ଟିମ୍ ଇଣ୍ଡିଆ ବିରୁଦ୍ଧରେ ଷଡଯନ୍ତ୍ର! WTC ଫାଇନାଲ ପାଇଁ ପ୍ରସ୍ତୁତ ହେଲା ବିପଜ୍ଜନକ ପିଚ୍; ମ୍ୟାଚ୍ ପୂର୍ବରୁ ସୂଚନା ଦେଲେ କ୍ୟୁରେଟର
ନୂଆଦିଲ୍ଲୀ: ଗୋଟିଏ ଦିନ ପରେ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ହେବାକୁ ଥିବା ଆଇସିସି ବିଶ୍ୱ ଟେଷ୍ଟ ଚାମ୍ପିଅନସିପ୍ ଫାଇନାଲକୁ ସମସ୍ତେ ଉତ୍ସାହର ସହିତ ଅପେକ୍ଷା କରିଛନ୍ତି। ଲଗାତାର ଦ୍ୱିତୀୟ ଥର ପାଇଁ ଟିମ୍ ଇଣ୍ଡିଆ ଏହି ଟୁର୍ନାମେଣ୍ଟର ଫାଇନାଲରେ ପ୍ରବେଶ କରିଛି। ଗତଥର ନ୍ୟୁଜିଲ୍ୟାଣ୍ଡ ବିପକ୍ଷ ରିଜର୍ଭ ଡେ’ରେ ଭାରତ ପରାସ୍ତ ହୋଇଥିଲା। ବିରାଟ କୋହଲିଙ୍କ ଅଧିନାୟକତ୍ୱରେ ହାରିଥିବା ଦଳ ଏବେ ରୋହିତ ଶର୍ମାଙ୍କ ନେତୃତ୍ୱରେ ଆଇସିସି ଟ୍ରଫି ଜିତିବାକୁ ଓଭାଲରେ ପହଞ୍ଚିଛି। ଏହି ମ୍ୟାଚ୍ ଜୁନ୍ ୭ ରୁ ୧୧ ପର୍ଯ୍ୟନ୍ତ ଇଂଲଣ୍ଡରେ ଖେଳାଯିବ, ଏହା ପୂର୍ବରୁ ପିଚ୍ ରିପୋର୍ଟ ପ୍ରଶଂସକଙ୍କୁ ହତାଶ କରିଦେଇଛି।
ଏହି ଆଇସିସି ଇଭେଣ୍ଟର ଫାଇନାଲରେ ଅଧିନାୟକ ରୋହିତଙ୍କ ସହ କୋଚ୍ ରାହୁଲ ଦ୍ରାବିଡଙ୍କ ପାଇଁ ମଧ୍ୟ ଏହି ବଡ ପରୀକ୍ଷା ହେବାକୁ ଯାଉଛି। ଉଭୟଙ୍କ ଏଠାରେ ସମାଲୋଚକମାନଙ୍କୁ ଉତ୍ତର ଦେବାର ଏକ ଭଲ ସୁଯୋଗ ଅଛି। ଏସିଆ କପ୍, ଆଇସିସି ଟି -୨୦ ବିଶ୍ୱକପ୍ ବ୍ୟତୀତ ଦଳ ଅନେକ ଥର ନିରାଶ ହୋଇଛି। ତେବେ ଟିମ୍ ଇଣ୍ଡିଆର ବ୍ୟାଟ୍ସମ୍ୟାନ୍ମାନଙ୍କୁ ବାଉନ୍ସ ପିଚ୍ରେ ଅଷ୍ଟ୍ରେଲିଆର ମାରାତ୍ମକ ବୋଲରଙ୍କ ବିପକ୍ଷରେ ଖେଳିବାକୁ ପଡ଼ିବ। ଏହା ପୂର୍ବରୁ ମଧ୍ୟ ବାଉନ୍ସ ପିଚ୍ରେ ଖେଳିବାକୁ ଭାରତୀୟ ବ୍ୟାଟ୍ସମ୍ୟାନଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡିଛି। ବର୍ଡ଼ର ଗାଭାସ୍କର ଟ୍ରଫି ସମୟରେ ଅଷ୍ଟ୍ରେଲିଆରେ ଅନେକ ଖେଳାଳି ଆହତ ହୋଇଥିଲେ।
ଓଭାଲର ମୁଖ୍ୟ କ୍ୟୁରେଟର ଲି ଫୋର୍ଟିସ୍ କହିଛନ୍ତି ଯେ ବୁଧବାର ଠାରୁ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ହେବାକୁ ଥିବା ବିଶ୍ୱ ଟେଷ୍ଟ ଚାମ୍ପିଅନସିପ୍ (ଡବ୍ଲୁଟିସି) ଫାଇନାଲ୍ ପାଇଁ ପିଚ୍ ବାଉନ୍ସ ହେବ। ଓଭାଲରେ ଥିବା ପିଚ୍ ପାରମ୍ପାରିକ ଭାବରେ ବାଉନ୍ସ ଏବଂ ବ୍ୟାଟିଂ ପାଇଁ ଅନୁକୂଳ ଅଟେ, କିନ୍ତୁ ଏଥର ଏହାର ଆଚରଣକୁ ନେଇ ଅନିଶ୍ଚିତତା ରହିଛି କାରଣ ଜୁନ ମାସରେ ଏଠାରେ ଖେଳାଯିବାକୁ ଥିବା WTC ଫାଇନାଲ ପ୍ରଥମ ଟେଷ୍ଟ ମ୍ୟାଚ୍ ହେବ।
ମ୍ୟାଚ୍ର ୧ ଦିନ ପୂର୍ବରୁ ସନ୍ଧ୍ୟା ପର୍ଯ୍ୟନ୍ତ ପିଚରେ ଘାସ ଦେଖିବାକୁ ମିଳିଥିଲା କିନ୍ତୁ ଖେଳ ଆରମ୍ଭ ପୂର୍ବରୁ ଏହାକୁ କାଟି ଦିଆଯାଇପାରେ। ମେଘୁଆ ପାଗ ହେଲେ ଅଷ୍ଟ୍ରେଲିଆ ଉପକୃତ ହୋଇପାରେ, ସେହିଭଳି ଭାରତୀୟ ଦଳ ଚାହିଁବେ କି ସୂର୍ଯ୍ୟ ସମ୍ପୂର୍ଣ୍ଣ ରୂପେ ପ୍ରକାଶିତ ହୁଅନ୍ତୁ। ଫୋର୍ଟିସ୍ ତାଙ୍କ ୟୁଟ୍ୟୁବ୍ ଚ୍ୟାନେଲରେ ରବିଚନ୍ଦ୍ରନ୍ ଅଶ୍ଵିନୀଙ୍କୁ କହିଛନ୍ତି, “ଏହା ଏକ ଭଲ ପିଚ୍ ହେବ। ତେବେ ଗୋଟିଏ କଥା ହେଉଛି ପିଚ୍ ବାଉନ୍ସ ହେବ। ଆଶା କରୁଛି ମ୍ୟାଚରେ ବର୍ଷା ହେବ ନାହିଁ। “
