୭୦୦ ବର୍ଷ ପରେ ମହାସଂଯୋଗ ; ଅଶୋକାଷ୍ଟମୀରେ ବଦଳିବ ଭାଗ୍ୟ, କର୍କଟ ଓ କନ୍ୟା ସମେତ ଏହି ୪ ରାଶିର ଲୋକଙ୍କ ପାଇଁ ଶୁଭ ସଙ୍କେତ
ନୂଆଦିଲ୍ଲୀ : ଚୈତ୍ର ନବରାତି ଅଷ୍ଟମୀ ତିଥି ବା ଅଶୋକାଷ୍ଟମୀ ଏଥର ଅତ୍ୟନ୍ତ ସ୍ୱତନ୍ତ୍ର ହେବାକୁ ଯାଉଛି । କାରଣ ଏହି ମହା ଅଷ୍ଟମୀରେ ଗ୍ରହମାନଙ୍କର ଏକ ବିରଳ ସଂଯୋଗ ହେଉଛି । ଜ୍ୟୋତିଷ ଶାସ୍ତ୍ର ଅନୁଯାୟୀ, ଚୈତ୍ର ନବରାତ୍ରୀରେ ୬ଟି ଗ୍ରହ ପ୍ରମୁଖ ଚାରୋଟି ରାଶି ଚିହ୍ନରେ ବିରାଜମାନ ହେବ । ଗୁରୁ ବର୍ତ୍ତମାନ ସ୍ୱରାଶି ମୀନରେ ଅଛନ୍ତି ଏବଂ ମାର୍ଚ୍ଚ ୨୮ ପରେ ଏହି ରାଶିରୁ ଖସିବେ । ଅନ୍ୟ ପଟେ ସୂର୍ଯ୍ୟ ମୀନ ରାଶିରେ ଏବଂ ଶନି କୁମ୍ଭରେ ବିରାଜମାନ କରିଛନ୍ତି ।
ଜ୍ୟୋତିଷମାନେ କହିଛନ୍ତି ଯେ ଗ୍ରହମାନଙ୍କର ଏହି ଦୁର୍ଲଭ ମିଶ୍ରଣ ପ୍ରାୟ ୭୦୦ ବର୍ଷ ପରେ ଘଟୁଛି । ଏହା ଦ୍ୱାରା ଅନେକ ରାଶି ଓ ଦେଶବାସୀଙ୍କ ପାଇଁ ବିଶେଷ ଲାଭ ହେବାର ସମ୍ଭାବନା ରହିଛି ।
ମିଥୁନ : ଏହି ମହାନ ସଂଯୋଗ ସମୟରେ ମିଥୁନ ଲୋକମାନେ ଭାଗ୍ୟବାନ ହେବେ । ମିଥୁନ ଲୋକଙ୍କ ପାଇଁ ଏକ ଖୁସି ଖବର ପାଇବାର ସମ୍ଭାବନା ରହିଛି । ବିବାହିତ ଲୋକଙ୍କ ପାଇଁ ବୈବାହିକ ଜୀବନ ଭଲ ରହିବ । ଅନ୍ୟପକ୍ଷରେ ଅବିବାହିତ ଲୋକଙ୍କ ପାଇଁ ବିବାହ ହେବାର ସମ୍ଭାବନା ରହିଛି। ଏଥି ସହିତ ବ୍ୟବସାୟ ମଧ୍ୟ ଲାଭ ପାଇପାରିବେ ।
କର୍କଟ : ମହାଅଷ୍ଟମୀ ପର ଠାରୁ କର୍କଟ ରାଶିର ଲୋକଙ୍କ ପାଇଁ ଶୁଭ ବୋଲି ପ୍ରମାଣିତ ହେବ । କର୍ମ କ୍ଷେତ୍ରରେ ପଦବୀ ଏବଂ ସମ୍ମାନ ପାଇବା ସମ୍ଭାବନା ରହିଛି । ଚାକିରି ଖୋଜୁଥିବା ବ୍ୟକ୍ତିମାନେ ଏକ ଭଲ ଚାକିରି ପାଇବାର ସୂଚନା ରହିଛି । ଏହା ବ୍ୟତୀତ କର୍ମକ୍ଷେତ୍ରରେ ସହକର୍ମୀଙ୍କ ସହଯୋଗ ମଧ୍ୟ ମିଳିବ ।
କନ୍ୟା : କନ୍ୟା ରାଶିର ଲୋକଙ୍କ ପାଇଁ ଏହି ମହାସଂଯୋଗ ଶୁଭ ବୋଲି ପ୍ରମାଣିତ ହେବ । ଏହି ସମୟ ଛାତ୍ରମାନଙ୍କ ପାଇଁ ଭଲ ହେବ ।ବ୍ୟବସାୟ କରୁଥିବା ଲୋକଙ୍କ ପାଇଁ ଏହି ସମୟ ମଧ୍ୟ ଭଲ ହେବ । ଚାକିରି ପାଇବାର ସମ୍ଭାବନା ଅଛି । ବ୍ୟବସାୟରେ ବିନିଯୋଗର ନୂତନ ଉପାୟ ମିଳିବ ।
ମୀନ : ଏହି ମହାସଂଯୋଗ ସମୟରେ ମୀନ ରାଶିର ଲୋକମାନେ ସମାଜରେ ସମ୍ମାନ ପାଇବେ । ମାଆଙ୍କ ଆଶୀର୍ବାଦ ରୁ ଅଟକି ରହିଥିବା ସମସ୍ତ କାର୍ୟ୍ୟ ସମାପ୍ତ ହୋଇପାରିବ । ଏହି ମହାସଂଯୋଗ ଚାକିରିଆ ଲୋକଙ୍କ ପାଇଁ ଖୁସି ଖବର ଆଣିପାରେ । ସମ୍ମାନ ବୃଦ୍ଧି ହେବାର ସଙ୍କେତ ରହିଛି ।
