ଏମିତି ବି ଆସେ ମୃତ୍ୟୁ! ଗୋରୁ ଚରାଇବା ବେଳେ ହାତ ଧରାଧରି ହୋଇ ଆରପାରିକୁ ଚାଲିଗଲେ 5 ମହିଳା

ନୂଆଦିଲ୍ଲୀ: କୁହାଯାଏ ମୃତ୍ୟୁ କାହା ହାତରେ ନଥାଏ । କ୍ଷଣିକ ଭିତରେ ଚାଲିଯାଇଥାଏ ଜୀବନ । ଏଭଳି ଏକ ସମାନ ଖବର ସାମ୍ନାକୁ ଆସିଛି ଚେନ୍ନାଇରୁ । ଗୋରୁ ଚରାଉଥିବା ବେଳେ 5 ମହିଳାଙ୍କ ଉପରେ କାର୍ ଚଢିଯାଇଛି । ଦ୍ରୁତଗାମୀ କାର ସେମାନଙ୍କ ଉପରେ ମାଡ଼ି ଯିବାରୁ ଘଟଣା ସ୍ଥଳରେ ସମସ୍ତ ୫ ମହିଳାଙ୍କ ମୃତ୍ୟୁ ଘଟିଛି । ତାମିଲନାଡୁ ମାମଲାପୁର ନିକଟ ରାଜପଥରେ ଘଟିଛି ଏହି ଭୟଙ୍କର ଦୁର୍ଘଟଣା । ଚେନ୍ନାଇ ଠାରୁ ଏହା 56 କିମି ଦୂରରେ ରହିଛି । ସମସ୍ତ ମହିଳାଙ୍କ ବୟସ ୫୦ ବର୍ଷରୁ ଅଧିକ ହେବ ବୋଲି କୁହାଯାଇଛି ।

ସୂଚନା ଅନୁସାରେ, ମାମାଲ୍ଲାପୁରକୁ 4ଜଣ କଲେଜ ଛାତ୍ର କାରରେ ଆସୁଥିଲେ । ତେବେ ମହିଳାମାନେ ଗାଇ ଚୋରାଇ ରାସ୍ତାରେ ଜଗି ବସିଥିଲେ । ଏହି ସମୟରେ କାରଟି ଦ୍ରୁତ ବେଗରେ ଆସୁଥିବା ବେଳେ ଅଧରାସ୍ତାରେ ନିୟନ୍ତ୍ରଣ ହରାଇ ମହିଳାଙ୍କ ଉପରେ ମାଡି ଯାଇଥିଲା । ତେବେ କାରର ବେଗ ଏତେ ଅଧିକ ରହିଥିଲା ଯେ, ଘଟଣାସ୍ଥଳରେ ହିଁ 5ଜଣ ଲିପି ହୋଇଯାଇଥିଲେ । ରାସ୍ତା ସାରା ରକ୍ତ ଦେଖିବାକୁ ମିଳିଛି । ତେବେ ସ୍ଥାନୀୟ ଲୋକେ ଭୟଙ୍କର ଦୁର୍ଘଟଣା ପରେ ଏକାଠି ହୋଇ କାର ଚାଳକଙ୍କୁ ଧରି ନିର୍ଦ୍ଦୁମ ଛେଚିବା ସହିତ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ସେମାନଙ୍କୁ ଅଟକ ରଖି ପଚାଉଚରା ଜାରି ରଖିବା ସହିତ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି । ତେବେ କେଉଁ ପରିସ୍ଥିତିରେ ଏଭଳି ଦୁର୍ଘଟଣା ଘଟିଲା ତାହା ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇନାହିଁ ।