ସ୍ତ୍ରୀ ନିର୍ଯାତନା ସହିନପାରି ଟ୍ରେନ ଆଗକୁ ଡେଇଁଲେ ଯୁବକ, ତୋତେ ମାରିବି ତୋ ସଂପତ୍ତିର ଭାଗ ନେବି କହିଥିଲା ସ୍ତ୍ରୀ

ଭୁବନେଶ୍ବର: ଖୋର୍ଦ୍ଧାରୁ ସାମ୍ନାକୁ ଆସିଛି ଅଭାବନୀୟ ଘଟଣା । ସ୍ତ୍ରୀ ନିର୍ଯାତନା ସହି ନପାରି ଟ୍ରେନ ଆଗକୁ ଡେଇଁ ପଡିଲେ ଯୁବକ ।

ଧଉଳିମୁହଁ ଷ୍ଟେସନ ନିକଟରୁ ଯୁବକଙ୍କର ମୃତଦେହ ଉଦ୍ଧାର କରାଯାଇଛି । ମୃତକ ଜଣକ ଶିଳ୍ପାଞ୍ଚଳ ଥାନା କୁମାରବସ୍ତ ଗାଁର ବୋଲି ଜଣାପଡିଛି ।

ତେବେ ମୃତ୍ୟୁ ପୂର୍ବରୁ ଯୁବକଜଣକ ସୋସିଆଲ ମିଡିଆରେ ଭିଡିଓ ପୋଷ୍ଟ କରିଥିବା ଜଣାପଡିଛି । ଭିଡିଓରେ ସ୍ତ୍ରୀ ନିର୍ଯାତନା ଦେଉଥିବା କଥା ଉଲ୍ଲେଖ କରିଥିଲେ । ଏହାପରେ ଟ୍ରେନ ଆଗକୁ ଡେଇଁପଡିଥିଲେ ।

ତେବେ ପୋଲିସ ପକ୍ଷରୁ ମୃତ୍ୟୁର ପ୍ରକୃତ କାରଣ ସ୍ପଷ୍ଟ ହୋଇନଥିବା ବେଳେ ସ୍ତ୍ରୀ ନିର୍ଯାତନା ହିଁ ପ୍ରକୃତ କାରଣ ବୋଲି କହିଛନ୍ତି । ତେବେ ଯୁବକଙ୍କ ମାଆ ମଧ୍ୟ ଏନେଇ ମୁହଁ ଖୋଲିଛନ୍ତି ।

ମାଆ କହିଛନ୍ତି, ଝିଅ ଘର ଲୋକେ ପୁଅକୁ ନିର୍ଯାତନା ଦେଇ ଆସୁଥିଲେ । ତାଙ୍କ ପରିବାର ଲୋକେ ମୃତ୍ୟୁ ପାଇଁ ଉସକାଉଥିବା ବେଳେ ମୃତ୍ୟୁ ପରେ ସମ୍ପତ୍ତି ନେବେ ବୋଲି କହୁଥିବା ମଧ୍ୟ ମାଆ ଦର୍ଶାଇଛନ୍ତି । ମୋ ପୁଅକୁ ,ତା ସ୍ତ୍ରୀ କହୁଛି ତୋ ଝିଅର ତଣ୍ଟି ଚିପି ମାରିବି ତୋତେ ମାରିବି ତୋ ସଂପତ୍ତିର ଭାଗ ନେବି ଆଉ ଜଣକୁ ବାହାହେବି କହିଥିବା କହିଛନ୍ତି ମାଆ ।