ଫ୍ୟୁଚର ଗ୍ରୁପକୁ ଅଧୀକୃତ କଲା ରିଲାଏନ୍ସ, କରିପାରେ ରିବ୍ରାଣ୍ଡିଂ
ନୂଆଦିଲ୍ଲୀ: ଦେଶର ଦ୍ୱିତୀୟ ବଡ଼ ରିଟେଲର ଫ୍ୟୁଚର ରିଟେଲ ଲିମିଟେଡ ଏହାର ଅଧିକାଂଶ ଅନଲାଇନ ଏବଂ ଅଫଲାଇନ ଷ୍ଟୋରକୁ ବନ୍ଦ କରିଛି । ଏକ ରିପୋର୍ଟ ଅନୁଯାୟୀ ମୁକେଶ ଅମ୍ବାନୀଙ୍କ ରିଲାଏନ୍ସ ଇଣ୍ଡଷ୍ଟ୍ରୀଜ ଫ୍ୟୁଚର ଗ୍ରୁପକୁ ଟେକ ଓଭର କରିବାକୁ ଯାଉଛି । ଏଥିପାଇଁ ଏହାର ପ୍ରୋସେସିଂ ମଧ୍ୟ ଆରମ୍ଭ ହୋଇସାରିଛି ।
ଫ୍ୟୁଚର ଗ୍ରୁପ୍ ଲିଜ୍ ଭଡ଼ା ଦେଇପାରୁନାହିଁ ଏବଂ ଏହାପରେ ଏବେ ରିଲାଏନ୍ସ ଇଣ୍ଡଷ୍ଟ୍ରୀଜ କିଶୋର ବୟାନୀଙ୍କ ନେତୃତ୍ୱାଧୀନ ଫ୍ୟୁଚର ଗ୍ରୁପର ସେହି ରିଟେଲ ଷ୍ଟୋରଗୁଡ଼ିକ ରିବ୍ରାଣ୍ଡିଂ କରିବ ଯାହାକୁ କମ୍ପାନୀ ଲିଜ୍ ରେ ନେଇ ଫ୍ୟୁଚର ଗ୍ରୁପକୁ ସବ ଲିଜ୍ ପାଇଁ ଦେଇଛି । ଏହା ସହ ରିଲାଏନ୍ସ ଇଣ୍ଡଷ୍ଟ୍ରୀଜ ଫ୍ୟୁଚର ଗ୍ରୁପ୍ ର କର୍ମଚାରୀଙ୍କୁ ଚାକିରି ଅଫର ମଧ୍ୟ ଦେଇଛି ।
ପୂର୍ବରୁ ବିଗ ବଜାର ତରଫରୁ ଏକ ଟ୍ୱିଟ କରି କହିଥିଲା ଯେ ଏହାର ଷ୍ଟୋର ଗୁଡ଼ିକ ଦୁଇ ଦିନ ପାଇଁ ବନ୍ଦ ରହିବ ।
