IPL Qualifier-1: Dot Ball ଜାଗାରେ ‘ଗଛ’ର ଚିହ୍ନ କାହିଁକି? BCCIର ବଡ ନିଷ୍ପତ୍ତି
ନୂଆଦିଲ୍ଲୀ: ଚେନ୍ନାଇର ଚିପାକ୍ ଷ୍ଟାଡିୟମରେ ଆରମ୍ଭ ଖେଳାଯାଉଛି ଆଇପିଏଲର ପ୍ରଥମ କ୍ୱାଲିଫାୟାର ମ୍ୟାଚ । ଚେନ୍ନାଇ ଏବଂ ଗୁଜୁରାଟ ମଧ୍ୟରେ ଏହି ମ୍ୟାଚ ଖେଳାଯାଉଥିବା ବେଳେ ଏହି ମ୍ୟାଚରେ ଏକ ଅଜବ ଦୃଶ୍ୟୃ ଦେଖିବାକୁ ମିଳିଛି । ଗୁଜୁରାଟ ଟାଇଟନ୍ସ ବୋଲିଂ କରୁଥିବା ବେଳେ ଓଭରର ପ୍ରତ୍ୟେକ ଡଟ୍ ବଲକୁ ଗଛର ଚିହ୍ନରେ ଦର୍ଶଯାଉଥିବା ଦେଖାଯାଇଛି । ମ୍ୟାଚ ସ୍କୋରକାର୍ଡରେ ଗଛର ଚିହ୍ନ ଦେଖି ଅନେକ ଫ୍ୟାନ୍ସ ଦ୍ୱନଦ୍ୱରେ ପଡି ଯାଇଛନ୍ତି ଏବଂ ସୋସିଆଲ ମିଡିଆରେ ପ୍ରଶ୍ନର ଝଡ ସୃଷ୍ଟି ହୋଇଛି । ବର୍ତ୍ତମାନ ଏହି ପ୍ରଶ୍ନର ସଠିକ୍ ଉତ୍ତର ସାମନାକୁ ଆସିଛି ।
ଚେନ୍ନାଇ-ଗୁଜୁରାଟ ମଧ୍ୟରେ ଖେଳାଯାଉଥିବା ପ୍ରଥମ କ୍ୱାଲିଫାୟାରରେ ଏହି ଅଜବ ପରିବର୍ତ୍ତନ କରିବାକୁ ନଷ୍ପତ୍ତି ନେଇଛି ବିସିସିଆଇ । ତେବେ ଏହା ପଛରେ ରହିଛି ବିସିସିଆଇର ଏକ ବଡ ଉଦ୍ଦେଶ୍ୟ । ପ୍ରକୃତିକୁ ସୌନ୍ଦର୍ଯ୍ୟରେ ଭରି ଦେବା ପାଇଁ ବିସିସିଆଇ ଏଭଳି ଏକ ନିଷ୍ପତ୍ତି ନେଇଛି । ଯେଉଁଥିପାଇଁ ଏବେ ବିଭିନ୍ନ ମହଲରୁ ଭାରତୀୟ କ୍ରିକେଟ ବୋର୍ଡକୁ ସଲାମ କରାଯାଉଛି । ବିସିସିଆଇ ପ୍ରକୃତିକୁ ସବୁଜିମାରେ ଭରି ଦେବା ପାଇଁ ଏକ ନୂଆ ଏବଂ ମହତ୍ ଅଭିଯାନ ଆରମ୍ଭ କରିଛି । ପ୍ଲେ-ଅଫ ମ୍ୟାଚର ପ୍ରତ୍ୟେକ ଡଟ୍ ବଲ୍ ପାଇଁ ୫୦୦ଟି ଗଛ ଲଗାଇବାକୁ ନିଷ୍ପତ୍ତି ନେଇଛି ବିସିସିଆଇ । ତେଣୁ ପ୍ଲେ-ଅଫର ଚାରୋଟି ଯାକ ମ୍ୟାଚରେ ଡଟ୍ ବଲ୍ ସ୍ଥାନରେ ଏହି ଗଛର ଚିହ୍ନ ଦେଖିବାକୁ ମିଳିବ । କ୍ୱାଲିଫାୟାର-୧, କ୍ୱାଲିଫାୟାର-୨ ସହ ଏଲିମିନେଟର ଏବଂ ଫାଇନାଲ ମ୍ୟାଚରେ ମଧ୍ୟ ଏହି ଅଭିଯାନ ଜାରି ରକିବ ବିସିସିଆଇ ।
ସ୍କ୍ରିନରେ ଦେଖାଯାଉଥିବା ଏହି ଗଛର ଇମୋଜିକୁ ନେଇ ବର୍ତ୍ତମାନ ଖୁବ ଚର୍ଚ୍ଚା ଆରମ୍ଭ ହୋଇଯାଇଥିବା ବେଳେ ସୋସିଆଲ ମିଡିଆରେ ଏହା ଖୁବ ଭାଇରାଲ ହେବାରେ ଲାଗିଛି । ଭାରତୀୟ କ୍ରିକେଟ ବୋର୍ଡ ଏଭଳି ଏକ ଉଚ୍ଚ ଚିନ୍ତାଧାରା ଏବଂ ମହତ୍ ଉଦ୍ଦେଶ୍ୟ ପାଇଁ ଏବେ ସବୁଆଡେ ପ୍ରଶଂସା ସାଉଁଟିବାରେ ଲାଗିଛି । ବିଭିନ୍ନ ମହଲରୁ ବିସିସିଆଇକୁ ଏହି ନିଷ୍ପତ୍ତି ପାଇଁ ପ୍ରଶଂସା କରୁଛନ୍ତି । ତେବେ ୪ଟି ମ୍ୟାଚରେ ଯେତେ ଡଟ୍ ବଲ୍ ଖେଳାଯିବ, ସେହି ଅନୁସାରେ ପ୍ରତ୍ୟେକ ବଲ୍ ପାଇଁ ୫୦୦ ଲେଖାଏଁ ଗଛ ଲଗାଇବ ବୋର୍ଡ ।
