ବେକରେ ଓଢଣୀ ଦେଇ ଆତ୍ମହତ୍ୟା କଲେ ଯୁବତୀ, ମୃତଦେହ ଜବତ କରି ତଦନ୍ତ ଆରମ୍ଭ କଲା ପୁଲିସ
ବାଲିପାଟଣା (ଭାସ୍କର ନ୍ୟୁଜ୍): ବାଲିାଟଣା ଥାନା ଅନ୍ତର୍ଗତ ଆଳିସି ଭୋଇ ସାହିରେ ଶନିବାର ପ୍ରାୟ ଦିନ ୧୨ ସମୟରେ ଜଣେ ଯୁବତୀ ବେକରେ ଓଢଣୀ ଲଗାଇ ଆତ୍ମହତ୍ୟା କରିଛନ୍ତି ବୋଲି ସୂଚନା ମିଳିଛି । ମୃତ ଯୁବତୀଙ୍କ ନାମ ବର୍ଷା ଭୋଇ (୧୯) ପିତା ପ୍ରକାଶ ଭୋଇ ବୋଲି ଜଣାପଡିଛି । ଯୁବତୀଙ୍କୁ ମାତ୍ର ୧୯ ବର୍ଷ ବୟସ ହୋଇଥିଲା । ପାରିବାରିକ କଳହରୁ ଏପରି ପରିସ୍ଥିତି ଉପୁଜି ଯୁବତୀ ଜଣକ ଆତ୍ମହତ୍ୟା କରିଛନ୍ତି ବୋଲି ସୂଚନା ମିଳିଛି । ବାଲିପାଟଣା ଥାନା ପୋଲିସ୍ ଘଟଣାସ୍ଥଳରେ ପହଞ୍ଚି ମୃତ ଯୁବତୀଙ୍କ ଶବ ଜବତ କରି ଶବ ବ୍ୟବଚ୍ଛେଦ ପାଇଁ ପଠାଇବା ସହ ଏକ ଅପମୃତ୍ୟୁ ମାମଲା ରୁଜୁ କରିଥିବା ସୂଚନା ମିଳିଛି । ତେବେ ଆତ୍ମହତ୍ୟା ପ୍ରକୃତ କାରଣ ଜାଣିବା ପାଇଁ ବାଲିପାଟଣା ପୋଲିସ ଛାନ୍ ଭିନ୍ ଆରମ୍ଭ କରିଛି। ପରିବାରିକ କଳହ ନା ପ୍ରେମ ବ୍ୟପାର କାରଣ ରହିଛି ତାହା ତଦନ୍ତ ପରେ ସ୍ପଷ୍ଟ ହେବ।
