ୟୁଏଇର ଗୋଲ୍ଡେନ୍ ଭିସା ପାଇଲେ ଉର୍ବଶୀ, ପ୍ରଥମ ଭାରତୀୟ ମହିଳା ଭାବେ ମାତ୍ର ୧୨ ଘଣ୍ଟା ମଧ୍ୟରେ ୧୦ ବର୍ଷ ପାଇଁ ହାସଲ କଲେ ଭିସା
ମୁମ୍ବାଇ (ଭାସ୍କର ନ୍ୟୁଜ୍): ବଲିଉଡରେ ଉର୍ବଶୀ ରୌତେଲା ନିଜର ବୋଲ୍ଡନେସ୍ ସହିତ ଆକ୍ସନ୍ ଏବଂ ଫିଟନେସ୍ ପାଇଁ ଜଣାଶୁଣା । ସେ ସୋସିଆଲ ମିଡିଆରେ ବହୁତ ସକ୍ରିୟ । ନିକଟରେ ସେ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଏକ ଖୁସି ଖବର ସେୟାର କରିଛନ୍ତି । ଉର୍ବଶୀଙ୍କୁ ୟୁଏଇ ଦ୍ୱାରା ଗୋଲ୍ଡେନ୍ ଭିସା ଦିଆଯାଇଛି । ଉର୍ବଶୀ ବର୍ତ୍ତମାନ ଗୋଲ୍ଡେନ୍ ଭିସା ପାଇ ଆଗାମୀ ୧୦ ବର୍ଷ ପାଇଁ ୟୁଏଇରେ ରହିପାରିବେ । ପୂର୍ବରୁ ବ୍ୟବସାୟୀ, ନିବେଶକ ଏବଂ ଡାକ୍ତରମାନଙ୍କୁ ଗୋଲ୍ଡେନ୍ ଭିସା ଦିଆଯାଉଥିଲା । କିନ୍ତୁ ସାମ୍ପ୍ରତିକ ସମୟରେ ବଲିଉଡ କଳାକାରଙ୍କୁ ମଧ୍ୟ ଏହି ଭିସା ଦିଆଯାଉଛି ।
View this post on Instagram
ଗୋଲଡେନ୍ ଭିସା ସହିତ ତାଙ୍କ ଫଟୋ ସେୟାର କରି ଉର୍ବଶୀ ରୌତେଲା ଲେଖିଛନ୍ତି ‘ମୁଁ ହେଉଛିପ୍ରଥମ ଭାରତୀୟ ମହିଳା ଯିଏକି ମାତ୍ର ୧୨ ଘଣ୍ଟା ମଧ୍ୟରେ ୧୦ ବର୍ଷ ପାଇଁ ଏହି ଗୋଲ୍ଡେନ୍ ଭିସା ପାଇଛି । ମୁଁ ଅତ୍ୟନ୍ତ ଗର୍ବିତ ଏବଂ କୃତଜ୍ଞ ଅନୁଭବ କରୁଛି ଯେ ମୋତେ ଏବଂ ମୋ ପରିବାରକୁ ଏହି ଗୋଲ୍ଡେନ୍ ଭିସାର ଏକ ଅଂଶ କରାଯାଇଛି । ୟୁଏଇ ସରକାର, ଏହାର ଶାସକ ଏବଂ ଲୋକମାନଙ୍କୁ ମୋର ଶୁଭକାମନା । ଉର୍ବଶୀଙ୍କ ପୂର୍ବରୁ ଏହି ଭିସା ପ୍ରସିଦ୍ଧ ଅଭିନେତା ସଞ୍ଜୟ ଦତ୍ତଙ୍କୁ ମଧ୍ୟ ଦିଆଯାଇଛି । ଗୋଲ୍ଡେନ୍ ଭିସା ପାଇବା ପରେ ୟୁଏଇରେ ଦୀର୍ଘ ସମୟ ରହିବାକୁ ଅନୁମତି ଦିଆଯାଏ । ଏହି ଭିସା ପାଇବା ପରେ ଜଣେ ବ୍ୟକ୍ତି ୟୁଏଇରେ ୧୦ ବର୍ଷ ରହିପାରିବେ । ଏହି ଭିସା ନିବେଶକ, ଉଦ୍ୟୋଗୀ, ଅନୁସନ୍ଧାନକାରୀ, ଡାକ୍ତରୀ ବୃତ୍ତିଗତ, ବୈଜ୍ଞାନିକ ଏବଂ ଛାତ୍ରମାନଙ୍କ ପାଇଁ ଉପଲବ୍ଧ ଥିଲା । କିନ୍ତୁ ସାମ୍ପ୍ରତିକ ସମୟରେ ବଲିଉଡ କଳାକାରଙ୍କୁ ମଧ୍ୟ ଏହି ଭିସା ଦିଆଯାଉଛି ।
