ଦୀପାବଳି ସପିଂ ବନ୍ଦ କରିଦେଲେ ବିରାଟ କୋହଲି: ପାକିସ୍ତାନ ବିପକ୍ଷରେ ବ୍ୟାଟିଂ ବେଳେ ବନ୍ଦ ହୋଇଗଲା ୟୁପିଆଇ କାରବାରରେ
ନୂଆଦିଲ୍ଲୀ: ରବିବାର ପ୍ରଥମ ଟି -୨୦ ମୁକାବିଲାରେ ପାକିସ୍ତାନ ବିପକ୍ଷରେ ବିରାଟ କୋହଲିଙ୍କ ମାଷ୍ଟରକ୍ଲାସ ଇନିଂସ କିଛି ସମୟ ପାଇଁ ଅନଲାଇନ୍ ସପିଂ ବନ୍ଦ କରି ଦେଇଛି। ଏଭଳି କିଛି ରୋଚକ ତଥ୍ୟ ଏବେ ସାମ୍ନାକୁ ଆସିଛି। ତଥ୍ୟ ଅନୁଯାୟୀ ଋବିବାର ସକାଳ ୯ ଟାରୁ ମାଧ୍ୟାନ ୧:୩୦ ପର୍ଯ୍ୟନ୍ତ ଅନଲାଇନ ସପିଂ ବେଶ ଭଲ ଥିଲା। କିନ୍ତୁ ଏହି ସମୟ ପରେ ମ୍ୟାଚ ଯେତେ ଆକର୍ଷଣୀୟ ହୋଇଥିଲା କାରବାର ସେତେ ହ୍ରାସ ପାଇଥିଲା।
ଏହି ଧାରା ଏତିକିରେ ଅଟକି ନଥିଲା, ଭାରତର ବ୍ୟାଟିଂ ସମୟରେ ସନ୍ଧ୍ୟା ୫ ରୁ ୬ ଟା ପର୍ଯ୍ୟନ୍ତ ଅନଲାଇନ୍ କାରବାର ସମ୍ପୂର୍ଣ୍ଣ ବନ୍ଦ ହୋଇଯାଇଥିଲା। ମ୍ୟାକ୍ସ ଲାଇଫର ମୁଖ୍ୟ ବିନିଯୋଗ ଅଧିକାରୀ ମିହିର ଭୋରା ଟ୍ୱିଟରରେ ଏହି ଗ୍ରାଫକୁ ସେୟାର କରିଛନ୍ତି। ରବିବାର ଅନଲାଇନ୍ କାରବାର ଉପରେ ନଜର ରଖିଥିବା ଏହି ଗ୍ରାଫରେ ଦର୍ଶାଯାଇଛି, ଯେ ମ୍ୟାଚ୍ ଆରମ୍ଭ ହେବା ପରେ ପାକିସ୍ତାନର ବ୍ୟାଟିଂ ସମୟରେ ଅନଲାଇନ୍ କାରବାର ବନ୍ଦ ହୋଇଯାଇଥିଲା। ତେବେ ଭାରତର ବ୍ୟାଟିଂ ଆରମ୍ଭ ହେବା ପରେ ଏହା ଆହୁରି ହ୍ରାସ ପାଇବାରେ ଲାଗିଲା। ଅପରାହ୍ନ ୫ ଟା ପରେ ଏକ ସମୟରେ ଏହି ସଂଖ୍ୟା ହ୍ରାସ ପାଇଲା।
#ViratKohli stopped #India shopping yesterday!!
UPI transactions from 9 a.m. yesterday till evening – as the match became interesting, online shopping stopped – and sharp rebound after the match! #HappyDiwali #indiavspak #ViratKohli𓃵 #Pakistan pic.twitter.com/5yTHLCLScM
— Mihir Vora (@theMihirV) October 24, 2022
ତେବେ ଖେଳ ଶେଷ ହେବା ପରେ ସପିଂ ଆରମ୍ଭ ହୋଇଥିଲା। କହିବାକୁ ଗଲେ ବିରାଟ କୋହଲି ଗତକାଲି ଭାରତ ସପିଂ ବନ୍ଦ କରିଦେଇଥିଲେ!! ଭୋରା ଟ୍ୱିଟରରେ ଲେଖିଛନ୍ତି ଯେ ଗତକାଲି ସକାଳ ୯ ଟାରୁ ସନ୍ଧ୍ୟା ପର୍ଯ୍ୟନ୍ତ ଆକର୍ଷଣୀୟ ଅନଲାଇନ୍ ସପିଂ ବନ୍ଦ ହୋଇଗଲା ଏବଂ ମ୍ୟାଚ ଶେଷ ପରେ ତୀବ୍ର ପ୍ରତ୍ୟାବର୍ତ୍ତନ କରିଥିଲା। ଗତକାଲି ନବେ ହଜାରରୁ ଅଧିକ ଦର୍ଶକଙ୍କ ସମ୍ମୁଖରେ ବିରାଟ କୋହଲି ଭାରତକୁ ପାକିସ୍ତାନ ବିପକ୍ଷରେ ଏକ ହାଇ ଭୋଲ୍ଟେଜ ମ୍ୟାଚରେ ବିଜୟୀ କରାଇଥିଲେ। ରିପୋର୍ଟ ଅନୁଯାୟୀ ହଟଷ୍ଟାରରେ ୧.୮ କୋଟିରୁ ଅଧିକ ଲୋକ ଏହି ମ୍ୟାଚ୍ ଷ୍ଟ୍ରିମିଂ କରିଥିଲେ ଏବଂ ସମାନ ସମୟରେ ଟେଲିଭିଜନ ସେଟରେ ଅଗଣିତ ଅନ୍ୟମାନେ ଦେଖିଥିଲେ। ଏହି ମ୍ୟାଚରେ ବିରାଟ କୋହଲି ଭାରତର ସ୍କୋରକୁ ବିଜୟୀ ଆଡକୁ ଏପରି ନେଇଯାଇଥିଲେ ଯେ, ଲୋକମାନେ ଖେଳାରେ ଲାଗି ରହିଥିଲେ ଏବଂ ୟୁପିଆଇ କାରବାର ହ୍ରାସ ପାଇଥିଲା।
