ହିଜାବ ନିଷେଧାଦେଶ ଉପରେ ସୁପ୍ରିମ୍ କୋର୍ଟଙ୍କ ନୂଆ ନିଷ୍ପତ୍ତି କ’ଣ?
ନୂଆଦିଲ୍ଲୀ: ମୁମ୍ବାଇର ଏନ୍ ଜି ଆଚାର୍ଯ୍ୟ ଓ ଡିକେ ମରାଠେ କଲେଜ ପକ୍ଷରୁ ହିଜାବ ଉପରେ ଲାଗିଥିବା କଟକଣା ଉପରେ ଏବେ ସୁପ୍ରିମକୋର୍ଟ ରୋକ୍ ଲଗାଇଛନ୍ତି । କୌଣସି ଧର୍ମ ପ୍ରକାଶ କରୁନଥିବା ପୋଷାକ ପିନ୍ଧିବା ବାଧ୍ୟତାମୂଳକ ବୋଲି ଯେଉଁ ଧାରା ରହିଛି ତାହା ଉପରେ ସୁପ୍ରିମକୋର୍ଟ ଅନ୍ତରୀଣ ରହିତାଦେଶ ଜାରି କରିଛନ୍ତି । ଉଦାହରଣ ସ୍ୱରୂପ ଛାତ୍ରଛାତ୍ରୀ ବୁର୍ଖା, ନିକାବ, ହିଜାବ, ଟୋପି, ବ୍ୟାଜ୍ ଓ ଷ୍ଟଲ ଭଳି ଜିନିଷ ପିନ୍ଧି ପାରିବେ ନାହିଁ ।
ଜୁନ୍ ୨୬ରେ ବମ୍ବେ ହାଇକୋର୍ଟ ଏହି ନିୟମକୁ ବଜାୟ ରଖି କହିଥିଲେ ଯେ ଡ୍ରେସ୍ କୋଡ୍ ବାକ୍ କିମ୍ବା ଧର୍ମର ସ୍ୱାଧୀନତାର କୌଣସି ମୌଳିକ ଅଧିକାରର ଉଲ୍ଲଂଘନ କରେ ନାହିଁ । ତେବେ ଏହି ନିୟମକୁ ଆଧାର କରି ସୁପ୍ରିମକୋର୍ଟ ପ୍ରଶ୍ନ ଉଠାଇଛନ୍ତି । ଜଷ୍ଟିସ ସଞ୍ଜୀବ ଖାନ୍ନା ପଚାରିଥିଲେ, କୌଣସି ଧର୍ମକୁ ଆଲୋକିତ ନ କରି ଆପଣ କ’ଣ ବୁଝାଉଛନ୍ତି ? ଏପରିକି ନାମର ମଧ୍ୟ ଏକ ଧର୍ମ ରହିଛି । ଏବେ ଏହି ମାମଲାର ପରବର୍ତ୍ତୀ ଶୁଣାଣି ନଭେମ୍ବରରେ ହେବ ।