ବସ-ବାଇକ ମୁହାଁମୁହିଁ ଧକ୍କା: ୨ମୃତ, ଜଣେ ଗୁରୁତର

ସୁନ୍ଦରଗଡ଼: ବସ ଓ ବାଇକ ମୁହାମୁହିଁ ଧକ୍କା ହୋଇ ଦୁଇ ଜଣ ମୃତ୍ୟୁବରଣ କରିଛନ୍ତି । ଏଭଳି ଏକ ଅଭାବନୀୟ ଦୁର୍ଘଟଣା ସୁନ୍ଦରଗଡ଼ ଜିଲ୍ଲା ହେମଗିରି ଥାନା ତୁମୁଳିଆ ଛକ ନିକଟରେ ଘଟିଯାଇଛି । ତେବେ ମୃତକ ଦୁଇ ଜଣ ହେମଗିରି ଥାନା ଗୋପାଳପୁର ଗାଁର ବୋଲି ଜଣା ପଡ଼ିଛି । ଦୁର୍ଘଟଣାରେ ଜଣେ ଗୁରୁତର ଭାବେ ଆହତ ହୋଇଛନ୍ତି । ଏକ ଯାତ୍ରୀବାହୀ ବସ ସହ ବାଇକ ଧକ୍କା ହେବା ଫଳରେ ଏଭଳି ମର୍ମନ୍ତୁଦ ସଡ଼କ ଦୁର୍ଘଟଣା ହୋଇଛି । ସୂଚନା ଅନୁଯାୟୀ ବସଟି ତୁମୁଳିଆରୁ ବ୍ରଜରାଜନଗର ଯାଉଥିବା ବେଳେ ଏହି ଦୁର୍ଘଟଣା ଘଟିଥିଲା । ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି ।