ନାବାଳିକା ମଥାରେ ସିନ୍ଦୂର ଦେଲା 60 ବର୍ଷର ବୁଢା, କହିଲା–ଏବେ ସେ ମୋ ସ୍ତ୍ରୀ…ତାପରେ ଜଙ୍ଗଲକୁ ନେଇ…
ଉତ୍ତର ପ୍ରଦେଶର କୁଶିନଗରରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଏଠାରେ ଜଣେ ୬୦ ବର୍ଷୀୟ ବୃଦ୍ଧ, ଗୋଟିଏ ୧୫ ବର୍ଷୀୟ ଝିଅକୁ ଜୋରଜବରଦସ୍ତ ବିବାହ କରିବା ପରେ ତାକୁ ଦୁଷ୍କର୍ମ କରିଛି ।
ଲକ୍ଷ୍ନୌ: ଉତ୍ତର ପ୍ରଦେଶର କୁଶିନଗରରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଏଠାରେ ଜଣେ ୬୦ ବର୍ଷୀୟ ବୃଦ୍ଧ, ଗୋଟିଏ ୧୫ ବର୍ଷୀୟ ଝିଅକୁ ଜୋରଜବରଦସ୍ତ ବିବାହ କରିଥିଲେ। ତାପରେ ତାକୁ ଜଙ୍ଗଲକୁ ନେଇ ଦୁଷ୍କରେମ କରିଥିଲେ। କେବଳ ଏତିକି ନୁହେଁ, ପରେ ସେ ଘରେ ମଧ୍ୟ ତାଙ୍କୁ ନିର୍ଯାତନା ଦେବା ଆରମ୍ଭ କଲେ ଏବଂ ପୁଣି ଥରେ ଦୁଷ୍କର୍ମ କଲେ। ଝିଅର ପରିବାର ଥାନାରେ ମାମଲା ରୁଜୁ କରିବା ପରେ ପୋଲିସ ଅଭିଯୁକ୍ତ ବୃଦ୍ଧଙ୍କୁ ଗିରଫ କରି ଜେଲ ପଠାଇଛି।
ଘଟଣାଟି ନେବୁଆ ନୌରଙ୍ଗିଆ ଗାଁର। ସୂଚନା ଅନୁଯାୟୀ, ଏଠାରେ ରହୁଥିବା ଜଣେ 60 ବର୍ଷର ବୃଦ୍ଧ ପ୍ରଥମେ ୧୫ ବର୍ଷୀୟ ଝିଅକୁ ପ୍ରଲୋଭନ ଦେଖାଇ ମଦନପୁର ସ୍ଥିତ ମନ୍ଦିରକୁ ନେଇଯାଇଥିଲେ। ସେଠାରେ ସେ ଝିଅର ମଥାରେ ସିନ୍ଦୂର ଭରି କହିଥିଲେ – ଏବେ ସେ ମୋ ସ୍ତ୍ରୀ। ତା’ପରେ ସେ ତାକୁ ନିକଟସ୍ଥ ଜଙ୍ଗଲକୁ ନେଇ ଦୁଷ୍କର୍ମ କରିଥିଲେ। ଏହା ପରେ ସେ ଝିଅକୁ ଘରକୁ ପଠାଇ ଦେଇଥିଲା। ଏବଂ ଯଦି ସେ ଏ ବିଷୟରେ କାହାକୁ କୁହେ, ତେବେ ତାକୁ ଜୀବନରୁ ମାରିଦେବ ବୋଲି ଧମକ ମଧ୍ୟ ଦେଇଥିଲା ।
ଝିଅଟି ମଧ୍ୟ ଏହା କାହାକୁ କହି ନଥିଲା। ମଙ୍ଗଳବାର ରାତିରେ ଯେତେବେଳେ ନାବାଳିକା ଝିଅଟି ଶୌଚ ହେବାକୁ ବାହାରକୁ ଯାଇଥିଲା, ବୃଦ୍ଧ ଜଣକ ପୁଣି ତାକୁ ଘରକୁ ନେଇ ଦୁଷ୍କର୍ମ କରିଥିଲା।
କିଛି ସମୟ ପରେ, ଯେତେବେଳେ ଝିଅର ମାଆ ତାଙ୍କ ଝିଅକୁ ଖୋଜିବାକୁ ବାହାରକୁ ଆସିଥିଲେ, ସେ ବୃଦ୍ଧଙ୍କୁ ତାଙ୍କ ଝିଅ ସହିତ ଘରେ ପ୍ରବେଶ କରୁଥିବାର ଦେଖିଥିଲେ। ଝିଅର ମାଆ ଦେଇଥିବା ସୂଚନା ପାଇ ପରିବାର ସଦସ୍ୟ ମଧ୍ୟ ବୃଦ୍ଧଙ୍କ ଘରେ ପହଞ୍ଚିଥିଲେ।
ଘଟଣା ଜାଣିବା ପରେ, ପୋଲିସ ତୁରନ୍ତ ବୃଦ୍ଧଙ୍କୁ ଗିରଫ କରିଛି। ଝିଅଟିର ଡାକ୍ତରୀ ଯାଞ୍ଚ ମଧ୍ୟ କରାଯାଇଛି।