ମୋଦୀ ସରକାରଙ୍କ କାର୍ଯ୍ୟକାଳରେ ୫୧.୪୦ କୋଟି ଲୋକ ନିଯୁକ୍ତି ପାଇଛନ୍ତି: ରିପୋର୍ଟ

ନୂଆଦିଲ୍ଲୀ: ଘରୋଇ ଅନୁସନ୍ଧାନ ପ୍ରତିଷ୍ଠାନ ସ୍କଚ୍ ସୋମବାର ଏକ ରିପୋର୍ଟରେ ଦର୍ଶାଯାଇଛି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସରକାରଙ୍କ ୧୦ ବର୍ଷ କାର୍ଯ୍ୟକାଳ ମଧ୍ୟରେ ୫୧.୪୦ କୋଟି ନିଯୁକ୍ତି ସୃଷ୍ଟି ହୋଇଛି । ଏହି ରିପୋର୍ଟଟି ‘ମୋଡିନୋମିକ୍ସର ନିଯୁକ୍ତି ସୃଷ୍ଟି ପ୍ରଭାବ: ପାରାଡିଗମରେ ପରିବର୍ତ୍ତନ’ ଶୀର୍ଷକରେ ଜାରି ହୋଇଥିବା ଏହି ରିପୋର୍ଟ ୮୦ କେସ୍ ଷ୍ଟଡି ଉପରେ ଆଧାରିତ । ଏଥିରେ ଋଣ ନେଇଥିବା ବ୍ୟକ୍ତିଙ୍କ ତଥ୍ୟ ଏବଂ ବିଭିନ୍ନ ସରକାରୀ ଯୋଜନା ଅନ୍ତର୍ଭୁକ୍ତ ।

୨୦୧୪-୨୪ ରେ ୫୧.୪୦ କୋଟି ରୋଜଗାର :-

ସ୍କଚ୍ ଗ୍ରୁପ୍ ଏକ ବିବୃତ୍ତିରେ କହିଛି ଯେ, ୨୦୧୪-୨୪ ବର୍ଷରେ ମୋଟ ୫୧.୪୦ କୋଟି ନିଯୁକ୍ତି ସୃଷ୍ଟି ହୋଇଛି । ଏଥିମଧ୍ୟରୁ ସରକାରୀ ଭିତ୍ତିକ ହସ୍ତକ୍ଷେପ ଯୋଗୁଁ ୧୯.୭୯ କୋଟି ନିଯୁକ୍ତି ସୃଷ୍ଟି ହୋଇଛି । ଅବଶିଷ୍ଟ ୩୧.୬୧ କୋଟି ରୋଜଗାରରେ କ୍ରେଡିଟ୍ ଆଧାରିତ ହସ୍ତକ୍ଷେପ ଯୋଗଦାନ ଦେଇଛି । ସ୍କୋକ୍ ଗ୍ରୁପ୍ ହେଉଛି ଏକ ଘରୋଇ ଅନୁସନ୍ଧାନ ପ୍ରତିଷ୍ଠାନ ଯାହା ସାମାଜିକ-ଅର୍ଥନୈତିକ ପ୍ରସଙ୍ଗରେ କାର୍ଯ୍ୟ କରେ । ୧୯୯୭ ଠାରୁ ଏହା ଅନ୍ତର୍ଭୂକ୍ତ ବିକାଶ ଉପରେ କାର୍ଯ୍ୟ କରୁଛି ।

ଲୋନରୁ ହାରାହାରି ୬.୬ ପ୍ରତ୍ୟକ୍ଷ ନିଯୁକ୍ତି :-

କମ୍ପାନୀ ଦ୍ୱାରା ଜାରି ବିବୃତ୍ତି ଅନୁଯାୟୀ, ବର୍ତ୍ତମାନର ଅଧ୍ୟୟନରୁ ଜଣାପଡିଛି ଯେ ସ୍ଥିର ତଥା ସ୍ଥାୟୀ ନିଯୁକ୍ତି ସୃଷ୍ଟି ପାଇଁ ସୁକ୍ଷ୍ମ ଋଣ ବ୍ୟବହାର କରାଯାଉଛି । ସ୍କଚ୍ ଗ୍ରୁପ୍ ର ଚେୟାରମ୍ୟାନ୍ ତଥା ଏହି ରିପୋର୍ଟର ଲେଖକ ସମୀର କୋଚର କହିଛନ୍ତି ଯେ, ଆମର ସମୟରେ ଆମେ ୮୦ ଟି କେସ୍ ଷ୍ଟଡିର ଡକ୍ୟୁମେଣ୍ଟ୍ ସଂଗ୍ରହ କରିଛୁ । ଏହା ଋଣ ନେଉଥିବା ଏକାଧିକ ୠଣଦାତାଙ୍କୁ ଅନ୍ତର୍ଭୁକ୍ତ କରିଛି ଏବଂ ଋଣ ରାଶିରେ ହାରାହାରି ୬.୬ ପ୍ରତ୍ୟକ୍ଷ ଚାକିରି ସୃଷ୍ଟି କରିଛି ।