛନ୍ତି ସେମାନେ ସନାତନ ଧର୍ମର ବିରୋଧୀ ।
