କ’ଣ ଏହି ୩୦-୩୦-୩୦ ଫର୍ମୁଲା, ଯାହା ଶୀଘ୍ର ଓଜନ ହ୍ରାସ କରେ

ଓଡ଼ିଶାଭାସ୍କର: ଆଜିକାଲିର ବ୍ୟସ୍ତବହୁଳ ଜୀବନଶୈଳୀ ଏବଂ ପରିବର୍ତ୍ତିତ ଖାଦ୍ୟପେୟ ଅଭ୍ୟାସ ଯୋଗୁଁ  ମୋଟାପଣ ଏକ ସାଧାରଣ ସମସ୍ୟା ହେଇଯାଇଛି।

ଆମେ ସମସ୍ତେ ଆମର ଖରାପ ଜୀବନଶୈଳୀର ପରିଣାମ ଓଜନ ବୃଦ୍ଧି ରୂପରେ ଭୋଗୁଛୁ।  ସାରା ବିଶ୍ୱରେ ଲୋକମାନେ ଦ୍ରୁତ ଗତିରେ ମୋଟାପଣର ସିକାର ହେଉଛନ୍ତି।  ଏବଂ ଏହି କାରଣରୁ ଓଜନ କମ୍ କରିବା ପାଇଁ ବିଭିନ୍ନ ପ୍ରକାର ଆଧୁନିକ ଉପାୟ ଆପଣାଉଛନ୍ତି।

ଆଉ ଏହିସବୁ ପଦ୍ଧତି ମଧ୍ୟରୁ ଗୋଟିଏ ହେଉଛି ୩୦-୩୦-୩୦ ଫର୍ମୁଲା। ଯାହା ଆଜିକାଲି ସୋସିଆଲ ମିଡିଆରେ ବହୁତ ଭାଇରାଲ ହେଉଛି। ଏହାସହ ଓଜନ ହ୍ରାସ ପାଇଁ ଦ୍ରୁତ ଗତିରେ ଟ୍ରେଣ୍ଡ କରୁଛି।

ଏହା ଏକ ସରଳ ଏବଂ ପ୍ରଭାବଶାଳୀ ପଦ୍ଧତି। ଯାହା କିଛି ଭଲ ଅଭ୍ୟାସ ଗ୍ରହଣ କରିବା ଉପରେ ଗୁରୁତ୍ୱ ଦିଏ। ତେବେ ଆସନ୍ତୁ ଜାଣିବା ଏହି ୩୦-୩୦-୩୦ ଫର୍ମୁଲା କ’ଣ? ଏହା ଓଜନ ହ୍ରାସ କରିବାରେ କିପରି ସାହାର୍ଯ୍ୟ କରେ।

୩୦-୩୦-୩୦ ଫର୍ମୁଲା କ’ଣ: 

ଉଠିବାର ୩୦ ମିନିଟ୍ ମଧ୍ୟରେ ୩୦ ଗ୍ରାମ  ପ୍ରୋଟିନ୍ ଖାଆନ୍ତୁ: ଉଠିବାର ଅଧ ଘଣ୍ଟା ମଧ୍ୟରେ, ଆପଣଙ୍କ ସକାଳ ଜଳଖିଆରେ ପ୍ରାୟ ୩୦ ଗ୍ରାମ ପ୍ରୋଟିନ୍ ସାମିଲ କରିବା ଉଚିତ। ପ୍ରୋଟିନ୍ ଯୁକ୍ତ ଜଳଖିଆର ଉଦାହରଣ ହେଉଛି ଅଣ୍ଡା, ଗ୍ରୀକ୍ ଦହି, କଟେଜ୍ ପନିର, ଡାଲି, ଟୋଫୁ, କିମ୍ବା ପ୍ରୋଟିନ୍ ଶେକ୍।

୩୦ ମିନିଟ୍ ବ୍ୟାୟାମ କରନ୍ତୁ: ସକାଳ ଜଳଖିଆ ଖାଇବା ପରେ ଆପଣଙ୍କୁ ୩୦ ମିନିଟ୍ ହାଲୁକା ବ୍ୟାୟାମ କରିବା ଉଚିତ୍।  ଏତିରେ ଦ୍ରୁତ ଗତିରେ ଚାଲିବା, ସାଇକେଲିଂ, ପହଁରିବା, ଯୋଗ କିମ୍ୱା ନୃତ୍ୟ, ଯେକୌଣସି କାର୍ଯ୍ୟକଳାପ ଅନ୍ତର୍ଭୁକ୍ତ ଯାହା ହୃଦସ୍ପନ୍ଦନକୁ ସାମାନ୍ୟ ବୃଦ୍ଧି କରେ। କିନ୍ତୁ ଆପଣଙ୍କୁ ଆରାମରେ କଥା ହେବାକୁ ଅନୁମତି ଦିଏ।

୩୦ ଦିନ ପାଇଁ ଅନୁସରଣ କରନ୍ତୁ: ଏହି ନିୟମର କିଛି ବ୍ୟାଖ୍ୟା କହେ ଯେ ଆପଣଙ୍କୁ ୩୦ ଦିନ ପାଇଁ ଏହି ଦିନଚର୍ଯ୍ୟାକୁ କଡ଼ାକଡ଼ି ଅନୁସରଣ କରିବାକୁ ପଡ଼ିବ। ଯେତେବେଳେ ଅନ୍ୟମାନେ ପରାମର୍ଶ ଦିଅନ୍ତି ଯେ ଆପଣ ଆପଣଙ୍କର ଦୈନିକ କ୍ୟାଲୋରୀ ଗ୍ରହଣକୁ ୩୦% ହ୍ରାସ କରନ୍ତୁ।

ଏହା କିପରି କାମ କରେ: ୩୦-୩୦-୩୦ ଫର୍ମୁଲା ପ୍ରୟୋଗ କରିବା ଦ୍ୱାରା ସୁସ୍ଥ ଭାବରେ ଓଜନ ହ୍ରାସ ପାଇବ। ସକାଳେ ଶୀଘ୍ର ପ୍ରୋଟିନ୍ ଖାଇବା ଦ୍ୱାରା ମେଟାବୋଲିଜିମ୍ ଆରମ୍ଭ ହେବାରେ ସାହାଯ୍ୟ ହୁଏ।

ପ୍ରୋଟିନ୍ ଆପଣଙ୍କୁ ଦୀର୍ଘ ସମୟ ପର୍ଯ୍ୟନ୍ତ ପେଟ ପୂର୍ଣ୍ଣ ଅନୁଭବ କରାଏ। ଏହା ସହିତ, ପ୍ରୋଟିନ୍ ଯୁକ୍ତ ନାସ୍ତା ରକ୍ତ ଶର୍କରା ସ୍ତରକୁ ସ୍ଥିର କରିବାରେ ସାହାଯ୍ୟ କରିପାରେ।

ପ୍ରତିଦିନ ୩୦ ମିନିଟ୍ ବ୍ୟାୟାମ କରିବା ଦ୍ଵାରା ଓଜନ ସହଜରେ ହ୍ରାସ ପାଇବ। ତିରିଶ ଦିନ ବ୍ୟାୟାମ କରିବା ଦ୍ଵାରା ଶରୀର ଏଥିରେ ଅଭ୍ୟସ୍ତ ହୋଇଯାଏ।