ପାଣି ପିଆଇଲା ବାଂଲାଦେଶ, ପ୍ରଥମ ଦିନିକିଆରେ ବ୍ୟାଟିଂ ବୋଲିଂ ସବୁଥିରେ ଫେଲ୍ ମାରିଲେ ଭାରତୀୟ ଖେଳାଳି
ମୀରପୁର: ଭାରତ ବାଂଲାଦେଶ ମଧ୍ୟରେ ଚାଲିଥିବା ଦିନିକିଆ ସିରିଜର ପ୍ରଥମ ମ୍ୟାଚରେ ବିଜୟ ହାସଲ ହାସଲ କରିଛି ଘରୋଇ ଦଳ। ଏହି ରୋମାଞ୍ଚକର ମୁକାବିଲାରେ ବାଂଲାଦେଶ ଭାରତକୁ ଗୋଟିଏ ୱିକେଟରେ ହରାଇ ଦେଇଛି। ଭାରତୀୟ କ୍ରିକେଟ୍ ଦଳ ବାଂଲାଦେଶ ଗସ୍ତରେ ଆରମ୍ଭ ପରାଜୟ ସହିତ ଆରମ୍ଭ କରିଛି। ଆଜିର ମ୍ୟାଚ ବିଜୟ ସହ ବାଂଲାଦେଶ ଦଳ ସିରିଜରେ ୧-୦ ଅଗ୍ରଣୀ ହାସଲ କରିଛି। ସିରିଜର ଦ୍ୱିତୀୟ ମ୍ୟାଚ୍ ୭ ଡିସେମ୍ବରରେ ଢାକାରେ ଖେଳାଯିବ।
ଆଜିର ମ୍ୟାଚରେ ଭାରତୀୟ ଦଳର ଉଭୟ ବ୍ୟାଟିଂ ଏବଂ ବୋଲିଂ ଫ୍ଲପ୍ ମାରିଥିଲା। ଟସ୍ ହାରିବା ପରେ ପ୍ରଥମେ ବ୍ୟାଟିଂ କରି ଭାରତୀୟ ଦଳ ୧୮୬ ରନ୍ ସ୍କୋରରେ ସମସ୍ତ ୱିକେଟ୍ ହରାଇଥିଲା। ତେବେ ଦଳ ପାଇଁ କେବଳ କେ.ଏଲ୍ ରାହୁଲ ଅର୍ଦ୍ଧଶତକ ହାସଲ କରିଥିଲେ।
A sensational tenth-wicket partnership has given Bangladesh a win to start off the series 👏
#BANvIND pic.twitter.com/ot9w4r9Tx3— ICC (@ICC) December 4, 2022
ଏହା ପରେ ଲାଗୁଥିଲା ଯେ ଭାରତୀୟ ଖେଳାଳିମାନେ ବୋଲିଂରେ ଚମତ୍କାର କରିବେ, କିନ୍ତୁ ଏହି ଆଶା ମଧ୍ୟ ବୃଥା ପ୍ରମାଣିତ ହୋଇଛି। ଆରମ୍ଭରେ ଭାରତୀୟ ବୋଲରମାନେ ନିଶ୍ଚିତ ଭାବେ ଚାରିଟି ୱିକେଟ୍ ନେଇ ନିଜର ଶକ୍ତି ପ୍ରଦର୍ଶନ କରିଥିଲେ, କିନ୍ତୁ ଛୋଟ ଟାର୍ଗେଟ ଯୋଗୁଁ ସେମାନେ ମଧ୍ୟ ଅସହାୟ ଦେଖାଯାଉଥିଲେ। ଏହିପରି ବାଂଲାଦେଶ ଦଳ ୯ ୱିକେଟ୍ ହରାଇବା ପରେ ୪୬ ଓଭରରେ ମ୍ୟାଚ୍ ଜିତିଥିଲା। ଏହିପରି ଭାବରେ ଭାରତୀୟ ଦଳକୁ ପରାଜୟ ସହ ବାଂଲାଦେଶ ଯାତ୍ରା ଆରମ୍ଭ କରିବାକୁ ପଡିଛି।
